Tito 1:15 - JAM DE NHIALIC 2011

¹⁵ Käŋ kedhie ayek lɔ wai tëde kɔc lɔ piɔ̈ɔ̈th wai: ku kɔc cï piɔ̈ɔ̈th nhiany ku kɔc reec gäm, acïn kë lɔ wai nu tëde keek, kenïïm ayï kepiɔ̈ɔ̈th acïk nhiany kedhie.

Tito 1:15 ပူးပေါင်းရင်းမြစ်များ

Kɛ̈ŋ 21:4

Daai de yic lɛc ku piɔ̈n cï thiäŋ ë lɛc, yen ee many alath ë kɔc ee karɛc looi ku yen ee kërac.

Kɛ̈ŋ 30:12

Kɔc kɔ̈k ayek röt tïŋ ke ke lɔ wai, ku ŋoot awɛ̈ɛ̈cken ke ke kënë wɛ̈ɛ̈k bei.

Ɣagai 2:13

Go Ɣagai ke bɛ nyɔk ë lop an, “Ku na cï raan ye guöp tɔ rac në baŋ cï yen kë cï thou jak. Ku na jɔ kuïn tök në ee kuïïnkë yiic jak, duëër ee kuïïnkë tɔ rac ayadäŋ? Go bäny ke kake Nhialic puk nɔm an, “Ɣɛɛ.

Math 15:18

Ku ka bɔ̈ bei ë raan thok ayek bɛ̈n bei ë raan piɔ̈u, ku keek aye raan tɔ rac.

Luɔi 10:15

Go röl bɛ nyɔk raanrou, ku yöök an, “Kë cïï Nhialic tɔ piɛth, du tɔ rac, yïn.”

Romai 14:14

Cöök ŋiɛc kï, acä cök ë ŋiɛc ɛn en ëgɔk ë Bɛ̈nydït Yecu yic an, acïn kën ee rac etök, ku raan ë tɔ këdäŋ rac, ke jɔ rac tëde yen.

Romai 14:20

Du luɔi de Nhialic riäk në baŋ de rïŋ. Këriëëc ëbɛ̈n aɣeric tei, ku ee kërac tëde raan ë këdäŋ cam, ago käŋ wööc thïn.

Romai 14:23

Ku raan ee piɔ̈u wïl ë kaamic, të ciëm en, aye jɔ̈ɔ̈ny, luɔi liiuwë gäm thïn, ku këriëëc ëbɛ̈n kë liiuwë gäm thïn, yen aye kërac.

1 Kor 10:23

Käŋ kedhie acï ke päl ɛn, ku käŋ acïkï de piathden kedhie, käŋ acï ke päl ɛn kedhie, ku käŋ acïkï kɔc ee kueet kedhie.

1 Kor 10:25

Ka cï ɣaac ë thuukic kedhie abäk ke cam, acïn kë bäk luɔp në biäk de kë cï raan yök ë yepiɔ̈u,

1 Kor 10:31

Yen na yak cam, ku yak dek, ayï të de yen kë bäk aa looi, yak käŋ looi kedhie ke Nhialic bï dhuëëŋ yök.

1 Kor 8:7

Ku ŋïny de ee kënë acïï nu tëde kɔc kedhie: kɔc kɔ̈k a riëëukï yiëth ë kepiɔ̈ɔ̈th, gokï këdäŋ aa cam aɣet cï ënɔɔnë, ku tɔkï ë ke cï nɔ̈k yath, ago piɔ̈nden rac në kɔ̈c kɔ̈ɔ̈c en jɔ dhiöök.

1 Tim 6:5

ku bïï lööŋ ɣäär yiic lööŋ ke kɔc cï piɔ̈ɔ̈th riääk, kɔc cïn yic cath ke keek, kɔc ee ye lueel an, Riëëu ee raan Nhialic riëëu ee kueer bï kake ŋuak nyïïn: ratë rɔt wei ë kɔc cït ee kakë lɔ̈m.

Ɣeberuu 10:22

Jɔku lɔ në Nhialic lɔ̈ɔ̈m në piɔ̈n cïnic ruëëny, ku lokku në gäm adöt cï we waak piɔ̈ɔ̈th abuk piɔ̈ɔ̈th lɔ wai ke cïn kërɛɛc ŋïcku röt në täŋda yic ëbɛ̈n ku cï wook juɔɔl në pïïu lɔ top.

Ɣeberuu 12:15

Yak yïn ke cïn raan töŋdun bï löny ku cïï dhuëëŋ de Nhialic piɔ̈u bï yök, tiir tök ee tiir riɔ̈ɔ̈k, yen ya wek cök ë wɔi wek röt apiɛth ke cïn mei de kɛcëpiɔ̈u bï cil në weyiic ku tɔ kɔc juëc lɔ në këracic

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.