Wɛ̈ɛ̈t 2:23 - JAM DE NHIALIC 2011

²³ Aköölke yiic kedhie ayek arɛɛm, kekë jiɛthëpiɔ̈u. Ayï wakɔ̈u aya acïï piɔ̈u ee lɔ̈ŋ. Kënë aya ee ɣɔ̈ric.

Wɛ̈ɛ̈t 2:23 ပူးပေါင်းရင်းမြစ်များ

Cäk 3:17

Ku lëk ë Bɛ̈nydït Nhialic moc an, “Në luɔi cïn jam ë tiiŋdu piŋ, ku cam mïth ke tim wään cän jaai, an, cï cam, piny abä jɔ cieen nɔm në këdu. Në pïïrdu yic ëbɛ̈n, yïn bï këcamdu aa yök të cïn luɔi dït kɔn looi.

Cäk 47:9

Go Jakop puk nɔm an, “Runkiën wään cath ɛn piny lei, ayek bɔt ku thiërdiäŋ ë run. Ku kek ee runkë, alikï ku atuckï thook. Acïkï kït në run ke kuarkuɔ ɣɔn nömkï ke ke cath piny lei.”

Ethta 6:1

Ɣɔn në ye wɛ̈ɛ̈rë yic, go Melik ruu ke cïï nin, go awerek de gäär de kake luɔi aköölnyïïn cɔɔl, bï bɛ̈n kuɛ̈n ka cï gɔ̈ɔ̈r. Go ke kuɛ̈n en,

Jop 14:1

Mɛnh ë raan acïn riɛl, aa dhiëëth ë tik tei, nïnke alikï ku athiëŋkï në nuan.

Jop 5:7

raan yen ee rɔt yiɛ̈n nuan yetök, cït man ye mac teny ke lɔ nhial.

Diɛt 127:2

Acïn naamde bï raan aa lui aläl ë biäk de pïïr bï raan aa pääc miäk rial ku le tɔ̈c ke cï gääu. Bɛ̈nydït ee kɔc nhiɛɛr gäm këcam, ke ke nin.

Diɛt 32:4

Aköl ku wakɔ̈u, yïn ee ya luöi këtuc Bɛ̈nydït, riɛldï ë thök ëbɛ̈n cït man ye aköl amäi kɔc nɔ̈k.

Diɛt 90:15

Miɔc wook ënɔɔnë në miɛtëpiɔ̈n dït, kë cït ke guöm dïït cï gäm wook në run ɣɔn nuɛɛn wok kedhie.

Wɛ̈ɛ̈t 1:13

Yɛn cï rɔt gäm kuɛ̈n ku kɔ̈ɔ̈r ë käŋiic ë pɛlënɔm, ka ye looi ë piny nɔm kedhie. Ee luɔɔi ril yen cïï Nhialic gäm kɔc.

Wɛ̈ɛ̈t 1:18

Në biäk ye pɛlënɔm dït bɛ̈n kekë jiɛthëpiɔ̈u dït, ku raan ee ŋïnydekäŋ ŋuak ee dhiënëpiɔ̈u ŋuak.

Wɛ̈ɛ̈t 2:11

Ku të yan ka cä looi në yacin woi, ku luɔɔidïït cä kiëët, këriëëc ëbɛ̈n të tiëŋ ɛn en, ee ɣɔ̈ric, acït cum de yom cök. Acïn kë cä yök ë piny nɔm.

Wɛ̈ɛ̈t 5:12

Raan ee lui ë yecin ee niin apiɛth, na cï cak cam ku nɔn kën cam arëët, ku juëc de kake raan kueth ayek en pɛ̈n nïn.

Wɛ̈ɛ̈t 5:17

Në pïïr de raan yic ëbɛ̈n raan ee rɛ̈ɛ̈r ë mɔ̈ɔ̈thic ku diɛɛric, ku agɔ̈thic ku juäi yic.

Wɛ̈ɛ̈t 8:16

Wën cän a piɔ̈u wɛ̈l pɛlënɔm, ku ka loike ë piny nɔm bä keek ŋic, acä yök nɔn cïï raan duëër niin wakɔ̈u ku aköl.

Danyel 6:18

Na wën, ke melik ë puk rɔt baaide, ago ruu ke cïï nin, ku reec cäm ku cïï yenɔm keet.

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”