Wɛ̈ɛ̈t 11:8 - JAM DE NHIALIC 2011

⁸ cakaa yen ë pïïr ë run juëc ke mit piɔ̈u, ke bï dhil ŋic ayadäŋ nɔn bïï runkɛn cïï yen ke akɔ̈l bï tïŋ nyin juëc. Ka cï bɛ̈në kedhie ayek ɣɔ̈ric.

Wɛ̈ɛ̈t 11:8 ပူးပေါင်းရင်းမြစ်များ

Jop 10:21

Ke ya kën kɔn lɔ të cïï raan e nɔm ee bɛ lɔ dɔ̈kë, ee të col ë cut ku ee gök de mɔ̈ɔ̈th,

Jop 10:22

ee gök de paan de atïïp, ku mɔ̈ɔ̈th, ku anuɔɔn, ku ɣɛɛr ee yen ee mɔ̈ɔ̈th ëtɛ̈ɛ̈n.

Jop 14:10

Ku na raan, ee thou ku yen ee thök de riɛlde, ku ee tɔ̈u ë nou të cïï wëike jäl?

Jop 14:12

yen aye raan tɔ̈c ku cïï rɔt be jɔt agut të le tënhial liu, acï bï riëër, ku nɔn pɛ̈ɛ̈c ë nïnde yic.

Jop 15:23

Ee jɔ wïl ë kaamic ke kɔɔr kë lɔ në yethok, aŋic nɔn cï aköölkɛn ke thuɔɔu ɣëët.

Jop 18:18

Nyiɛɛyë piny nɔm, jɔt tëɣer ku jiëpë tëcol.

Diɛt 49:20

Juëc de kake ku dïtde acïï yen bï pɛ̈n thuɔɔu, abï ŋoot ke thou cï läi.

Wɛ̈ɛ̈t 11:2

Ye këdu rɔm wekë kɔc kadhorou ayï kɔc kabɛ̈t në baŋ kuc yïn piäl ë guöp duëër rɔt looi ë piny nɔm.

Wɛ̈ɛ̈t 2:15

Guɔ rɔt yɔ̈ɔ̈k an, “Kë bï raan piɔlpiɔ̈u yök abï ya yök ayadäŋ, ka eeŋö jɔ yɛn nɔmpɛl aya?” Guɔ rɔt jɔ yɔ̈ɔ̈k an, “Kënë aya ee ɣɔ̈ric.”

Wɛ̈ɛ̈t 2:17

Ka yɛn man pïïr, në biäk de luɔɔi ee looi ë piny nɔm acï ya jieeth piɔ̈u. Yen ëbɛ̈n ee ɣɔ̈ric, ee cum de yom cök.

Wɛ̈ɛ̈t 2:19

Ku eeŋa ŋic en nɔn bï aa raan pelnɔm ku nɔn ee raan piɔlpiɔ̈u? Ku abï ya bɛ̈ny de kake luɔɔidït cä looi ë piny nɔm në pɛlënɔmdï, kënë aya ee ɣɔ̈ric.

Wɛ̈ɛ̈t 2:26

Raan ee Nhialic tɔ mitpiɔ̈u aye gäm pɛlënɔm, ku ŋïnydekäŋ ku miɛtëpiɔ̈u, ku raan ee karɛc looi aye Nhialic gäm luɔɔi de mɛ̈ɛ̈t ë käŋiic ku kun de käŋ nïïm, bï ke lɔ gäm raan mit ë Nhialic piɔ̈u ke yen. Kënë ayadäŋ ee ɣɔ̈ric, acït cum de yom cök.

Wɛ̈ɛ̈t 4:16

Tɛk däŋ, bɛ̈ny aduëër kɔc juëc mac, ku të cï yen jäl, acïn raan bï ka cï looi bɛ tak. Ku kënë aya ee ɣɔ̈ric, acït cum de yom cök.

