Wɛ̈ɛ̈t 2:18 - JAM DE NHIALIC 2011

¹⁸ Ku yɛn cï luɔɔidït cä looi ëbɛ̈n ë piny nɔm maan, në biäk bän ke dhil nyäŋ raan bï lɔ̈ɔ̈k bɛ̈n ë yacök.

Wɛ̈ɛ̈t 2:18 ပူးပေါင်းရင်းမြစ်များ

Diɛt 17:14

luäkë ya bei në kɔc de nïïm këriëëc kɔɔrkï ëbɛ̈n ee pinyë nɔm. Luöiyë keek këtuc në nuɛɛn cï kueet ë biäkden, tɔ mïthken yök nuan rɔ̈ŋ ke keek ku dɔ̈ŋ biäk ke mïth ke mïthken.

Diɛt 39:6

kɔc acïtkï atïïp. Ku luɔiden ëbɛ̈n ee ɣɔ̈ric, ayek käŋ määtic ke kuckï raan bï ke nööm.

Diɛt 49:10

Të tïŋ wok en raan pelnɔm, ee thou, ku raan piɔlpiɔ̈u kekë dhɔ̈n ayek thou aya. Keek kedhie ayek kakɛn juëc nyäŋ mïth ke mïthken.

Wɛ̈ɛ̈t 1:13

Yɛn cï rɔt gäm kuɛ̈n ku kɔ̈ɔ̈r ë käŋiic ë pɛlënɔm, ka ye looi ë piny nɔm kedhie. Ee luɔɔi ril yen cïï Nhialic gäm kɔc.

Wɛ̈ɛ̈t 1:3

Eeŋö ye raan yök, në luɔɔidɛn ril ye looi ëbɛ̈n ë piny nɔm?

Wɛ̈ɛ̈t 2:11

Ku të yan ka cä looi në yacin woi, ku luɔɔidïït cä kiëët, këriëëc ëbɛ̈n të tiëŋ ɛn en, ee ɣɔ̈ric, acït cum de yom cök. Acïn kë cä yök ë piny nɔm.

Wɛ̈ɛ̈t 2:21

Në biäk ye raan luɔɔidïtde looi në pɛlënɔm, ku ŋïnydekäŋ kekë tëët, ku abï kake kedhie dhil nyäŋ raan kën ke looi. Kënë aya ee ɣɔ̈ric ku ee gök de kërac.

Wɛ̈ɛ̈t 2:26

Raan ee Nhialic tɔ mitpiɔ̈u aye gäm pɛlënɔm, ku ŋïnydekäŋ ku miɛtëpiɔ̈u, ku raan ee karɛc looi aye Nhialic gäm luɔɔi de mɛ̈ɛ̈t ë käŋiic ku kun de käŋ nïïm, bï ke lɔ gäm raan mit ë Nhialic piɔ̈u ke yen. Kënë ayadäŋ ee ɣɔ̈ric, acït cum de yom cök.

Wɛ̈ɛ̈t 3:22

Aya tïŋ nɔn cïn en këpiɛth duëër ë raan looi, ee luɔɔi bïï yen piɔ̈u miɛt ë luɔɔide yic, në baŋ ee yen biäkde ë pïïric. Ku eeŋa bï ye bɛ̈ɛ̈i, raan bï ye bɛ̈n tɔ tïŋ kë bï rɔt lɔ̈ɔ̈k looi ë yecök të cï en thou?

Wɛ̈ɛ̈t 4:3

Ku raan ŋuän ë keek kedhie, ee raan kënë dhiëëth, raan kën yaaŋ loi rɔt ë piny nɔm tïŋ.

Wɛ̈ɛ̈t 5:18

Tiëŋkï, kë cä yök kë rɔ̈ŋ ee luɔɔi bïï ë raan cam ku dëk, ku bï kuɛth yök në luɔɔide yic në akööl lïk ke pïïr ë piny nɔm, akööl cïï Nhialic gäm en ke ye biäkde.

Wɛ̈ɛ̈t 9:9

Ye piɔ̈u miɛt wekë tiiŋdu, në aköölkuön ɣɔ̈ric ke pïïr cïï Nhialic gäm yïn ë piny nɔm, ye piɔ̈u miɛt wekë yen, në baŋ yen këduön ë yök në luɔi riildu yic ëbɛ̈n cï looi ë piny nɔm.

Luk 12:20

Na wën, ke yöök ë Nhialic an, ‘Yïn dhɔ̈n! Ëlëwakɔ̈u wëiku abï ke cɔɔl tëde yïn: ku kakuön cï guik bïk guɔ aa ka ke ŋa?”’

1 Kor 3:10

Luɔi luɔɔi ɛn kë cï tääu ë yacin në dhuëëŋ de Nhialic nu ë atëët nïïm, ku ee raan däŋ yen ayïk thïn. Ku tɔ raan ëbɛ̈n cök ë woi en yïŋ yïk en thïn.