Tito 2:10 - JAM DE NHIALIC 2011

¹⁰ ku cïkï käŋ ë nööm ëcuëër, ku bïk käŋ aa döt apiɛth, agokï wëët de Nhialic Konyda aa kiir e këriëëcic ëbɛ̈n.

Tito 2:10 ပူးပေါင်းရင်းမြစ်များ

Diɛt 101:6

Ku yɛn bï jam de kɔc adööt tëde Nhialic piŋ ku abä keek tɔ rɛ̈ɛ̈r ë ɣöndiën ë bääny, Kɔc ɣer piɔ̈ɔ̈th aläl, kek abï pɔ̈l aluui yɛn.

Yith 12:2

Nhialic ee konydï, abä ŋɔ̈ɔ̈th ku cä riɔ̈c. Bɛ̈nydït Nhialic ee ya gäm gök de riɛl, Yen ee konydï

Math 24:45

Eeŋa ye lïm ŋic käŋ döt, lïm pelnɔm, lïm cïï bɛ̈nyde tääu ë dhiënde nɔm, bï kɔc aa yiɛ̈n këdɛn ee cam ë aköölnyïïn?

Math 5:16

Yak ɣɛɛrdun tɔ riau aya ë kɔc nïïm, abïk luɔiduön piɛth aa tïŋ, agokï Wuöörduön nu paannhial aa lɛc nɔm.

Luk 1:47

Ku yɛn ë piɔ̈u guɔ miɛt wokë Nhialic Konydï.

Luk 1:80

Ago meth dït, ku jɔ piɔ̈u riɛl, ku le ceŋ ë jɔ̈ɔ̈ric aɣët kööl bï en rɔ nyuöth Yithriɛl.

Luk 16:10

Raan ee kaliiakäŋ ŋiëc döt, yen aye kajuëc ŋiëc döt ayadäŋ: ku raan ë kaliiakäŋ kuöc döt, yen aye kajuëc kuöc döt ayadäŋ.

Jɔn 12:6

Aa lueel kënë, acie luɔi nhiɛɛr en kɔc kuanynyïïn, ee luɔi ee yen cuɛ̈ɛ̈r, ku ye cath ke athep de wëu, ye yen ka cï tääu thïn ɣääc.

1 Kor 4:2

Ku ënɔɔnë, raan cïï käŋ tääu ë yecin, abï dhil aa raan adöt.

Epethiei 4:1

Ya kï, yɛn ee raan cï mac në këde Bɛ̈nydït, wek läŋ nɔn bä wek rëër ë rëër piɛth rëër röŋ ke cɔ̈t ë cɔɔlë week.

Pilipoi 1:27

Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.

Pilipoi 4:8

Cöök ciëën, mïthëkɔckuɔ an, Të de yen kak ee yith, tëde yen ka ye riëëu, të de yen ka ye tiiŋ yiic, të de yen ka lɔ wai, të de yen ka cï läkëläk, të de yen ka piɛth rin, na de piath nu, ku na de lɛc nu, takkï wenïïm ee kakë.

1 Tim 1:1

Yɛn Paulo, tuny ë Yecu Kërtho në löŋ de Nhialic Konyda, ku aŋäthdan Kërtho Yecu.

1 Tim 5:17

Röördït nu ë kɔc nïïm röör ee kɔc tiit apiɛth, tɔ ke de naamden, bï ke riëëu ë riëëu dït, ku kɔc ee luui aläl ë jam ku wëët, kek abï dɛ riëëu dït aläl.

1 Tim 6:1

Lïïm ëbɛ̈n lïïm cï mac yiëth, ë ke ye bänyken gup tɔ de naamden, bïk keek aa riëëu apiɛth, ke rin ke Nhialic ë ke cïï bï aa läät, ku cïï wëët ee läät aya.

1 Tim 6:3

Na de raan ee wëët ë wëët mɛɛn pei, ku reec wël piɛth gam, wël ke Bɛ̈nydan Yecu Kërtho, ku reec wëët ee röŋ ke riëëu de Nhialic gam,

Tito 1:3

ku acï jamde nyuöth kɔc ëkööldɛn piɛth në guiëër ë wëlpiɛth, guiëër cï tääu ë yacin këde löŋ de Nhialic Konyda.

Tito 3:4

Na wën, aacï piath ë piɔ̈n ë Nhialic Konyda tïc, piath piɛth en piɔ̈u kekë kɔc, ku tiëc nhiëër nhiɛɛr en kɔc,

1 Pet 2:12

Yak ŋiëc rëër apiɛth ë juööriic, ku na cakaa kek ë ye we tum gup, acäk ciët kɔc ee kërac looi, ka bïk Nhialic dhil lɛc nɔm ë kööl bï en kɔc bɛ̈n neem, në luɔiduön piɛth ye tïŋ.

1 Pet 3:16

yak cath ë piɔ̈n agɔk, ku na cakaa kek ë ye we tum gup an, yak kɔc ee kërac looi, ka bïk yäär kek kɔc ee rëërduön piɛth ë Kërthoyic lat.

2 Jɔn 1:9

Raan ëbɛ̈n raan ë löŋ wööc, ku reec rëër ë wëët de Kërthoyic, ka cïn nɔm Nhialic: ku raan ee rëër ë wëët de Kërthoyic, yen ade nɔm Wääda ku Wënde aya.

1 Tham 22:14

Ago Aɣimelek bɛ̈ɛ̈r, an, “Eeŋa nu në bänyku yiic, raan ee yïn riëëu cït man ë Debid, mony de nyan ë melik, bɛ̈ny de kɔc ee yïn tiit, ku raan ye kɔc riëëu aläl paandu?

1 Tham 26:23

Ku Bɛ̈nydït ee raan piathëpiɔ̈u ëbɛ̈n ku raan adöt ëbɛ̈n gäm athiɛɛi. Köölë acï yï tääu në yacin, ku yïn kɛ̈n luöi kërac, yïn raan cï Bɛ̈nydït tɔ ye melik.