Wɛ̈ɛ̈t 10:8 - JAM DE NHIALIC 2011

⁸ Të cï raan pul wec, ee yen ee lööny thïn, të cï raan tëëk ë päny kɔ̈u, aye kërac kac.

Wɛ̈ɛ̈t 10:8 ပူးပေါင်းရင်းမြစ်များ

2 Tham 17:23

Na wën aacï Aɣithopel ye tïŋ nɔn cïï Yithriɛl jamde rɛɛc, go mulde duöt kɔ̈u ku jël lee paanden. Na wën cï kake guiir kedhie, ke jɔ rɔt lɔ nöök. Go thou ku tɔ̈ɔ̈u në raŋ de yïï wun yic.

2 Tham 18:15

Go röör ke Jowap kathiëër bɛ̈n, kɔc ee ka ke tɔŋde muk ku guutkï Abthalom ku nɛ̈kkï.

Ethta 7:10

Gokï Ɣaman nöök ee timë kɔ̈u, timdɛn wään cï looi an bïï yen Modekayo tɔ nök. Go Melik piɔ̈u jɔ lɔ piny në agɔ̈th.

Diɛt 57:6

Kɔc ke aterdï acïk bɔi luaai piny bïk ya dɔm, yɛn cïï ë riɔ̈ɔ̈c dɔm. Acïk kueerdï wɛ̈c yic pul, ku acïk lööny thïn gupken.

Kɛ̈ŋ 11:6

Piathëpiɔ̈u de raan adöt ee ye kony, ku kɔc ee kɔc math aye ŋɔ̈ɔ̈ŋ de kërac keek mac.

Kɛ̈ŋ 26:27

Raan ee pul wɛ̈c raan däŋ, yen ee löny thïn, ku raan ee kuur lɔ̈ɔ̈r raan däŋ, ee rɔt dɔ̈k en.

Wɛ̈ɛ̈t 10:9

Na ye raan guaŋ në kur, ka ye kur yiëk guöp tëtöök. Na ye raan tiim ɣääriic, ka ye rɔt tääu në riɛkic.

Amoth 5:19

Abï rac, ka abï ciët raan ë kɔt në köör, ku le piny rɔ̈m kekë köörayuääl. Ku cït raan ë lɔ ɣönde, na wën aa kɛn yeciin në päny, ke kɛc ë kërac.

Amoth 9:3

Na cakkï lɔ thiaan në kuur ë Karmel nɔm, ke abä ke kɔɔr ku abä ke dɔm gup ku jat keek. Na cakkï röt thiaan në Yɛn në wɛ̈ɛ̈r thar piny, Yɛn bï ŋuäldït yɔ̈ɔ̈k bï keek kääc.

Bäny 9:5

Go lɔ wun ë yï wun në Opera, ku nɛ̈k mïthëkɔcken kathiërdhorou ëtɛ̈ɛ̈n ë kuur tök nɔm, na wën ke Jotham wën ë Gidiɔn thiinë thiaan go kën nɔ̈k.