Wɛ̈ɛ̈t 2:6 - JAM DE NHIALIC 2011

⁶ Yɛn cï rɔt luöi awuul ye ke tiim ke roordiën cä com piɔɔk.

Wɛ̈ɛ̈t 2:6 ပူးပေါင်းရင်းမြစ်များ

Neɣe 2:14

Ku bɛ kal kuany kɔ̈u ke ya lɔ Thoŋ de Awaŋ ku Awuöl de Melik, ku cïn të tëëk ë mul wën cath ɛn.

Neɣe 2:8

ku gɔ̈ɔ̈r awerek däŋ bï yiɛ̈n Athap raan ee roor de Melik tiit, ago a lɔ miɔɔc ë tiim bä ke lɔ looi ke ke ye këërkëër ke athïïn ke të wën ye Luaŋdït tiit thok, ku yïkë ke kal ë pänydït ku ɣön bï yɛn tɔ̈u thïn. Go Melik ya gäm ka cä thiëëc kedhie në luɔi nu athiɛɛi de Nhialic ke yɛn.

Neɣe 3:15

Calum wën ë Koloɣodh, bɛ̈ny de Midhpa acï Thoŋ de Awaŋ nyɔk në yïk, ku tɛ̈ɛ̈u awïk de kal thok, ku tɛ̈ɛ̈u athïïnke tëden ku rïurïu ke. Acï kal biäkdäŋë yïk në awuöl ë Cela nɔm ɣëëtkï ë dom de Melik, ku ɣëëtkï në kueer ye kɔc bɛ̈n piny Pänydït de Debid.

Neɣe 3:16

Neɣemia wën de Adhibuk bɛ̈ny de biäk de wun cɔl Bethdhur acï kal biäk däŋë yïk ɣeetkï të lɔ raŋ de Debid kekë awuöl, ku ɣön ë jööt ke tɔŋ.

Diɛt 1:3

Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Diɛt ke 7:4

Yïn cït yeth alooc bäär de tuŋ ke akɔ̈ɔ̈n. Ku nyïïnku acïtkï awuul nu në pänydït de Ɣecbonic, thiääk kekë kal de pänydïtë thok. Wumdu adik cï ɣön bɛ̈ɛ̈r de Lebanɔn, ee kɔ̈ɔ̈c ke woi Damathko piny.

Jeremia 17:8

Keek acïtkï tiim ee cil ë wɛ̈ɛ̈r yɔu, ku ye meiken ɣet ë pïïuwiic. Acïkï ee riɔ̈ɔ̈c të cï piny tuöc, në biäk ye yïthken tɔ̈u ke ke tɔ̈c, acïkï ee diɛɛr të cïn en deŋ, ayek ŋoot ke ke lok në mïth.