Wɛ̈ɛ̈t 11:2 - JAM DE NHIALIC 2011

² Ye këdu rɔm wekë kɔc kadhorou ayï kɔc kabɛ̈t në baŋ kuc yïn piäl ë guöp duëër rɔt looi ë piny nɔm.

Wɛ̈ɛ̈t 11:2 ပူးပေါင်းရင်းမြစ်များ

Neɣe 8:10

Jälkï ënɔɔnë lak baai ku luɔikï këcamdït ku ramkï cämdun ku mɔ̈ndun në kɔc dɛk ë käŋ. Köölë aɣeric tëde Bɛ̈nydïïtda, ka duökï piɔ̈ɔ̈th jieth. Miɛtëpiɔ̈u ë gëmë Bɛ̈nydït week abï week tɔ ril.”

Ethta 9:19

Yen ee kënë, yen aye kɔc ke Judai tɔ̈u ë bɛ̈i yiic ku wuötiic lɔ̈ŋ ë ruöön thok ëbɛ̈n, të cï pɛɛi de Adar thok thiëër ku ŋuan, ayek nööm ke ye kööl de miɛtëpiɔ̈u ku dhuëëŋ, ye kek biɔl de miɛtëpiɔ̈u näk röt.

Ethta 9:22

Kek ë nïnkë, kek aa cïï kɔc ke Judai röt kony në kɔc ke aterden cin, ku yen ë pɛɛiyë, yen aaye pɛɛi de jiɛthëpiɔ̈u ku dhiëëu, acï rɔt bɛ̈n puk ke ye pɛɛi de miɛtëpiɔ̈u. Acï ke bɛ̈n yɔ̈ɔ̈k bïk nïnkë aa döt, bï kek dhuëëŋ de miɛtëpiɔ̈u aa looi, ye kek biɔl de miɛtëpiɔ̈u näk röt, ku yek kɔc kuanynyïïn miɔɔc thïn ayadäŋ.

Jop 5:19

Abï yï luäk bei në nuanic ëbɛ̈n, dhetem ayï dhorou abï ciën kë jak yï guöp.

Diɛt 112:9

Ee kɔc kuanynyïïn miɔɔc në dhuëëŋ, ku piathëpiɔ̈nde abï tɔ̈u athɛɛr, abï riɛl ku ye riëëu.

Kɛ̈ŋ 19:17

Raan ee kɔc kuanynyïïn miɔɔc ee Bɛ̈nydït miɔɔc, ku abï cuööt.

Kɛ̈ŋ 6:16

Kakë kadhetem ee ka mɛɛn ë Bɛ̈nydït keek, ayï dhoronden acïï ke kɔɔr bï ke tïŋ taitai. Ɣɛ̈ɛ̈c ë nɔm, ku liem ee lueth töör, ku ciin ee raan cïn guöp awäc nɔ̈k, ku piɔ̈n ee karɛc tak, ku cök ee pial ë yät të le kek kërac looi, ku cäätɔ ee käŋ cak ëbɛ̈n, ku raan ee wël rac com në kɔciic.

Wɛ̈ɛ̈t 11:3

Na cï luäät thiäŋ ë pïïu, aye wäl ë piny nɔm, ku na cï tim wïïk të lɔ wöuwic, ku nɔn ee të lɔ rut, të cï yen wïïk thïn, yen aye yen tɔ̈u thïn.

Wɛ̈ɛ̈t 11:8

cakaa yen ë pïïr ë run juëc ke mit piɔ̈u, ke bï dhil ŋic ayadäŋ nɔn bïï runkɛn cïï yen ke akɔ̈l bï tïŋ nyin juëc. Ka cï bɛ̈në kedhie ayek ɣɔ̈ric.

Wɛ̈ɛ̈t 12:1

Yak Aciëŋdun tak në akööl ke dhuöökdunic, të ŋoot akööl rac ke ke kën bɛ̈n. Akööl bä wek e lueel an, “Yɛn cïï piɔ̈u mit wo pïïr.”

Danyel 4:27

Në biäk de ee kënë, yïn melik, kuany löŋdï cök, päl kërac ku loi kake piathëpiɔ̈u, ku ye piɔ̈u kok wekë kɔc kuanynyïïn. Yen abïï yïn ceŋ ke yï kueth.

Maika 5:5

ku abï mät bɛ̈ɛ̈i. Të le Athiriya wo yiɛ̈n tɔŋ, ku lek ɣään riilkuɔ reet yiic, abuk keek kuɛ̈ny bänykuɔn ril arëët kadhorou, lek gɔ̈m në keek.

Math 18:22

Go Yecu yɔ̈ɔ̈k an, “Yïn cä yöök an, raandhorou, yïn yɔ̈ɔ̈k an, ee raandhorou raanthiërdhorou.”

Math 5:42

Miɔc raan lip yïn, ku raan de piɔ̈u dhɛ̈n tëde yïn, ke yï du yïnɔm wel wei ë yen.

Luk 17:4

Ku të lui yen yïn kërac raandhorou ëkööl tök, ku be rɔt pɔ̈k yïn raandhorou an, ‘Yɛn cï a piɔ̈u puk,’ ka bä dhil pɔ̈l.

Galatai 6:1

Wek mïthëkɔckuɔ, na de raan cï cäk dɔm në kërɛɛc cï looi, ke wek kɔc ke wëi, jakï raan cït ee kënë dak kueer, në kuur aa wek röt kuɔɔr piny, ye yïpiɔ̈u woi, ke yï cïï bï them aya.

Epethiei 5:16

Yak ka ke ënɔɔnë wɛ̈ɛ̈r bei ë këracic, në rac rɛɛc akööl.

Ɣeberuu 13:3

Yak diɛɛr anandun në kɔc mac cït man ë ka mac në keek ëtök.

1 Tham 25:8

Thiëc lïïmku ku abïk lɛ̈k yïn. Ka ënɔɔnë jɔ piɔ̈u kok wekë dhuökiën thiikë, cït man cï wok bɛ̈n tëde yïn ë kööl de dhuëëŋ ënɔɔnë yïn liɛm miɔc lïïmku kekë wëndu Debid ë këduön duëërë gäm keek!”