Tito 2:5 - JAM DE NHIALIC 2011

⁵ ke ke bï aa diëër ee nïïm tiëër, diëër ɣerpiɔ̈ɔ̈th ëtop, diëër ee tɔ̈u ë dhiënken, diëër piɛth, ee jam de röörken gup piŋ, ke jam ë Nhialic ke cïï bï aa läät.

Tito 2:5 ပူးပေါင်းရင်းမြစ်များ

Cäk 18:9

Agokï Abraɣam luɔp an, “Thara tiiŋdu nu ë nou?” Go lueel an, “Thara anu ë paanyic.”

Cäk 3:16

Ku lëk ë Bɛ̈nydït Nhialic tik an, “Yɛn bï arɛɛmdu ŋuak nyin të dhiëëth yïn. Yïn bï ya dhiëth ke yï rem guöp, ku yïn bï ya ŋoot ke yï kɔɔr monydu, ku abï yïn aa cieŋ.”

2 Tham 12:14

Ku në biäk kën yïn Bɛ̈nydït riëëu ku loi ee kënë, mɛnhdu abï thou.”

Diɛt 74:10

Ee run kadï Bɛ̈nydït yen bïï kɔc ke ater Yïn aa dɔl gup? Bïk rinku ya läät aɣet athɛɛr?

Kɛ̈ŋ 7:11

Ee tiiŋ ŋeny cïï guöp ee riɔ̈ɔ̈c, ku aa ye cool ke ciɛɛth kuɛɛr ë wutic,

Luɔi 9:36

Ku ade raanpiööcë ë Jopa, tiiŋ cɔl Tabitha, yen aye Doruka ë thoŋ ë Girikii (ku cɔl ŋɛɛr në thoŋda): tiiŋë ee tiiŋ piɛth cin, ee cool ë loi luɔi piɛth, ku ye kɔc kuanynyïïn miɔɔc.

Luɔi 9:39

Go Petero rɔt jɔt ku le ke keek. Na wën, aacï bɛ̈n, ke jɔkï lɛɛr ɣöt ɣön nu nhial: ku kääc diäär ëbɛ̈n ë yelɔ̈ɔ̈m diëër cïn nïïm röör, ke ke dhiau, anyuthkï yen aluluut ku lupɔɔ kɔ̈k kak ë kɔɔc Doruka, wään rëër en ke keek.

Romai 14:16

Duökï piathdun ee tɔ lëkë kërac.

Romai 2:24

Rin ke Nhialic aye ke läät ë Juööriic në baŋdun, acït man cï e gɔ̈ɔ̈r.

1 Kor 11:3

Ku yɛn de piɔ̈u luɔi bä wek e ŋic, nɔn ee yen Kërtho yen ee nɔm de moc ëbɛ̈n, ku nɔm de tik yen aye moc, ku nɔm de Kërtho yen aye Nhialic.

1 Kor 14:34

Ë diëërkun ë ke ye lɔ lik ë ɣööt ke Nhialic yiic: akënë päl keek nɔn bï kek jam thïn, në ke ye tɔ̈u ke ke ye wël piŋ, acït man lueelë löŋ en ayadäŋ.

Epethiei 5:33

Ku wek, raan ëbɛ̈n ë ye tiiŋ de yenguöp nhiaar cït man nhiɛɛr en rɔt, ku tik ë ye monyde riëëu.

Kolothai 3:18

Wek diäär, yak tɔ̈u ë röörkun cök, cït man röŋ en ë Bɛ̈nydïtic.

1 Tim 5:10

Abï dhil aa tiiŋ cï leec në biäk de luɔidɛn piɛth, tiiŋ cï mïthke ŋiëc muk apiɛth, ku ye kamaan ŋiëc luööi ɣɔn, ku ye kɔc ɣerpiɔ̈ɔ̈th waak cök, ku ye kɔc cïï këtuc dhal kony, ku ye cök ë kuɛny en luɔi piɛthic ëbɛ̈n.

1 Tim 6:1

Lïïm ëbɛ̈n lïïm cï mac yiëth, ë ke ye bänyken gup tɔ de naamden, bïk keek aa riëëu apiɛth, ke rin ke Nhialic ë ke cïï bï aa läät, ku cïï wëët ee läät aya.

Tito 2:4

ku bïk diëër kor aa wɛ̈ɛ̈t ke ke bï röörken nhiaar, ku nhiaarkï mïthken,