Wɛ̈ɛ̈t 11:9 - JAM DE NHIALIC 2011

⁹ Wek dhuök, miɛtkï piɔ̈ɔ̈th në dhuöökdunic. Yak piɔ̈ɔ̈th miɛt të ŋuɔɔt wek ke we ye dhuök. Luɔikï ka kaarkï bäk ke looi, ku kuanykï kake piɔ̈ɔ̈thkun cök. Ku ŋiɛckï nɔn bï Nhialic löŋdun guiir në këriëëc yak looi yic ëbɛ̈n.

Wɛ̈ɛ̈t 11:9 ပူးပေါင်းရင်းမြစ်များ

Cäk 3:6

Ago tik tim tïŋ ke läk, tim röŋ ë mïthke në cäm, ku ye tim bï kɔc tɔ ŋic käŋ. Ago meth tet ku ciɛm, ku gëm biäk monyde. Go monyde cam ayadäŋ.

Cäk 6:2

Ku wɛ̈ɛ̈t ke Nhialic acï duet ke bɛ̈n diir, agokï röt lɔ̈c diäär në keyiic cït man ë kë kɔɔr ë piɔ̈nden.

1 Mel 18:12

Ku na ja jäl ku jɔ Wëi ke Bɛ̈nydït yï guɔ lɔ̈ɔ̈k gap të cïï ŋic? Ku ja lɔ lɛ̈k Aɣap luɔi nu yïn eenë, ku cïï yï bï bɛ̈n yök, abï ya nɔ̈k.

1 Mel 18:27

Na wën aacï akɔ̈l rɔt puk, ke dɔl ë Elija kegup, lueel, an, “Kiëtkï aläl në röldït, yen ee yath! Adhil lɔ̈ŋ aläl, ku nɔn cï lɔ ë pänydït këc biic, ku nɔn cï keny, ku nɔn niin ka kɔɔr bï pɔ̈ɔ̈c!”

1 Mel 22:15

Na wën aacï bɛ̈n tëde melik, ke lëk ë melik en an, “Mikaya buk tɔŋ lɛɛr Ramoth Giliyad, ku cukku tɔŋ leer?” Go bɛ̈ɛ̈r an, “Lɔ makë! Yïn bï tiam, Bɛ̈nydït abï yï gäm tiëm.”

Jop 31:7

Na cï cökkï röt yal wei kueer, ku cï piɔ̈ndï kë cïï nyindï tïŋ biɔɔth, ku ye ciindï kërac looi,

Diɛt 81:12

Aguɔ keek tɔ lɔ në kueerdɛn de dhɔ̈ɔ̈nic, ku loikï këdɛn kɔɔrkï.

Wɛ̈ɛ̈t 12:1

Yak Aciëŋdun tak në akööl ke dhuöökdunic, të ŋoot akööl rac ke ke kën bɛ̈n. Akööl bä wek e lueel an, “Yɛn cïï piɔ̈u mit wo pïïr.”

Wɛ̈ɛ̈t 12:14

Në biäk ye Nhialic löŋ de ka yek looi ëbɛ̈n guiir, ayï ka cï moony, nɔn yek ke kapiɛth ku nɔn ee karɛc.

Wɛ̈ɛ̈t 2:10

Kë ye piɔ̈ndï kɔɔr ëbɛ̈n aya nööm, yɛn kën rɔt pɛ̈n miɛtëpiɔ̈u. Yɛn cï piɔ̈u miɛt në luɔɔi dït cä looi, ku kënë aaye ariöp de luɔɔidï ëbɛ̈n.

Wɛ̈ɛ̈t 3:12

Aŋiɛc nɔn cïn en këpiɛth duëër ë raan looi, të cï en piɔ̈u miɛt ku looi këpiɛth të pïïr en.

Wɛ̈ɛ̈t 3:17

Guɔ jɔ lɛ̈k rɔt an, “Nhialic abï löŋ de kɔc guiir atuc kedhie, kɔc piɛth piɔ̈ɔ̈th ku kɔc rac. Në biäk de yen kööl cï Nhialic kiëët në baŋ ë luɔɔi ku këriëëc ëbɛ̈n.

Wɛ̈ɛ̈t 6:9

Pëk ee raan pëk në ke tɔ̈u në yenyin tueŋ yen aŋuän në wïl ye raan piɔ̈u wïl ke kɔɔr kɔ̈k. Ee kë ɣɔ̈ric, acït cum de yom cök.

Wɛ̈ɛ̈t 7:14

Ye piɔ̈u miɛt në akööl piɛth, ku akööl ke nuan, ye takic ayadäŋ nɔn Yen Nhialic Yen ee keek looi kedhie, ku acïn raan ŋic kë bï rɔt lɔ̈ɔ̈k looi miäk.

Jeremia 23:17

Ayek lɛ̈k kɔc cï kë luɛɛl rɛɛc gam, ayek lueel an, käŋ abïk piath ëbɛ̈n tëde keek. Ku ayek lɛ̈k raan ril nɔm ëbɛ̈n an, riääk acïï bï bɛ̈n taitai.”

