Tito 1:16 - JAM DE NHIALIC 2011

¹⁶ Ayek lueel an, ŋickï Nhialic, ku yek jäi në luɔiden, ee kɔc rac ëtaiwei, ayek löŋ rɛɛc piŋ, ku cïnkï naamden në luɔi piɛth ëbɛ̈n.

Tito 1:16 ပူးပေါင်းရင်းမြစ်များ

Jop 15:16

Ku na mɛnh ë raan arac, ee rɔt riɔ̈ɔ̈k ka ee gök de kërɛɛc man, ee kërac looi cït dëŋ de pïïu.

Kɛ̈ŋ 30:12

Kɔc kɔ̈k ayek röt tïŋ ke ke lɔ wai, ku ŋoot awɛ̈ɛ̈cken ke ke kënë wɛ̈ɛ̈k bei.

Yith 29:13

Acï Bɛ̈nydït lueel an, “Kɔckë ayek röt tɔ ye kɔc lam ɛn, ku jamden ee ɣɔ̈ric, ku piɔ̈ɔ̈thken anukï tëdäŋ pei. Ka yek theek ee lööŋ ke kɔc tei, ku ciɛɛŋ thɛɛr, ka cïk keek tääu ë kenïïm.

Yith 48:1

Piɛŋkï kënë wek kɔc ke Yithriɛl wek kuat de Juda: Wek ee kuëëŋ në rin ke Bɛ̈nydït, ku yak lueel nɔn lam wek Nhialic de Yithriɛl, ku jam yak lueel acie yen yak looi.

Yith 58:2

Ayek a lam aköölnyïïn, ku yek lueel nɔn kɔɔr kek bïk kuɛɛrkï ŋic ku bïk lööŋkï riëëu, abïk ciët jur ee piathëpiɔ̈u looi. Akɔɔrkï bä keek gäm lööŋ kapäc, ku an yek piɔ̈ɔ̈th miɛt ë läm ye kek Yɛn lam.”

Yith 59:13

Yïn cuk jäi, ku reecku yïn, ku jiɛiku buk yïn kuany cök. Wok cï kɔc kɔ̈k yɔŋ, ku yiɛlku röt wei në yïcök. Ka yok tak ayek awäc, ku wëlkuɔ ayek lueth.

Jeremia 12:2

Aye keek com, ku ayek ɣet piny, ayek luɔk, ku dhiëthkï mïth. Ayek jam apiɛth ë biäkdu, ku acïkï Yïn ee riëëu guöp ëyic.

Jeremia 5:2

Cakaa nɔn ya wek e lueel nɔn ya wek Bɛ̈nydït lam, ku ayek kuëëŋ ë lueth.

Jeremia 6:30

Abï keek aa cɔl kɔc cïn naamden, në biäk cän keek rɛɛc Yɛn Bɛ̈nydït.”

Edhekiɛl 33:31

Ka kɔckï ayek kenïïm kut ke ke kɔɔr bïk kë bä lueel piŋ, ku acïkï kë cï lɛ̈k keek bïk looi ee looi. Wël ke nhiëër në kethook, ku ayek ŋoot ke ke cath në kuɛɛrkɛn ke dït de piɔ̈u yiic.

Kuɛ̈n 24:16

Raan ee jam lueel ë Nhialic piŋ, Ku yök yic tëde Nhialic Awärjäŋ. Raan ee nyuuth yök tëde Awärjäŋ, ago wïïk, ku ŋoot ke daai nyin.

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.

Epethiei 5:6

Ë cïn raan ee we math ë wël ɣäär yiic: agönh ë Nhialic abɔ̈ ë kɔc reec gäm nïïm në biäk de ka cït ee kakë.

1 Tim 1:9

Në luɔi ŋic wok kënë an, Löŋ akënë tääu në këde raan piɛthpiɔ̈u, ee këde kɔc reec löŋ gam kɔc ee löŋ yalic, yen aa tɛ̈ɛ̈uwë ye, ayï këde kɔc reec Nhialic gam ku kɔc ee kërac looi, këde kɔc cïn piɔ̈ɔ̈th riëëu ku cïnku gup athɛɛk, këde kɔc ee wärken dui ku duikï märken, këde kɔc ee kɔc nɔ̈k,

1 Tim 5:8

Ku na de raan reec diɛɛr në këde kɔcken, ka ye raan rac, ku na reec diɛɛr në këde dhiënde guöp, ka ye raan rac aläl, acï gäm rɛɛc ëtaiwei, aŋuɛ̈ɛ̈n ë raan kën kɔn gam.

2Tim 3:17

ke raan de Nhialic bï piɔ̈u aa dikëdik, ku jɔ röŋ në luɔi piɛth ëbɛ̈n.

Tito 3:1

Ye ke täk nïïm ke ke bï aa rëër ë bäny cök, ku rëërkï ë kɔc nu ë kenïïm cök, ku yek löŋ piŋ, ku yek luɔi piɛth ëbɛ̈n dap gam.

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

1 Jɔn 2:4

Raan luel en, an, ŋic, ku cïï lööŋke ee döt, ka ye alueeth, ku yic aliu tëde yen:

Juda 1:4

Luɔi de en kɔc kɔ̈k cï bɛ̈n thïn ëcuëër, kɔc cï kɔn meek ɣɔn thɛɛr, bïk këdɛn tucë yök, kɔc reec Nhialic riëëu, ku yek dhuëëŋ de Nhialicda piɔ̈u puk tɔkï ye këde dhööm, ku reeckï Bɛ̈nydïït töŋ nu ë wonïïm, Bɛ̈nydan Yecu Kërtho.

Nyuuth 21:27

Ku acïn kënhiɛɛny bï lɔ thïn ëliŋliŋ, ayï raan ee kënhiany looi, ayï raan ee lueth töör: ee kɔc cï gɔ̈ɔ̈r rin në awerek de Nyɔŋamäälic awerek de pïïr keek kapäc kek abï lɔ thïn.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

1 Tham 15:22

Ago Thamwɛl puk nɔm an, “Ye Bɛ̈nydït piɔ̈u miɛt në miɔ̈c ye nyop ëbɛ̈n kekë ka ye nɔ̈k, cït man yen piɔ̈u miɛt në rïïu ye jam de Bɛ̈nydït riëëu? Rïïu apiɛth awär ka ye nɔ̈k, ku piŋ de jam apiɛth awär miök de nyök cuai,

1 Tham 15:24

Na wën ke jɔ Thaulo lɛ̈k Thamwɛl an, “Yɛn cï kërac looi, yɛn kën lööŋ ke Bɛ̈nydït looi, yɛn aa riɔ̈c në kɔckï aguɔ keek tɔ loi kë kɔɔrkï.