Wɛ̈ɛ̈t 2:24 - JAM DE NHIALIC 2011

²⁴ Acïn këpiɛth duëër raan looi, të cïn cäm kekë dëk, ku yök miɛtëpiɔ̈u në luɔɔidïtde yic, kënë ayadäŋ, acä tïŋ aa bɔ̈ tëde Nhialic.

Wɛ̈ɛ̈t 2:24 ပူးပေါင်းရင်းမြစ်များ

1 Mel 4:20

Kɔc ke Juda ku Yithriɛl aake cï juëc abïk ciët liɛɛt ë wɛ̈ɛ̈r yɔu, aake ye cam ku dëkkï ku mitkï piɔ̈ɔ̈th.

Neɣe 8:10

Jälkï ënɔɔnë lak baai ku luɔikï këcamdït ku ramkï cämdun ku mɔ̈ndun në kɔc dɛk ë käŋ. Köölë aɣeric tëde Bɛ̈nydïïtda, ka duökï piɔ̈ɔ̈th jieth. Miɛtëpiɔ̈u ë gëmë Bɛ̈nydït week abï week tɔ ril.”

Wɛ̈ɛ̈t 2:10

Kë ye piɔ̈ndï kɔɔr ëbɛ̈n aya nööm, yɛn kën rɔt pɛ̈n miɛtëpiɔ̈u. Yɛn cï piɔ̈u miɛt në luɔɔi dït cä looi, ku kënë aaye ariöp de luɔɔidï ëbɛ̈n.

Wɛ̈ɛ̈t 2:25

Të cïn Nhialic, eeŋa duëër cam, ku eeŋa duëër miɛtëpiɔ̈u yök?

Wɛ̈ɛ̈t 2:3

Në baŋ kɔɔr ë piɔ̈ndï pɛlënɔm, ku kaar bä pialëpiɔ̈u tiaam, guɔ lueel an, bä yapiɔ̈u tɔ mit në mɔ̈u, ku ja piɔ̈u lɔ yum. Ku aya tak nɔn duëër en aa kueer piɛth, kueer bï raan pïïrdɛn thiinë thöl ë piny nɔm.

Wɛ̈ɛ̈t 3:22

Aya tïŋ nɔn cïn en këpiɛth duëër ë raan looi, ee luɔɔi bïï yen piɔ̈u miɛt ë luɔɔide yic, në baŋ ee yen biäkde ë pïïric. Ku eeŋa bï ye bɛ̈ɛ̈i, raan bï ye bɛ̈n tɔ tïŋ kë bï rɔt lɔ̈ɔ̈k looi ë yecök të cï en thou?

Wɛ̈ɛ̈t 5:17

Në pïïr de raan yic ëbɛ̈n raan ee rɛ̈ɛ̈r ë mɔ̈ɔ̈thic ku diɛɛric, ku agɔ̈thic ku juäi yic.

Wɛ̈ɛ̈t 6:12

Ku eeŋa ŋic këpiɛth rɔ̈ŋ kekë mɛnh ë raan në ye nïn lik ɣɔ̈ric ee tëëk cït man ë atiëp ë piny nɔm? Eeŋa bï raan lɛ̈k kë bï rɔt looi në yecök të cï yen jäl?

Wɛ̈ɛ̈t 6:2

Raan cï Nhialic gäm kajuëc, ku dhuëëŋ, ka acïn kë bï yen bɛ dak në ka kɔɔr ë yepiɔ̈u ëbɛ̈n, ku akën ë Nhialic gäm riɛl bï yen ke cam, ee raan däŋ yen ee ke cam, kënë ee ɣɔ̈ric, ee këtuc thok arëët.

Wɛ̈ɛ̈t 8:15

Ka kë duɛ̈ɛ̈r piɔɔny ee pinyë nɔm ee piɔ̈n mit de raan, në biäk cïn en kë cï yök: kë cï yök yetök ee luɔɔi bï yen cam ku dëk ku jɔ piɔ̈u miɛt, yen ee kënë aduëër läk ke yen në luɔide yic, në ee pïïr cïï Nhialic gäm en ë piny nɔm.

Yith 56:12

Aye kɔc ye mɔ̈u wit lueel an, “Takï wo yïn ë mɔ̈n tuc, ku deku kë buk lëu! Ku miäk abï ee köölë wuöör aläl!”

Malakai 2:2

Aluɛɛl yɛn Bɛ̈nydït de rɛm an, “Wek yɔ̈ɔ̈k an, të kɛ̈n wek jamdï piŋ, ku kɛ̈nkï tääu në wepiɔ̈ɔ̈th ëgɔk, ago rinkï dhuëëŋ yök, we bä cieen, ku ciɛɛn kapiɛth ye kɔc ke yiɛ̈n week ɣön ë Nhialic. Ku ë yic, acä ke guɔ cieen, në luɔi kën kek jamdï tääu në kepiɔ̈ɔ̈th.

Luɔi 14:17

Ku akën rɔt pɔ̈l të cïn cäätɔde tei, aaye cool ë loi luɔi piɛth, ee wo miɔɔc në deŋ bɔ̈ nhial ayï pɛɛi ee käŋ luɔk, go wo tɔ kueth ë këcam abuk piɔ̈ɔ̈th miɛt.”

1 Kor 15:32

Të cän piɔ̈t wokë läi roor Epetho cït man ë kɔc, eeŋö bä yök thïn të cïï kɔc cï thou röt jɔt? “Aŋuän luɔi duëër wo cam, ku dëkku, në luɔi bï wo thou miäk.”

Nyöŋ 12:12

Jakï piɔ̈ɔ̈th miɛt ëtɛ̈ɛ̈n në Bɛ̈nydït lɔ̈ɔ̈m week në mïthkun, ku lïïmkuön röör ku diäär, ku Lebai rëër ë wuötkuniic, ku aŋiɛckï nɔn cïn ë Lebai nïïm wuöt ke naamden.

Nyöŋ 12:18

Week në mïthkun, wedhie në kɔc ee week luööi ku Lebai rɛ̈ɛ̈r në wuötkuniic, wek bï ee miɔ̈ckë dhil cam në Bɛ̈nydït Nhialicdun lɔ̈ɔ̈m, të töŋ de läm, të cïï Bɛ̈nydït Nhialicdun lɔc. Ku wek bï piɔ̈ɔ̈th jɔ miɛt ëtɛ̈ɛ̈n në biäk de ka cä keek looi ëbɛ̈n.

1 Tim 6:17

Kɔc juëc ë kaken ë pinyë nɔm, ye ke yɔ̈ɔ̈k, ë ke cïï röt ee tɔ dït, ku cïkï juëc ë käŋ ee ŋɔ̈ɔ̈th, ka kuc ë raan nɔn bï kek tɔ̈u në yen, ë ye Nhialic pïïr yen yek ŋɔ̈ɔ̈th, Raan ee wo miɔɔc ë käŋ kedhie në dhuëëŋ, ke wo bï piɔ̈ɔ̈th aa miɛt ë keek.