Wɛ̈ɛ̈t 2:10 - JAM DE NHIALIC 2011

¹⁰ Kë ye piɔ̈ndï kɔɔr ëbɛ̈n aya nööm, yɛn kën rɔt pɛ̈n miɛtëpiɔ̈u. Yɛn cï piɔ̈u miɛt në luɔɔi dït cä looi, ku kënë aaye ariöp de luɔɔidï ëbɛ̈n.

Wɛ̈ɛ̈t 2:10 ပူးပေါင်းရင်းမြစ်များ

Cäk 3:6

Ago tik tim tïŋ ke läk, tim röŋ ë mïthke në cäm, ku ye tim bï kɔc tɔ ŋic käŋ. Ago meth tet ku ciɛm, ku gëm biäk monyde. Go monyde cam ayadäŋ.

Cäk 6:2

Ku wɛ̈ɛ̈t ke Nhialic acï duet ke bɛ̈n diir, agokï röt lɔ̈c diäär në keyiic cït man ë kë kɔɔr ë piɔ̈nden.

Jop 31:1

Yɛn cï gutguut lueel cïn nyan dhueny bä woi në yapiɔ̈u,

Diɛt 119:37

Gël yɛn ë luɔi bän yapiɔ̈u wël kërac, tɔ rɔt piath wekë yɛn, cït man cïï yïn gutguut lueel.

Diɛt 128:2

Yïn bï mïth ke tim cï com në yïciin cam, ku yïn bï piɔ̈u miɛt ku abï piath ke yïn.

Wɛ̈ɛ̈t 11:9

Wek dhuök, miɛtkï piɔ̈ɔ̈th në dhuöökdunic. Yak piɔ̈ɔ̈th miɛt të ŋuɔɔt wek ke we ye dhuök. Luɔikï ka kaarkï bäk ke looi, ku kuanykï kake piɔ̈ɔ̈thkun cök. Ku ŋiɛckï nɔn bï Nhialic löŋdun guiir në këriëëc yak looi yic ëbɛ̈n.

Wɛ̈ɛ̈t 2:1

Guɔ rɔt jɔ yɔ̈ɔ̈k an, apiɛth tei, yɛn bï miɛtëpiɔ̈u jɔ them ënɔɔnë. Ku tïŋ, kënë ayadäŋ acä yök ke ee ɣɔ̈ric.

Wɛ̈ɛ̈t 2:22

Eeŋö ee raan yök në luɔɔidïtde yic ëbɛ̈n ku ka ye kɔɔr në yepiɔ̈u ë piny nɔm?

Wɛ̈ɛ̈t 2:24

Acïn këpiɛth duëër raan looi, të cïn cäm kekë dëk, ku yök miɛtëpiɔ̈u në luɔɔidïtde yic, kënë ayadäŋ, acä tïŋ aa bɔ̈ tëde Nhialic.

Wɛ̈ɛ̈t 3:22

Aya tïŋ nɔn cïn en këpiɛth duëër ë raan looi, ee luɔɔi bïï yen piɔ̈u miɛt ë luɔɔide yic, në baŋ ee yen biäkde ë pïïric. Ku eeŋa bï ye bɛ̈ɛ̈i, raan bï ye bɛ̈n tɔ tïŋ kë bï rɔt lɔ̈ɔ̈k looi ë yecök të cï en thou?

Wɛ̈ɛ̈t 5:10

Raan ee wëu nhiaar acie kuɛth në keek, ku nhiëër ë kajuëc, acïn kë ye yök thïn. Kënë aya ee ɣɔ̈ric.

Wɛ̈ɛ̈t 5:17

Në pïïr de raan yic ëbɛ̈n raan ee rɛ̈ɛ̈r ë mɔ̈ɔ̈thic ku diɛɛric, ku agɔ̈thic ku juäi yic.

Wɛ̈ɛ̈t 5:18

Tiëŋkï, kë cä yök kë rɔ̈ŋ ee luɔɔi bïï ë raan cam ku dëk, ku bï kuɛth yök në luɔɔide yic në akööl lïk ke pïïr ë piny nɔm, akööl cïï Nhialic gäm en ke ye biäkde.

Wɛ̈ɛ̈t 6:2

Raan cï Nhialic gäm kajuëc, ku dhuëëŋ, ka acïn kë bï yen bɛ dak në ka kɔɔr ë yepiɔ̈u ëbɛ̈n, ku akën ë Nhialic gäm riɛl bï yen ke cam, ee raan däŋ yen ee ke cam, kënë ee ɣɔ̈ric, ee këtuc thok arëët.

Wɛ̈ɛ̈t 6:9

Pëk ee raan pëk në ke tɔ̈u në yenyin tueŋ yen aŋuän në wïl ye raan piɔ̈u wïl ke kɔɔr kɔ̈k. Ee kë ɣɔ̈ric, acït cum de yom cök.

Wɛ̈ɛ̈t 8:15

Ka kë duɛ̈ɛ̈r piɔɔny ee pinyë nɔm ee piɔ̈n mit de raan, në biäk cïn en kë cï yök: kë cï yök yetök ee luɔɔi bï yen cam ku dëk ku jɔ piɔ̈u miɛt, yen ee kënë aduëër läk ke yen në luɔide yic, në ee pïïr cïï Nhialic gäm en ë piny nɔm.

Wɛ̈ɛ̈t 9:6

Nhiëërden, ku mänden ku tiɛɛlden, acïk riäär në keek ëtök. Acïn kë cï döŋ taitai kë bïk bɛ rɔm në kɔc pïïr në ka loi yiic ëbɛ̈n ë piny nɔm.

Wɛ̈ɛ̈t 9:9

Ye piɔ̈u miɛt wekë tiiŋdu, në aköölkuön ɣɔ̈ric ke pïïr cïï Nhialic gäm yïn ë piny nɔm, ye piɔ̈u miɛt wekë yen, në baŋ yen këduön ë yök në luɔi riildu yic ëbɛ̈n cï looi ë piny nɔm.

1 Jɔn 2:16

Këriëëc nu ë piny nɔm, yï ŋɔ̈ɔ̈ŋ de guöp, ku ŋɔ̈ɔ̈ŋ de nyin, ku lɛc ye raan rɔt leec në ka ke pïïr, acïkï ë ka ke Wääda, ayek ka ke piny nɔm.

Bäny 14:2

Wën puk en rɔt, go lɛ̈k wun ku man, an, “Yɛn cï nyan ë kɔc ke Pilithiin tïŋ ë Timena ku ë ya diir. Lak yiɛ̈nkï yɛn ënɔɔnë bä thiaak.”