Wɛ̈ɛ̈t 2:7 - JAM DE NHIALIC 2011

⁷ Yɛn cï röör ku diäär lïïm ɣɔɔc, ku dɛ nɔm lïïm ë dhiëth baaidï. Ku yɛn de nɔm luny de thök ku ɣɔ̈k ayadäŋ, awär kɔc ë cï kɔn tɔ̈u ë yanɔm tueŋ ë Jeruthalem.

Wɛ̈ɛ̈t 2:7 ပူးပေါင်းရင်းမြစ်များ

Cäk 13:2

Abram aa kueth aläl, ade nɔm luny ë thök ku ɣɔ̈k, ku ade nɔm ateek, ku adhɛ̈p juëc.

Cäk 14:14

Na wën, aa piŋ Abram luɔi cï wën ë mänhë jɔt, ke cɔl kɔckɛn ke tɔŋ, kɔc nu në yen. Aake ye bot kadiäk ku thiëër ku bɛ̈t kedhie. Agokï meliikë kaŋuan kuany cök agut cï Dan.

Cäk 15:3

Yïn kën a gäm mïth, ee lïm tök në lïïmkï yiic yen abï kakï lɔ̈ɔ̈k lak.”

1 Mel 4:23

Ku miöör cuai kathiëër, ku miöör atiëëk kathiërrou, ku bɔt de amɛ̈l ku bɔɔth ayï keu ku ŋeer ku diɛt cuɛi.

2 Mel 3:4

Melik Meca de Mowap raan de nɔm thök, në ruöön thok ëbɛ̈n ade kak ë ye ke gam kekë cït ajuëër ke melik de Yithriɛl, bɔt de agum (100,000) de thök amɛ̈l ku nhiëm cï tem në thök amɛ̈l ka bɔt de agum (100,000).

2 Lëk 26:10

Ku yïk ɣööt ril bär në jɔ̈ɔ̈ric ku wec yith ke pïïu, në biäk de yen nɔm ɣɔ̈k juëc në kur nu të lɔ aköl athɛ̈i ku në riaaŋ nɔm. Ku në biäk nhiɛɛr en pɔ̈ɔ̈r, aaye kɔc riit piɔ̈ɔ̈th bïk duum ke enap com ë kur thäär ku në tiɔɔm piɛth yic.

Edhr 2:55

Dhiën ke kɔc ee Tholomon luööi wään bɔ̈ ciëën ë pɛ̈cic: Thotai, ku Ɣathopereth, ku Peruda, Jaala, ku Darkon, ku Gidel, Cepatia, ku Ɣatil, ku Pocereth Ɣathebayim, ku Ami.

Edhr 2:58

Kuën ë kɔc ee lui ë Luaŋdïtic kekë kɔc ee lui në Tholomon 392.

Neɣe 7:57

Dhiëën ke kɔc ɣɔn ee Tholomon luöi ɣɔn bɔ̈ ciëën ë pɛ̈cic: Thotai, ku Thopereth, ku Perida, Jaala, ku Darkon, ku Gidel, Cepatia, ku Ɣatil, Pocereth Ɣathebayim, ku Amon.

Jop 1:3

Ee raan de nɔm kajuëc aläl, ade aguum kadhorou ke thök, ku aguum kadiäk ke thɔ̈rɔ̈ɔ̈l, ku agum töŋ de ɣɔ̈k, ku bot ka dhïc ke mul, ku kɔc juëckɛn ee luui, yen ajɔ Jop aa raan de naamdɛndït awär kɔc nu të lɔ aköl amiäk.

Jop 42:12

Ku Bɛ̈nydït acï runke pïïr Jop wään ciëën ë thieei yiic, awär athiɛɛi tueŋ, aa de nɔm aguum kathiëër ku ŋuan 14,000 ke thök amɛ̈l, ku aguum kadhetem 6000 ke thɔ̈rɔ̈ɔ̈l, ku aguum kaarou ke 2,000 ɣɔ̈k, ku agum töŋ de mul.

Luk 12:45

Ku na jam lïmë ë yepiɔ̈u an, bɛ̈nydï acï gääu ë bɛ̈nde, ago wɛ̈ɛ̈t lïïm gɔl ë dui ayï duet lïïm, ku ye cam ku ye dek ku ye rɔt tɔ wit mɔ̈u,