Tito 1:7 - JAM DE NHIALIC 2011

⁷ Raan ee kɔc cï gam tiit abï dhil aa raan cïn kë bï e gɔ̈k, luɔi ee yen raan ee dhiën ë Nhialic tiit, acie raan ee këde yenpiɔ̈u kɔɔr, ku cie raan ee dap gɔ̈th, ku cïï mɔ̈u ee nhiaar, ku cie raan ee kɔc dap dui, ku cïï wëu ke ayäär ee nhiaar.

Tito 1:7 ပူးပေါင်းရင်းမြစ်များ

Cäk 49:6

Yɛn cï bï aa lɔ tëdɛn rëër kek thïn, ayï amɛɛtken, yɛn cï bï ya lɔ thïn. Ayek kɔc nɔ̈k të cï kek ŋeeny, ku tɔkï miöör ee ŋöl të thuëëc kek.

Kɛ̈ŋ 14:17

Raan ee dap gɔ̈th apiɔl piɔ̈u, ku raan ee kiɛɛr rac tak aye maan.

Kɛ̈ŋ 15:18

Raan ee dap gɔ̈th anhiaar teer, ku raan ee käŋ täc nïïm ee mät bɛ̈ɛ̈i.

Kɛ̈ŋ 16:32

Raan cie dap gɔ̈th aŋuän në raan ril në tɔŋic, ku ŋuän raan ee yethok tiit në raan dɔm wut.

Wɛ̈ɛ̈t 7:9

Du ee dap gɔ̈th, ee dhɔ̈n yen agɔ̈th muk në yepiɔ̈u.

Yith 28:7

Acakaa nɔn ye bäny ke kake Nhialic ku tït wiɛɛt ë mɔ̈u ku yek tuëk. Acïk wiɛɛt ë mɔ̈n tuc arëët ka yek cath ë käŋkäŋ ke ke cï nïïm nuɔɔn. Tït ke Nhialic acïk wiɛɛt ë mɔ̈n tuc ka acïkï nyuuth cïï Nhialic tuööc ee bɛ yökic, ku bäny ke kake Nhialic acïk wiɛɛt ka acïkï göny cï yiɛ̈n keek ee guiir.

Edhekiɛl 44:21

Bäny ke kake Nhialic acïkï bï dhil aa dek në mɔ̈u të kën kek kɔn lɔ Luaŋdït.

Lebai 10:9

an, “Yïn wekë wɛ̈ɛ̈tku, wek cïï mɔ̈u ayï mɔ̈n tuc bï dhil dek, të la wek ë Paany de Mätic. Na lak looi, ke we bï dhil thou, ku löŋë abï cath gɔl ënɔɔnë agut wadäŋ.

Math 24:45

Eeŋa ye lïm ŋic käŋ döt, lïm pelnɔm, lïm cïï bɛ̈nyde tääu ë dhiënde nɔm, bï kɔc aa yiɛ̈n këdɛn ee cam ë aköölnyïïn?

Luk 12:42

Go Bɛ̈nydït lueel an, “Eeŋa ye raan tit dhiën, raan adöt ku de nɔm, raan bïï bɛ̈nyde tääu ë dhiënde nɔm, bï kɔc aa tɛ̈k këcam ëkööldɛn cï lueel?

Epethiei 5:18

Ku duökï röt ee tɔ wit mɔ̈u, ee mumënɔm bɛ̈ɛ̈i, yak röt tɔ thiäŋ ë Wëidït.

Pilipoi 1:1

Yɛn Paulo wokë Timotheo, lïïm ke Yecu Kërtho, awerek en gɛ̈ɛ̈rku kɔc ɣerpiɔ̈ɔ̈th ë Kërtho Yecuyic kedhie kɔc nu Pilipoi, kekë kɔc ë kɔc tiit ayï kɔc ee kake ɣön ë Nhialic looi:

Tito 1:5

En aa nyääŋ ɛn yïn piny ë Kerete wään, luɔi bï yïn käŋ kiɛm piny ka ŋoot ke ke de të dak, ku jɔ röördït ke ɣön ë Nhialic dɔm kɔc bï tɔ̈u ë kɔc nïïm ë pɛ̈ɛ̈nydït yiic ëbɛ̈n, acït man cän e kɔn lɛ̈k yïn.

Tito 2:3

Yen abï yïn diëër dït yɔ̈ɔ̈k aya an, bïk aa tɔ̈u ë täu de kɔc ɣerpiɔ̈ɔ̈th, ke ke cïï bï aa mantuum, ku cïkï bï aa lïïm ke mɔ̈n dït, abïk aa kɔc ee wëët ë këpiɛth,

1 Pet 4:10

Week wedhie, të cï raan këdäŋ yök kë cï gäm en, ke teke ke mänhë kɔ̈c, en abä wek ciët kɔc piɛth cï tääu ë dhiën nɔm, kɔc ŋic dhuëëŋ ë Nhialic döt dhuëëŋ kithic.

1 Pet 5:2

Yak luny ë Nhialic tiit luny nu ë weyiic, abäk keek aa tiit, ke cïn raan ee we cieŋ, ee këde piɔ̈ndun tei, ku acie biäk de wëu ke ayäär, ee miɛtëpiɔ̈u yen abä wek keek aa tiit.

2 Pet 2:10

ku kɔc bï këdɛn tuc dït yök kek aye kɔc ee ka ke yäc kɔɔr, në döm cï ke dɔm ë ŋɔ̈ɔ̈ŋ de luɔi col, ku yek bäny baar nyïïn. Ee kɔc dham gup, kɔc ril nïïm, ayek adhuëŋ lat gup ku cïkï ee riɔ̈ɔ̈c.