Jeremia 7:24

Ku keek akënkï ya riëëu ku kënkï kë luɛɛl gam, acïk ka ye nïïmken ku piɔ̈ɔ̈thkɛn rac tak looi, ka acïk jɔ rac aläl ku cïkkï be piath.

Dhiëëu 3:27

Ku apiɛth bï raan, ee tiëtë ŋic ke wo ye dhuök.

Kuɛ̈n 15:30

Ku na cï raan wäc looi ke ŋic, nɔn yen raan ë Yithriɛl ku nɔn ee raan lei, ka ade guöp gääk cï yen Bɛ̈nydït rɛɛc, ku dhoŋ löŋ kɔ̈u adɛɛi yen abïï nɔ̈k.

Kuɛ̈n 15:39

Yen ee buɔnë yen abï week aa täk nïïm në lööŋkï, ku dɔ̈tkï keek. Yen acä wek Ɛn bï puɔ̈l ku luɔikï këde piɔ̈ndun.

Kuɛ̈n 22:32

Go tunynhial ë Bɛ̈nydït Balaam luɔp an, “Eeŋö duöiyë muldu ë caŋawën aya? Yɛn aa bɔ̈ bä kueerdu bɛ̈n thiöök ke yï cï bï lɔ të leer yïn thïn.

Math 5:28

Ku wek yɔ̈ɔ̈k an, “Raan ëbɛ̈n raan lɔ tik woi, ago ye dɔ̈m ŋɔ̈ɔ̈ŋ, ka ye guɔ lɔ kekë yen ë yepiɔ̈u.

Luk 12:19

Ku yɛn bï piɔ̈ndï yɔ̈ɔ̈k an, piɔ̈ndï, kakuön juëc acï ke tɔ̈ɔ̈u bïk run juëc lɛɛr, jɔ lɔ̈ŋ tei, ye cam, ku ye dek, abä piɔ̈u aa miɛt.’

Luɔi 14:16

Ku acï juöör kedhie päl cäth ë kuɛɛrken ɣɔn nu rɛm thɛɛr.

Luɔi 24:25

Na wën, aguiir Paulo këde piathëpiɔ̈u, ku në döm ee raan rɔt dɔm, ku në guiëër bï löŋ de kɔc guiir rial, ke Pelik jɔ riɔ̈ɔ̈c arëët, go bɛ̈ɛ̈r an, “Jɔ jäl ënɔɔnë. Na miäk, të cän akööl piɛth yök, ke yïn bä cɔɔl.”

Romai 14:10

Ku yïn, eeŋö gɛ̈k yïn mɛnhkui? Ku eeŋö biɔɔn yïn mɛnhkui guöp aya? Wook wodhie, wo bï kɔ̈ɔ̈c ë thööny ë Kërtho nɔm, thööny ee löŋ guiir.

1 Kor 4:5

Yen cïn en kë yak jɔ̈ɔ̈ny të ŋoot akööl dït wei, të ŋootë Bɛ̈nydït ke kën bɛ̈n, raan bï ka cï thiaan tëcol bɛ̈ɛ̈i tëɣer, ku bï lööŋ ee lueel ë kɔc piɔ̈ɔ̈th tɔ tiëc, ee köölë yen abïï raan ëbɛ̈n lɛc yök tëde Nhialic.

2 Kor 5:10

Ku wo bï dhil tïc ë thööny de Kërtho nɔm wodhie, thööny de guiëërëlöŋ, ago raan ëbɛ̈n käŋ yök ka bï röŋ në kë cï looi ë guöpde yic, nɔn ee yen këpiɛth, ku nɔn ee yen kërac.

Nyöŋ 29:19

Thɛmkï apiɛth ë cïn raan ë we yiic, raan piŋ ee ka kɔɔr keek ee köölë ku lee rɔt yɔ̈ɔ̈k yetök an käŋ kedhie abïk piath tëde yen, cakaa yen ë lɔ kueerdɛn däŋ gɔl, kënë aduëër week riɔ̈ɔ̈k wedhie, kɔc piɛth ayï kɔc rac akït.

Ɣeberuu 9:27

Cït man ye raan thou raantök ku jɔ lɛɛr të ye löŋ guiir.

Jocua 7:21

Yɛn aa cï lupɔ läk tïŋ në ka wään pecku keek yiic. Lupɔ de kɔc ke Babilon, ku tiɛ̈ŋ ateek duëër thëmde aa kilɔɔ kaarou, ku tiɛ̈ŋ adhäm duëër thëmde aa biäk töŋ de kilɔ. Aguɔ piɔ̈u dɛ keek aläl, guɔ ke nööm. Acä keek wɛc piny në paanydï yic thïn, ka ateek anu në baŋ piny. Abäk keek lɔ yök ëtɛ̈ɛ̈n.”

2 Pet 3:7

Ku tënhial kekë piny nu ënɔɔnë acï ke tɔ̈ɔ̈u, në jam manë, bïk mac tiit, ku aye ke muk aɣet kööl ë guiëërëlöŋ de kɔc reec Nhialic, kööl bï kek riääk ëliŋliŋ.