Wɛ̈ɛ̈t 2:3 - JAM DE NHIALIC 2011

³ Në baŋ kɔɔr ë piɔ̈ndï pɛlënɔm, ku kaar bä pialëpiɔ̈u tiaam, guɔ lueel an, bä yapiɔ̈u tɔ mit në mɔ̈u, ku ja piɔ̈u lɔ yum. Ku aya tak nɔn duëër en aa kueer piɛth, kueer bï raan pïïrdɛn thiinë thöl ë piny nɔm.

Wɛ̈ɛ̈t 2:3 ပူးပေါင်းရင်းမြစ်များ

Cäk 47:9

Go Jakop puk nɔm an, “Runkiën wään cath ɛn piny lei, ayek bɔt ku thiërdiäŋ ë run. Ku kek ee runkë, alikï ku atuckï thook. Acïkï kït në run ke kuarkuɔ ɣɔn nömkï ke ke cath piny lei.”

Jop 14:14

Të cïï raan thou duëër bɛ pïïr? Yɛn bï tïït në ee wïtdiënë yic ëtɛ̈ɛ̈n, aɣet të bï ya waar.

Diɛt 104:15

ago mɔ̈u luɔk ke bï ke tɔ mit piɔ̈ɔ̈th, ku miök de olip ee ke tɔ lɔ piɔ̈ɔ̈th yum, ku kuïn bï ke gäm riɛl.

Kɛ̈ŋ 20:1

Mɔ̈u ade guöp agɛɛt ayï mɔ̈n tuc ee kɔc kɛ̈ɛ̈k, raan ëbɛ̈n raan ee rɔt tɔ thel ë mɔ̈u wei acïï nɔm pel.

Wɛ̈ɛ̈t 1:17

Ku ja yanɔm kiɛm piny bä ŋïnydekäŋ kekë pɛlënɔm ŋic, ku ŋiɛc miɔ̈ɔ̈l kekë pialëpiɔ̈u. Guɔ ee kënë yök ayadäŋ nɔn cït en cum de yom cök.

Wɛ̈ɛ̈t 10:19

Thar ë dɔl ee kuɛth, ku ye miɛtëpiɔ̈u këde mɔ̈u, ku jɔ wëu këriëëc aa looi ëbɛ̈n.

Wɛ̈ɛ̈t 12:13

Kë ciëën bä lɛ̈k yïn në ee kakë cök kedhie yekï: Ye riɔ̈ɔ̈c në Nhialic, ku döt lööŋke, në baŋ ye kënë luɔɔi de raan ëbɛ̈n.

Wɛ̈ɛ̈t 2:24

Acïn këpiɛth duëër raan looi, të cïn cäm kekë dëk, ku yök miɛtëpiɔ̈u në luɔɔidïtde yic, kënë ayadäŋ, acä tïŋ aa bɔ̈ tëde Nhialic.

Wɛ̈ɛ̈t 5:18

Tiëŋkï, kë cä yök kë rɔ̈ŋ ee luɔɔi bïï ë raan cam ku dëk, ku bï kuɛth yök në luɔɔide yic në akööl lïk ke pïïr ë piny nɔm, akööl cïï Nhialic gäm en ke ye biäkde.

Wɛ̈ɛ̈t 6:12

Ku eeŋa ŋic këpiɛth rɔ̈ŋ kekë mɛnh ë raan në ye nïn lik ɣɔ̈ric ee tëëk cït man ë atiëp ë piny nɔm? Eeŋa bï raan lɛ̈k kë bï rɔt looi në yecök të cï yen jäl?

Wɛ̈ɛ̈t 7:18

Apiɛth bä kënë looi, ku du däŋë päl, ye tɔ̈u në kaamic, ku raan ee Nhialic riëëu aduëër poth në keyiic kedhie.

Wɛ̈ɛ̈t 7:25

Yɛn cï yanɔm wël yöŋ de käŋiic, ke ya kɔɔr a nɔm, bä pɛlënɔm yök, ku kaaric, bän täu de käŋ ŋic, ku ŋiɛc rac de dhɔ̈ɔ̈n, ku miɔ̈ɔ̈l kekë pialëpiɔ̈u.

Wɛ̈ɛ̈t 8:15

Ka kë duɛ̈ɛ̈r piɔɔny ee pinyë nɔm ee piɔ̈n mit de raan, në biäk cïn en kë cï yök: kë cï yök yetök ee luɔɔi bï yen cam ku dëk ku jɔ piɔ̈u miɛt, yen ee kënë aduëër läk ke yen në luɔide yic, në ee pïïr cïï Nhialic gäm en ë piny nɔm.

Math 6:24

Acïn raan duëër rɔt tɔ ye lïm de bäny kaarou, ka bï tök maan, ku nhiaar tök, ku abï tök dɔm ku tɔ tök cïn naamde. Wek cïï röt duëër tɔ ye lïïm ke Nhialic ku lïïm ke wëu ayadäŋ.

Epethiei 5:18

Ku duökï röt ee tɔ wit mɔ̈u, ee mumënɔm bɛ̈ɛ̈i, yak röt tɔ thiäŋ ë Wëidït.

Bäny 9:13

Go tim de enap bɛ̈ɛ̈r an, ‘Në baŋ bän we mac, yɛn bï kɔ̈ɔ̈c ku cä be ŋuɔl në mïthkiën ye ke mɔ̈u looi, mɔ̈n ee yiëth miët piɔ̈u ku kɔc, ku ja bɛ̈n aa bɛ̈ny de tiim.’

1 Tham 25:36

Na wën le Abigail tëde Nabal, go yök ke loi gökdïït de dhuëëŋ cït man ë kë de melik, aacï wiɛɛt aläl, go ciën kë lëk en agut të le piny ruu.