Wɛ̈ɛ̈t 4:8

Ade raan rɛ̈ɛ̈r yetök, acïn nɔm meth, ku acïn nɔm mänhë, ku ee tɔ̈u aköölnyïïn, ke cïï piɔ̈u kueth në kajuëc tɔ̈u në yen, eeŋa jɔ luööi aläldïïtë aya ke cïï rɔt tɔ lɔ̈ŋ? Kënë ee ɣɔ̈ric ayadäŋ, ku ee pïïr de yic nuɛɛn.

Wɛ̈ɛ̈t 6:11

Të dïït ë jam, ke ɣɔ̈ric ee dït, ku eeŋö bï raan yök thïn?

Wɛ̈ɛ̈t 6:6

Cakaa yen ë duëër pïïr agum de ruöön raanrou, ku cïn miɛtëpiɔ̈u cï cak yök në kake yiic, ke yen ee tëtöŋë yen ale kek thïn.

Wɛ̈ɛ̈t 7:14

Ye piɔ̈u miɛt në akööl piɛth, ku akööl ke nuan, ye takic ayadäŋ nɔn Yen Nhialic Yen ee keek looi kedhie, ku acïn raan ŋic kë bï rɔt lɔ̈ɔ̈k looi miäk.

Wɛ̈ɛ̈t 8:12

Na cak raan ee karɛc looi awɛ̈ɛ̈c looi raan bɔt ku ŋoot ke pïïr, ka ŋiɛc këriëëc ëbɛ̈n abï dikëdik kekë kɔc ee Nhialic riëëu.

Wɛ̈ɛ̈t 8:15

Ka kë duɛ̈ɛ̈r piɔɔny ee pinyë nɔm ee piɔ̈n mit de raan, në biäk cïn en kë cï yök: kë cï yök yetök ee luɔɔi bï yen cam ku dëk ku jɔ piɔ̈u miɛt, yen ee kënë aduëër läk ke yen në luɔide yic, në ee pïïr cïï Nhialic gäm en ë piny nɔm.

Wɛ̈ɛ̈t 9:7

Lɔ tueŋ, cam kuïndu ke yï mit piɔ̈u, ku dek mɔ̈ndu në piɔ̈n mit, Nhialic amit piɔ̈u në kakuön cï looi.

Jeremia 13:16

Riëëukï Bɛ̈nydït Nhialicdun, të kën En cuɔlëpiny guɔ bɛ̈ɛ̈i, ku wek ee guɔ kɔ̈th në kur, ke ŋoot ke kën cuɔlëpiny dït bɛ̈ɛ̈i tëde ɣɛɛrduön yak ŋɔ̈ɔ̈th.

Jowɛl 2:2

Abï ya kööl ë mɔ̈ɔ̈th ku cuɔl, ku ye kööl ë luät kööl col ë cut. Rem dïït de tɔŋ ë kɔyɔm abï bɛ̈n, ke cï piny paat cït run ë piny ee kur mɔ̈ɔ̈r nïïm. Rem dïït ril kënë kɔn tïŋ, ku acïn kë bï bɛ ciët en anande.

Math 22:13

Na wën, ke melik yöök lïïmke an, “Duötkï cök ku yecin, ku jatkï, cuatkï tëcol biic ya, dhiëëu abï nu ëtɛ̈ɛ̈n kekë ŋëny de lec.”’

Jɔn 12:35

Go Yecu ke yɔ̈ɔ̈k an, “E döŋ ke ye tëthiinakäŋ, të nu ɣɛɛrëpiny ë weyiic. Cathkï të ŋuɔɔt wek ë we de ɣɛɛrëpiny, ke we cïï cuɔlëpiny bï mook: raan cath ë cuɔlëpiny akuc të le yen thïn.

Nyöŋ 32:29

Na ë ke pelnïïm adï cïk ee kënë yökic, adï cïk riääkdɛn ciëën takic!

Juda 1:18

Wël wään cïk ke lɛ̈k week an, “Kööl rial kɔc de gup agɛɛt abïk dhil nu, kɔc bï ŋɔ̈ɔ̈ŋdɛn rac aa kuany cök.”