Tito 3:11 - JAM DE NHIALIC 2011

¹¹ Luɔi ŋic yïn en an, raan cït ee kënë acï enɔm cɔ̈k wei, ee këdäŋ wööc, ku acïï rɔt jɔ̈ɔ̈ny etök.

Tito 3:11 ပူးပေါင်းရင်းမြစ်များ

Luk 19:22

Go yɔ̈ɔ̈k an, ‘Në wëlkuön cï lueel, kek abän ke löŋdu guiir, yïn ee lïm rac. Yïn cï a ŋic nɔn aa yɛn raan rilic, nɔn aa yɛn käŋ kuany ka kɛ̈n tääu piny, ku nɔn aa yɛn käŋ tem ka kɛ̈n com:

Luk 7:30

Ku Parithai kekë bäny ee kɔc wɛ̈ɛ̈t ë löŋ, ke ke jɔ jam nu ë Nhialic piɔ̈u në këden rɛɛc, wën kënë ke baptith ë baptinh ë Jɔn.

Jɔn 3:18

Raan gam en acïn gääk nu ë yeyeth: ku raan reec gäm, ë guɔ yiëk yeth gääk ënɔɔnë, luɔi reec en gäm në rin ke Wën ë Nhialic, wën cï dhiëëth etök.

Luɔi 13:46

Go Paulo kekë Baranaba agokï nyïïn riɛl, ku jɔkï lueel an, “Jam ë Nhialic acï dhil kɔn guiëër week. Ku ënɔɔnë, luɔi cä wek e nyaai, ku cäk röt tɔ ye kɔc cïï rɔ̈ŋ në pïïr athɛɛr, tiëŋkï, wo ë röt yal të nu Juöör.

Luɔi 15:24

Acuk piŋ nɔn de kɔc kɔ̈k cï jäl ë woyiic, kɔc cï week jut në wël wëëtë ke, ku liëëpkï wenïïm, luelkï, an, bï we dhil cueel, ku bäk löŋ aa döt, ku acïn kë cuk thɔ̈n keek.

Luɔi 23:25

Go awerek gɔ̈ɔ̈r alë:

Romai 3:19

Na ënɔɔnë, aŋicku, an, kë lueel löŋ, aye lɛ̈k kɔc rɛ̈ɛ̈r ë löŋic ke kɔc ë ke bï kethook ruɔɔt kedhie, ago piny nɔm ëbɛ̈n yiëk yeth gääk ë Nhialic nɔm.

2Tim 2:14

Ye keek täk nïïm ë kakë, ku ye cök ë yöök yïn ke ë Bɛ̈nydït nɔm, ke ke cïï wël bï aa tɛɛr ë teer cïn këpiɛth ee yök thïn, teer ee kɔc pïŋ riɔ̈ɔ̈k piɔ̈ɔ̈th.

Tito 1:11

Kɔckë abï ke dhil ruɔɔt thook, ayek dhiën riɔ̈ɔ̈k ëliŋliŋ, ku yek kɔc wɛ̈ɛ̈t ë kë cïï piɛth, në biäk de nhiëër nhiɛɛr kek wëu ke ayäär.

Tito 1:14

ku cïkï kɔ̈ɔ̈r ee Judai paar ee piŋ, ayï lööŋ lueel kɔc tei, kɔc ee röt yal wei ë yicic.

Ɣeberuu 10:26

Të looi wok kërac në reec reec wok En adɛɛi wok, ke wo cï ŋïny de yic kɔn yök, ka cïn kë cï bɛ döŋ, kë näk bïï ë karɛckuɔ nyaai.