Wɛ̈ɛ̈t 12:1 - JAM DE NHIALIC 2011

¹ Yak Aciëŋdun tak në akööl ke dhuöökdunic, të ŋoot akööl rac ke ke kën bɛ̈n. Akööl bä wek e lueel an, “Yɛn cïï piɔ̈u mit wo pïïr.”

Wɛ̈ɛ̈t 12:1 ပူးပေါင်းရင်းမြစ်များ

Cäk 39:2

Bɛ̈nydït atɔ̈u ke Jothep, ku ye Jothep tɔ tiëm. Ku Jothep arɛ̈ɛ̈r baai de bɛ̈nyde, raan ë Rip.

Cäk 39:23

Go raan ee kɔc mac tiit cuök ee bɛ diɛɛr në ka nu në Jothep ciin, në luɔi ë tɔ̈u ë Bɛ̈nydït ke Jothep. Ku aye Jothep tɔ tiëm në këdɛn ye looi yic ëbɛ̈n.

2 Tham 19:35

Yɛn cï run guɔ aa thiërbɛ̈t, ka cïn kë be yɛn aa tɔ mit piɔ̈u. Yɛn cïï pïïu ya dek ayï këcam ee yɔ̈k miɛt ë yathok, ayï kɔc kët acä keek ee piŋ röt. Ee yïn bä lɔ nuaan.

2 Tham 19:36

Yɛn cïï athiɛɛi dïït cït ee kënë kɔɔr. Yïn bä ruac tei ë määth ë wɛ̈ɛ̈r de Jordan lɔŋtui.

1 Mel 14:13

Kɔc ke Yithriɛl abïk dhiëëu ku tɔ̈ukï, në kë yen raan töŋ de baai de Jerobowam bï dhil tɔ̈ɔ̈u në biäk ee yen raan mitë Bɛ̈nydït Nhialic de Yithriɛl piɔ̈u ke yen.

1 Mel 18:12

Ku na ja jäl ku jɔ Wëi ke Bɛ̈nydït yï guɔ lɔ̈ɔ̈k gap të cïï ŋic? Ku ja lɔ lɛ̈k Aɣap luɔi nu yïn eenë, ku cïï yï bï bɛ̈n yök, abï ya nɔ̈k.

Neɣe 4:14

Acï tïŋ nɔn riɔ̈ɔ̈c ë kɔc, aguɔ lɛ̈k keek në bänyken, ku bäny ke luɔi, an, “Duökï riɔ̈c në kɔc ke aterda, yak we nïïm tak në Bɛ̈nydït, luɔi dïït En, ku ye këde riɔ̈ɔ̈c, ku thärkï tɔŋ në biäk de kɔc ke wundun, ku mïthkun, ku diäärkun ayï ɣöötkun.”

Jop 30:2

Ee riɛl ou duɛ̈ɛ̈r yök tëde keek, kɔc cïn kë yek lëu?

Diɛt 119:55

Bɛ̈nydït, yïn aa ya tak wakɔ̈u, ku tak yanɔm në biäk ë lööŋku.

Diɛt 34:11

Bäkkï mïth, bäk piɛŋkï kë luɛɛl, wek bä nyuöth riëëu ye Bɛ̈nydït riëëu.

Diɛt 63:6

Të yan tɔ̈c në agendï nɔm, ee Yïn ya tak, në wɛ̈ɛ̈ric ëbɛ̈n Yïn aa tak,

Diɛt 90:10

Run kathiërdhorou kek aye kakuɔ, ee ya thiërbɛ̈t, të cïï wok riɛl, ku ayek wook yiɛ̈n nuɛɛn ku jiɛthëpiɔ̈u ëbɛ̈n, ku go pïïr guɔ thök, ku yen ee jälda.

Kɛ̈ŋ 22:6

Ye meth wɛ̈ɛ̈t ke koor, ke bï ya mɛnh wadäŋ.

Kɛ̈ŋ 8:17

Yɛn nhiaar raan ee yɛn kɔɔr ëbɛ̈n, ku raan ee yɛn kɔɔr ëbɛ̈n, ee ya yök.

