Wɛ̈ɛ̈t 1:13 - JAM DE NHIALIC 2011

¹³ Yɛn cï rɔt gäm kuɛ̈n ku kɔ̈ɔ̈r ë käŋiic ë pɛlënɔm, ka ye looi ë piny nɔm kedhie. Ee luɔɔi ril yen cïï Nhialic gäm kɔc.

Wɛ̈ɛ̈t 1:13 ပူးပေါင်းရင်းမြစ်များ

Cäk 3:19

Ku yïn bï ya cam në abiɔ̈r ë yïnyin, agut të bïn yïnɔm puɔ̈k abuui yic. Yïn aa cuɛ̈ɛ̈c abuui, ku yïn bï yïnɔm bɛ puɔ̈k abuuidu yic.”

Jop 28:3

Raan ee mɔ̈ɔ̈thdït lɔ cɔ̈t nyaai. Ku ɣeet piny thar tëmec, ke wec kuuric tëcol.

Diɛt 111:2

Bɛ̈nydït ee kake gäi juëc looi! Kɔc kedhie kɔc cï piɔ̈ɔ̈th miɛt ë keek, ayek them bïk keek ŋic.

Kɛ̈ŋ 18:1

Raan ee rɔt pɔ̈c bei, anhiaar kë kɔɔr ë piɔ̈nde, ku ee kë ye kɔc tïŋ ke ye yic rɛɛc.

Kɛ̈ŋ 18:15

Wëët de kɔc pel nïïm acie guut, ayek kɔɔr bïk piŋ ananden.

Kɛ̈ŋ 23:26

Mɛnhdï, piŋ këdiën luɛɛl, woi kë luɔɔi ku döt kuɛɛrkï yiic apiɛth. Akɔɔrröör ku tiiŋ cath thïn ayek pul thuth thar. Ayek kɔc buuth cït man ë kɔc ee kɔc rum ku ayek röör juëc pɛ̈n yök në diëërken.

Kɛ̈ŋ 25:2

Ee dhuëëŋ de Nhialic luɔi Yen käŋ thiaaniic, ku ee dhuëëŋ de bɛ̈ny luɔi yen ka cïï kɔc thiaan yökiic.

Kɛ̈ŋ 4:7

Yöŋ yök yïn pɛlënɔm ade naamde arëët awär këriëëc ëbɛ̈n. Ku däŋ ye kek rou dɔm yöŋ de käŋiic.

Wɛ̈ɛ̈t 1:17

Ku ja yanɔm kiɛm piny bä ŋïnydekäŋ kekë pɛlënɔm ŋic, ku ŋiɛc miɔ̈ɔ̈l kekë pialëpiɔ̈u. Guɔ ee kënë yök ayadäŋ nɔn cït en cum de yom cök.

Wɛ̈ɛ̈t 11:5

Cït man kuc ë raan kueer ye wëi bɛ̈n ë yomiic në amadhiënh ë tiiŋ liacic, yen akuc ë raan luɔi de Nhialic ë cak këriëëc ëbɛ̈n.

Wɛ̈ɛ̈t 12:12

Mɛnhdï, ye rɔt tiit në kë bä ŋuak në kekɔ̈ɔ̈th, gäär ë awereek juëc acie thök, ku kuɛ̈ndïït agök ee raan tɔ bäp.

Wɛ̈ɛ̈t 2:23

Aköölke yiic kedhie ayek arɛɛm, kekë jiɛthëpiɔ̈u. Ayï wakɔ̈u aya acïï piɔ̈u ee lɔ̈ŋ. Kënë aya ee ɣɔ̈ric.

Wɛ̈ɛ̈t 2:26

Raan ee Nhialic tɔ mitpiɔ̈u aye gäm pɛlënɔm, ku ŋïnydekäŋ ku miɛtëpiɔ̈u, ku raan ee karɛc looi aye Nhialic gäm luɔɔi de mɛ̈ɛ̈t ë käŋiic ku kun de käŋ nïïm, bï ke lɔ gäm raan mit ë Nhialic piɔ̈u ke yen. Kënë ayadäŋ ee ɣɔ̈ric, acït cum de yom cök.

Wɛ̈ɛ̈t 3:10

Yɛn cï luɔɔi cïï Nhialic tääu në kɔc yiëth tïŋ.

Wɛ̈ɛ̈t 3:11

Acï këriëëc ëbɛ̈n tɔ läk në köölde. Ku acï tän athɛɛr cak ë kɔc piɔ̈ɔ̈th ayadäŋ, ke ke cïï kë cï Nhialic looi ee yökic, gɔl të ɣɔn thɛɛr gɔl ë käŋ aɣet cï thökde.

Wɛ̈ɛ̈t 4:4

Ku yɛn cï kënë kɔc tɔ lui aläl ŋic, ee biäk ye kek kakë kɔc thiääk ë keek woi, ku ee kë ɣɔ̈ric, acït cum de yom cök.

Wɛ̈ɛ̈t 4:8

Ade raan rɛ̈ɛ̈r yetök, acïn nɔm meth, ku acïn nɔm mänhë, ku ee tɔ̈u aköölnyïïn, ke cïï piɔ̈u kueth në kajuëc tɔ̈u në yen, eeŋa jɔ luööi aläldïïtë aya ke cïï rɔt tɔ lɔ̈ŋ? Kënë ee ɣɔ̈ric ayadäŋ, ku ee pïïr de yic nuɛɛn.

Wɛ̈ɛ̈t 7:25

Yɛn cï yanɔm wël yöŋ de käŋiic, ke ya kɔɔr a nɔm, bä pɛlënɔm yök, ku kaaric, bän täu de käŋ ŋic, ku ŋiɛc rac de dhɔ̈ɔ̈n, ku miɔ̈ɔ̈l kekë pialëpiɔ̈u.

Wɛ̈ɛ̈t 8:9

Yɛn aa tïŋ ee kakë kedhie, wën jan ka loi röt ë piny nɔm thɔ̈ɔ̈ŋ, ade kööl ye raan ril kathiek tääu në kɔc yiëth, jieeth ke piɔ̈ɔ̈th.

1 Tim 4:15

Ye kakë thɔ̈ɔ̈ŋ ë yïpiɔ̈u, kedhie.