Wɛ̈ɛ̈t 3:11 - JAM DE NHIALIC 2011

¹¹ Acï këriëëc ëbɛ̈n tɔ läk në köölde. Ku acï tän athɛɛr cak ë kɔc piɔ̈ɔ̈th ayadäŋ, ke ke cïï kë cï Nhialic looi ee yökic, gɔl të ɣɔn thɛɛr gɔl ë käŋ aɣet cï thökde.

Wɛ̈ɛ̈t 3:11 ပူးပေါင်းရင်းမြစ်များ

Cäk 1:31

Ago Nhialic ka cï looi tïŋ kedhie ke ke piɛth aläl. Ku kënë aaye cool ku wɛ̈ɛ̈r de kööl de dhetem.

Jop 11:7

Duɛ̈ɛ̈rë dït de pɛlënɔm ë Nhialic cuööp? Ku eeŋa ŋic të le riɛl de Nhialic Awärjäŋ guut?

Jop 37:23

Awärjäŋ aril, ka wok cïï bï bɛ̈n ë Yelɔ̈ɔ̈m, Yen ade nɔm riɛldït ku yic, Ku acïï piathëpiɔ̈nde duëër kɔn pɔ̈l.

Jop 5:9

Yen Raan ee ka gɛ̈iyë ke looi, ka cïï duëërë lëu në yöŋë yic, ku kapiɛth gɛ̈iyë ke cuku ke duëër lëu në kuɛ̈n.

Diɛt 104:24

Bɛ̈nydït, Yïn cï kajuëc looi! Acï ke looi kedhie në pɛlënɔm! Pinynɔm acï thiäŋ kekë läiku.

Kɛ̈ŋ 16:4

Bɛ̈nydït ee këriëëc looi ke de kë lui yen, ayï kɔc ee karɛc looi në akööldɛn ë riääk.

Wɛ̈ɛ̈t 1:13

Yɛn cï rɔt gäm kuɛ̈n ku kɔ̈ɔ̈r ë käŋiic ë pɛlënɔm, ka ye looi ë piny nɔm kedhie. Ee luɔɔi ril yen cïï Nhialic gäm kɔc.

Wɛ̈ɛ̈t 11:5

Cït man kuc ë raan kueer ye wëi bɛ̈n ë yomiic në amadhiënh ë tiiŋ liacic, yen akuc ë raan luɔi de Nhialic ë cak këriëëc ëbɛ̈n.

Wɛ̈ɛ̈t 7:13

Ye luɔɔi de Nhialic tak. Eeŋa duëër kë cï Nhialic tɔ ŋɔl bɛ nyɔk ë rïc?

Wɛ̈ɛ̈t 7:23

Kakë kedhie acä ke them bä nɔm pɛl, luɛɛl, an, “Yɛn bï nɔm pɛl. Ku akën ke bɛ̈n lëu.

Wɛ̈ɛ̈t 7:29

Ku kë töŋ cä ŋic kï an, Nhialic ë raan cak ke piɛth piɔ̈u, ku ye raan ee rɔt yal në kuɛɛrkɛn kɔ̈kiic.

Wɛ̈ɛ̈t 8:17

Guɔ luɔɔi de Nhialic tïŋ ëbɛ̈n, luɔɔi looi ë piny nɔm acïï raan duëër yökic. Na ciɛk rɔt näk piny në luɔi ke kɔɔr, ka cïï yök, na cak raan pelnɔm lueel an ŋic, ka cï bï yökic.

Math 11:27

Käŋ kedhie acï Wäär ke tääu ë yacin, ku acïn raan ŋic Wënde, ee Wäär etök, ayï Wäär acïn raan ŋic en, ee Wënde etök, ku raan nu ë Wënde piɔ̈u nɔn bï en ë nyuöth en.

Math 13:22

Ku kë cï com ë kuɔɔth yiic, yen aye raan piŋ jam, na wën ke diɛɛr ë ka ke pinyë nɔm, ku mɛth ee juëc de wëu raan math, ke ke nyiic jam, go cïï lok.

Mak 7:37

Acïk gäi ë gäi cïï themë thok, ku luelkï an, “Acï këriëëc tiiŋic ëbɛ̈n, acakaa mïŋ aye ke tɔ piŋ, ku tɔ kɔc cïn thook jam!”

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.

Romai 11:33

Eeŋö dïïtë pɛlënɔm de Nhialic aya, ayï ŋïny ŋic en käŋ! Lööŋkɛn cï guiir bï raan ke gii thäär nɛn, ku kuɛɛrke bï raan ke yök adï?

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.