Wɛ̈ɛ̈t 11:10

Nyaaikï jiɛthëpiɔ̈u në täŋdun yic, yak röt theek në ka bï arɛɛm bɛ̈ɛ̈i në wegup. Wek cïï bï rëër ke we ye dhuök anandun, dhuöök ee ɣɔ̈ric.

Wɛ̈ɛ̈t 11:2

Ye këdu rɔm wekë kɔc kadhorou ayï kɔc kabɛ̈t në baŋ kuc yïn piäl ë guöp duëër rɔt looi ë piny nɔm.

Wɛ̈ɛ̈t 11:8

cakaa yen ë pïïr ë run juëc ke mit piɔ̈u, ke bï dhil ŋic ayadäŋ nɔn bïï runkɛn cïï yen ke akɔ̈l bï tïŋ nyin juëc. Ka cï bɛ̈në kedhie ayek ɣɔ̈ric.

Yith 26:8

Wok ee këde piɔ̈ndu kuany cök ku tɛ̈ɛ̈uku aŋäthda në yïguöp, ee Yïn yok kɔɔr në wopiɔ̈ɔ̈th ëbɛ̈n.

Dhiëëu 3:27

Ku apiɛth bï raan, ee tiëtë ŋic ke wo ye dhuök.

Danyel 1:17

Nhialic ë wäthii kaŋuan gäm ŋïnydekäŋ, ku tëët ë gäär kekë pɛlënɔm dït. Ku jɔ Danyel ŋuak në miɔ̈c de wɛ̈r ë nyuuth yiic kekë nyuöth.

Ɣodh 7:9

Juöör athölkï riɛl de Yithriɛl wei, ku akuc ë Yithriɛl. Ku Yithriɛl ë nɔm lou ke kuc në yepiɔ̈u.

Luk 1:15

Abï dït ë Bɛ̈nydït nyin, ku acïï bï aa dek ë mɔ̈n tuc ayï mɔ̈u ëbɛ̈n, ku abïï Wëidït ɣer thiɔ̈ɔ̈ŋ piɔ̈u ë kööl dhiëëthëye.

Luk 18:16

Go Yecu ke cɔɔl, ku lueel an, “Pälkï mïththiaakäŋ ë ke bɔ̈ të nuö yɛn, ku duökï ke pën: ciɛɛŋ de Nhialic ee këde kɔc cït keek.

Epethiei 6:4

Ku week, wek wärken ë mïth, duökï mïthkun ë cool ë juöt wek ke gup, abïk gɔ̈th, ku yak ke muk ë muŋ de Bɛ̈nydït ayï wëëtde.

Nyöŋ 8:18

Yak ŋic nɔn Yen Bɛ̈nydït Nhialicdun, Yen ë gëm week riɛl bï we tɔ kueth. Aa loi ee kënë në baŋ ŋoot En ke ye Adöt ee köölë, në löŋ cï mac kekë kuarkun.

2Tim 3:15

ku ŋic kënë aya an, ɣɔn ee yïn mɛnhthiinakäŋ, yïn ë ŋic kacïgɔ̈ɔ̈r kaɣer yiic, ka cath në riɛl bïk yï tɔ ye raan pelnɔm aɣet kuny bï yï kony wëi në gäm cï yïn Kërtho Yecu gam.

1 Tham 1:28

Ka ënɔɔnë meth akaar bä gäm Bɛ̈nydït. Ku abï jɔ aa këde Bɛ̈nydït në pïïrde yic ëbɛ̈n.” Agokï Bɛ̈nydït jɔ lam ëtɛ̈ɛ̈n.

1 Tham 16:7

Ago Bɛ̈nydït lɛ̈k Thamwɛl an, “Duk rɔt tɔ diir ë läkde, ayï bɛ̈ɛ̈rde, acie yen cä lɔc. Yɛn cie lɔc cït man ye raan lɔc. Raan ee raan woi guöp biic, ku Yɛn ee raan woi piɔ̈u thïn.”

1 Tham 2:18

Ku ëtɛ̈ɛ̈n wënthii Thamwɛl aaye Bɛ̈nydït luööi, ke ceŋ lupɔ de ajïpɔ amujuŋ ɣer.

1 Tham 2:26

Go Thamwɛl lɔ ke ŋuak luɔide tëde Bɛ̈nydït ku ŋuɛk mände kekë kɔc.