Wɛ̈ɛ̈t 12:11 - JAM DE NHIALIC 2011

¹¹ Jiɛɛm ke kɔc pelnïïm acïtkï thieec ye ɣɔ̈k dɔk, ku kɛ̈ŋ cï määtiic ayek tɔ̈u cït löny cï piäät piny aril, aake gɛmë në Tïn töŋ cɔl Nhialic.

Wɛ̈ɛ̈t 12:11 ပူးပေါင်းရင်းမြစ်များ

Cäk 49:24

Ku dhɛ̈ŋke abïk aa kɔ̈ɔ̈c aril, acï ke tɔ ril, në riɛl dïït de Nhialic Awärjäŋ, Nhialic de Jakop. Ku ye Tïït ku Gëlgël de Yithriɛl.

Edhr 9:8

Ku ënɔɔnë Bɛ̈nydït Nhialicda në kaam thiinakäŋ, Yïn cï wo gäm nɔm lääu tëduön ɣeric, pɔ̈kë wonïïm rëër de miɛtëpiɔ̈ndan thɛɛr. Yïn cï piɔ̈u kok we wook, tɔ wo poth në luɔi adï cïï wok aa lïïm, Yïn ë wo gël apiɛth në rëërda.

Diɛt 23:1

Bɛ̈nydït ee tïndï, ka acïn këdiën dak.

Diɛt 80:1

Piŋ wo röt, Yïn Tïn de Yithriɛl, Ye wo piŋ röt wok bäny ke lunydu. Yïn raan rɛ̈ɛ̈r në thöönydu nɔm në wuök ke cerubiim lɔ bilbil kɔ̈u,

Kɛ̈ŋ 1:6

Agokï kääŋ cï thiaan aa yökiic, ku yökkï meek de kɔc pelnïïmiic.

Kɛ̈ŋ 10:21

Kuɔɔny de kɔc juëc ee bɛ̈n në liëp ke kɔc piɛth piɔ̈ɔ̈th, ku thou kɔc piɔl piɔ̈ɔ̈th në ciën ciët.

Kɛ̈ŋ 22:17

Kët yïnydu ku piŋ wël ke pɛlënɔm, ku tääuwë wëëtdï në yïnɔm.

Wɛ̈ɛ̈t 10:12

Wël ye raan pelnɔm lueel, ayek en tɔ nhiaar guöp, ku raan piɔlpiɔ̈u aye liemde riɔ̈ɔ̈k.

Wɛ̈ɛ̈t 7:5

Gääk de raan pel nɔm awär pïŋ de diɛt ke raan piɔlpiɔ̈u.

Yith 22:23

Abä piäät piny aril cït man ë loc, ku abï aa awaŋ de dhuëëŋ tëde baaide ëbɛ̈n.

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Jeremia 23:29

Jamdï acït mac, ku acït thɔn ë dëi ee kur dhuööŋ ë thorthor.

Edhekiɛl 34:23

Abä ke gäm melik cït awundiën Debid bï ya tïndɛn tök, ku abï ke gël.

Math 3:7

Na wën, acï kɔc juëc tïŋ, kɔc ke Parithai kekë Thadokai, ke ke bɔ̈ bïï ke bɛ̈n baptith në yen, ke ke jɔ yɔ̈ɔ̈k an, “Wek mïth ke karɛc, eeŋa ë yöök week an, bäk kat e agönh bï bɛ̈n?

Jɔn 10:14

Yɛn ee tïn piɛth, tïn ë thök, ku ŋiɛc kakï, ku yɛn ŋic kakï, acït man ŋic ë Wäär yɛn, ku ŋiɛc Wäär, ku yɛn ee wëikï gaam në baŋ de thök.

Jɔn 3:10

Go Yecu puk nɔm, lueel an, “Ye raan ë Yithriɛl wɛ̈ɛ̈t, ku kuc kakë?”

Luɔi 2:37

Na wën, aa cïk jamë piŋ, ke ke guutë piɔ̈ɔ̈th, ku thiëckï Petero kekë kɔc kɔ̈k ë piööcë an, “Wäthii mïthëkɔckuɔ, eeŋö buk looi?”

2 Kor 10:4

Wëukuɔn ke tɔŋ acïkï ee ka ke guöp, ayek riɛl ëtör ë Nhialic nɔm, bïk alocdït ril aa dhuöör piny,

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

Ɣeberuu 4:12

Jam ë Nhialic apïïr ku acath ke riɛldït yen kɔc cuur gup, ee raan gutic arëk abï ɣet të ye wëi kekë pïïr tɔ̈u, ku lɔ miök ku të ye kur ke yom nyïïn rɔ̈m, awär abätäu moth thok ëbɛ̈n, abätäu athok rou, ku ye ka kɔɔrku, ku ka yok tak ëbɛ̈n woi yiic në wopiɔ̈ɔ̈th.

1 Pet 5:4

Na ëlëmiäk të cï Tïndïït ë Thök tuöl, Tïn nu ë tïït nïïm, ke we bï göl ë dhuëëŋ yök göl cïï bï biɔɔr anande.