Wɛ̈ɛ̈t 12:13 - JAM DE NHIALIC 2011

¹³ Kë ciëën bä lɛ̈k yïn në ee kakë cök kedhie yekï: Ye riɔ̈ɔ̈c në Nhialic, ku döt lööŋke, në baŋ ye kënë luɔɔi de raan ëbɛ̈n.

Wɛ̈ɛ̈t 12:13 ပူးပေါင်းရင်းမြစ်များ

Cäk 22:12

Go tunynhial lɛ̈k en an, “Du meth jak, ku du de kë luɔiyë yen. Acä ŋic ëgɔk ënɔɔnë, nɔn ee yïn Nhialic riëëu, në luɔi kën yïn wënduön töŋë pɛ̈n Bɛ̈nydït.”

1 Mel 2:3

ku ye löŋ ë Bɛ̈nydït Nhialicdu döt, ku ye cath në kuɛɛrke yiic kedhie. Ye cök ke lööŋ kedhie döt, kakɛn lueel cït man cï ye gɔ̈ɔ̈r në löŋ ë Mothe yic ke yï bï athiɛɛi yök në këriëëc loi yic ëbɛ̈n, ku ɣään ee yïn ke lɔ thïn ëbɛ̈n.

Jop 28:28

Go lɛ̈k mɛnh ë raan an: “Riëëu de Bɛ̈nydït ee yen ee pɛlënɔm, ku pɔ̈kdu wekë luɔi de kërac ee yen ee yöŋ de käŋiic.”

Diɛt 111:10

Rïïu ye Bɛ̈nydït riëëu, ee göl de pɛlënɔm, ku yöŋ de käŋiic apiɛth anu tëde kɔc ee lööŋke looi kedhie. Bɛ̈nydït abï leec aɣet athɛɛr.

Diɛt 145:19

Ee kɔc ee yen riëëu gäm ka kɔɔrkï, ee dhiënden piŋ ku kony keek.

Diɛt 147:11

ee piɔ̈u miɛt kekë kɔc ee yen riëëu, kɔc ee nhiëërdɛn agɔk ŋɔ̈ɔ̈th.

Kɛ̈ŋ 1:7

Riëëu rïïu ë raan Bɛ̈nydït, yen aye göl de ŋïny ë käŋ. Dhän ayek pɛlënɔm dhɔ̈lic, ku reeckï wëët.

Kɛ̈ŋ 19:23

Riëëu de Bɛ̈nydït ee kueer ë pïïr, ee raan tɔ rɛ̈ɛ̈r ke mit piɔ̈u, ku cïn kërɛɛc yök en.

Kɛ̈ŋ 23:17

Du rɔt ee tɔ nɛ̈k ë piɔ̈u në biäk de kɔc ee karɛc looi, ye rëër ke yï riëëu Bɛ̈nydït në akööl ke pïïrdu ëbɛ̈n,

Wɛ̈ɛ̈t 2:3

Në baŋ kɔɔr ë piɔ̈ndï pɛlënɔm, ku kaar bä pialëpiɔ̈u tiaam, guɔ lueel an, bä yapiɔ̈u tɔ mit në mɔ̈u, ku ja piɔ̈u lɔ yum. Ku aya tak nɔn duëër en aa kueer piɛth, kueer bï raan pïïrdɛn thiinë thöl ë piny nɔm.

Wɛ̈ɛ̈t 3:14

Aŋiɛc an, këriëëc ëbɛ̈n ee Nhialic looi, abï rëër aɣet athɛɛr. Acïn kë duëërë ye ŋuak nyin ku acïn kë duëërë nööm thïn. Aye Nhialic looi ago kɔc yen riëëu.

Wɛ̈ɛ̈t 5:7

Ee luɔɔi ee nyuöthdït ku jamdït ɣɔ̈ric bɛ̈ɛ̈i, ka Nhialic Yen ee riëëu.

Wɛ̈ɛ̈t 6:12

Ku eeŋa ŋic këpiɛth rɔ̈ŋ kekë mɛnh ë raan në ye nïn lik ɣɔ̈ric ee tëëk cït man ë atiëp ë piny nɔm? Eeŋa bï raan lɛ̈k kë bï rɔt looi në yecök të cï yen jäl?

Wɛ̈ɛ̈t 7:18

Apiɛth bä kënë looi, ku du däŋë päl, ye tɔ̈u në kaamic, ku raan ee Nhialic riëëu aduëër poth në keyiic kedhie.

Wɛ̈ɛ̈t 8:12

Na cak raan ee karɛc looi awɛ̈ɛ̈c looi raan bɔt ku ŋoot ke pïïr, ka ŋiɛc këriëëc ëbɛ̈n abï dikëdik kekë kɔc ee Nhialic riëëu.

Wɛ̈ɛ̈t 8:5

Ariɔ̈ny de löŋ acïn kërɛɛc ee ye yök, ku raan pelnɔm aŋic kueer bï yen ë looi, ku kööl bï yen ë looi.

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Luk 1:50

Kok de yenpiɔ̈u ee tɔ̈u kekë kɔc riëëu en, Remë ku remë aɣët wadäŋ.

Nyöŋ 10:12

“Kɔc ke Yithriɛl ënɔɔnë piɛŋkï kë kɔɔr ë Bɛ̈nydït tëde week: Lamkï Bɛ̈nydït ku luɔikï lööŋke kedhie. Nhiaarkï ku yak luööi në piɔ̈ndun ëbɛ̈n,

Nyöŋ 10:20

Riëëukï Bɛ̈nydït Nhialicdun, ku yak lam Yen Yetök, yak aa kɔc adöt tëde Yen, ku yak kuëëŋ në rin ke Yetök.

Nyöŋ 4:10

Abäk keek lɛ̈k kööl ë kääc wek ë Bɛ̈nydït Nhialicdun nɔm ë kuur ë Thinai nɔm, wään yɔ̈ɔ̈k En yɛn an, ‘Kut kɔc nïïm. Akaar bïk kë bä lɛ̈k keek piŋ, agokï piööc në riëëu bï kek Yɛn aa riëëu ë pïïrdenic, ku agokï mïthken aa wɛ̈ɛ̈t bïk yɛn aa riëëu.’

Nyöŋ 4:2

Duökï jam lɛ̈k weekë ŋuak nyin në däŋ pei, ku duökï de biäk bɛ̈ɛ̈ikï bei thïn. Riëëukï lööŋ ke Bɛ̈nydït Nhialicdun, lööŋ cä ke gäm wek.

Nyöŋ 6:2

Në pïïrdun yic ëbɛ̈n, week ku mïth ke mïthkun, wek bï Bɛ̈nydït Nhialicdun dhil riëëu guöp, ku riëëukï lööŋke kedhie, lööŋ gäm week, aguɔkï rëër në run juëc ë piny gäm week nɔm.

1 Pet 2:17

Yak raan theek ëbɛ̈n. Yak mïthëkɔckun nhiaar. Yak riɔ̈ɔ̈c ë Nhialic. Yak melik riëëu.

Nyuuth 19:5

Ku bɔ̈ röl ë raan bei ë thöönydïtic, lueel, an, “Lɛckï Nhialicda, wek lïïmke kedhie, wek kɔc ee ye riëëu, kɔc kor ayï röördït!”

1 Tham 12:24

Riëëukï Bɛ̈nydït, ku luööikï apiɛth në piɔ̈ndun ëbɛ̈n. Takï wenïïm në kajuëc cï keek luöi week