Wɛ̈ɛ̈t 12:7 - JAM DE NHIALIC 2011

⁷ Ku abuui ee rɔt dak në abuui yic tën ë bïï yen thïn, ku wëi abïk röt dak tëde Nhialic Raan ë gëm ke wook.

Wɛ̈ɛ̈t 12:7 ပူးပေါင်းရင်းမြစ်များ

Cäk 18:27

Ago Abraɣam puk nɔm an, “Pälë yɛn nɔm riɛldï, nɔm riɛl cän jam cuuth wo Yïn, Bɛ̈nydït. Yɛn ee raan tei, ku yɛn cïn nɔm yic bä dɛ kë luɛɛl wo Yïn.

Cäk 2:7

Ago Bɛ̈nydït Nhialic raan cuëëc në tiɔɔm ë piny ku mony cï cuëëc ku jɔ kuöth wum yom ë pïïr, go raan jɔ aa këpïïr.

Cäk 3:19

Ku yïn bï ya cam në abiɔ̈r ë yïnyin, agut të bïn yïnɔm puɔ̈k abuui yic. Yïn aa cuɛ̈ɛ̈c abuui, ku yïn bï yïnɔm bɛ puɔ̈k abuuidu yic.”

Jop 20:11

Yomkɛn ril ke dhuök abï ke tɔ̈ɔ̈u ë tiɔpic ë yen.

Jop 7:21

Eeŋö jiɛi Yïn luɔi pɛ̈l Yïn ɛn awɛ̈ɛ̈ckï ku nyaaiyë karɛckï? Ku ënɔɔnë yɛn bï tɔ̈c abuui yic, Yïn bï ya kɔɔr ku Yïn cïï ya bï bɛ yök.

Diɛt 103:14

Yen aŋic kën ë ciɛ̈k wook, ku akën nɔm määr nɔn ye wook abuui.

Diɛt 104:29

Të cïn keek nyääŋ piny, ayek riɔ̈ɔ̈c, ku të cïn wëiku jɔt ayek thou ku dɔkkï kenïïm në abuuidɛn wään bïï kek thïn.

Diɛt 146:4

Të thou kek ayek röt pɔ̈k në abuui yic, në ee kööl manë yen aye kë cïk kiëët ëbɛ̈n thök.

Diɛt 31:6

Yïn man kɔc ee yiëth aluɛth lam, ee Bɛ̈nydït Yetök yen aŋääth.

Diɛt 90:3

Yïn ee raan yɔ̈ɔ̈k bï rɔt dak të ɣɔn tɔ̈u yen, an, mɛnh ë raan dak ë yïnɔm abuui yic.

Yith 57:16

Yɛn cï kɔckï gäm pïïr, ku Yɛn cïï bï bɛ ŋoot ke ke gaany ku cä göth wo keek aɣet athɛɛr, në luɔi cï kek bï thou, kek kɔc cä gäm wëi.

Jeremia 38:16

Go melik Dhedekia Jeremia lɛ̈k gutguut ë cuëër an, “Yɛn cï kuëëŋ në rin ke Nhialic pïïr, Nhialic ee wook gäm pïïr, nɔn cän yïn bï nɔ̈k, ku yïn cä bï gäm kɔc kɔɔr bïk yïn nɔ̈k.”

Danyel 12:2

Kɔc juëc cï thou abïk bɛ pïïr, kɔc kɔ̈k abïk piɔ̈ɔ̈th miɛt në pïïr athɛɛric, ku kɔ̈k abïk gum në ayär athɛɛric.

Dhek 12:1

Jam de Bɛ̈nydït kï, jam ë bɔ̈ në biäk de Yithriɛl. Bɛ̈nydït ë yen ë cak tënhial kekë piny, ku yïk raanic wëi. Acï lueel an,

Kuɛ̈n 16:22

Go Mothe yenɔm guöt piny kekë Aron lɛ̈ŋkï luelkï an, “Acie yen Nhialic, yïn aye Nhialic de pïïr de këriëëc ëbɛ̈n. Bä akutnɔm dïït ë kɔc nɔ̈k në baŋ de kërɛɛc ë raan tök?

Kuɛ̈n 27:16

“Yïn läŋ Bɛ̈nydït Nhialic muk wëi ke raan ëbɛ̈n, nɔn kuëny yïn akutnɔm raan bï keek wat.

Luk 23:46

Na wën, ke Yecu cöt ë röl dït, lueel an “Wäär, wëikï a tääu keek ë yïcin!” Ku të cï en wëlkë lueel, ke jɔ thöök.

Luɔi 7:59

Gokï Thepano biöök ë kur, ke cöt, lueel an, “Bɛ̈nydït Yecu, loor wëikï!”

Ɣeberuu 12:23

Ku ëtɛ̈ɛ̈n we bï ɣön ë Nhialic pïïr yök të ye amatnɔm de Nhialic yenɔm mat thïn, ke ke nöm athiɛɛi de Nhialic cït mïth kɛ̈i, kɔc cï gɔ̈ɔ̈r rin paannhial ku yek Nhialic töŋë lam, Bɛ̈nydït ee löŋ ë kɔc kën gam guïïr kedhie. Ku nu wëi ke kɔc ɣer piɔ̈ɔ̈th ë cï thou acï ke bɛ tɔ dikëdik.

Ɣeberuu 12:9

Wärkuɔn ke piny nɔm ayek wo dui në dui rac ku ŋootku ke ke riëëuku, ku cïï ŋuän duëërku Wäärdan ë wëikuɔ riëëu ku buk pïïr!