Wɛ̈ɛ̈t 3:13 - JAM DE NHIALIC 2011

¹³ Wook wodhie wok duëër cam ku dëkku ku mitku piɔ̈ɔ̈th në karil cuk looi. Ee miɔ̈c de Nhialic.

Wɛ̈ɛ̈t 3:13 ပူးပေါင်းရင်းမြစ်များ

Diɛt 128:2

Yïn bï mïth ke tim cï com në yïciin cam, ku yïn bï piɔ̈u miɛt ku abï piath ke yïn.

Diɛt 34:12

Na de raan kɔɔr pïïr de miɛtëpiɔ̈u ë weyiic? De raan kɔɔr bï pïïr ë run juëc ke mitpiɔ̈u?

Wɛ̈ɛ̈t 2:24

Acïn këpiɛth duëër raan looi, të cïn cäm kekë dëk, ku yök miɛtëpiɔ̈u në luɔɔidïtde yic, kënë ayadäŋ, acä tïŋ aa bɔ̈ tëde Nhialic.

Wɛ̈ɛ̈t 2:3

Në baŋ kɔɔr ë piɔ̈ndï pɛlënɔm, ku kaar bä pialëpiɔ̈u tiaam, guɔ lueel an, bä yapiɔ̈u tɔ mit në mɔ̈u, ku ja piɔ̈u lɔ yum. Ku aya tak nɔn duëër en aa kueer piɛth, kueer bï raan pïïrdɛn thiinë thöl ë piny nɔm.

Wɛ̈ɛ̈t 6:2

Raan cï Nhialic gäm kajuëc, ku dhuëëŋ, ka acïn kë bï yen bɛ dak në ka kɔɔr ë yepiɔ̈u ëbɛ̈n, ku akën ë Nhialic gäm riɛl bï yen ke cam, ee raan däŋ yen ee ke cam, kënë ee ɣɔ̈ric, ee këtuc thok arëët.

Wɛ̈ɛ̈t 8:15

Ka kë duɛ̈ɛ̈r piɔɔny ee pinyë nɔm ee piɔ̈n mit de raan, në biäk cïn en kë cï yök: kë cï yök yetök ee luɔɔi bï yen cam ku dëk ku jɔ piɔ̈u miɛt, yen ee kënë aduëër läk ke yen në luɔide yic, në ee pïïr cïï Nhialic gäm en ë piny nɔm.

Wɛ̈ɛ̈t 9:7

Lɔ tueŋ, cam kuïndu ke yï mit piɔ̈u, ku dek mɔ̈ndu në piɔ̈n mit, Nhialic amit piɔ̈u në kakuön cï looi.

Nyöŋ 12:7

Në Bɛ̈nydït Nhialicdun lɔ̈ɔ̈m ëtɛ̈ɛ̈n, we bï cam, ku jakï piɔ̈ɔ̈th miɛt në bɛ̈ikun ëtök, në ka cäk keek looi ëbɛ̈n, ka cï Bɛ̈nydït Nhialicdun we thieei.

Nyöŋ 26:11

Ye piɔ̈u miɛt wekë ka cï Bɛ̈nydït Nhialicdun gäm yïn wekë baaidu, ku yak Lebai ku kɔc lei rɛ̈ɛ̈r ë we yiic, tɔ mät në week ë dhuëëŋic.