Tito 1:11 - JAM DE NHIALIC 2011

¹¹ Kɔckë abï ke dhil ruɔɔt thook, ayek dhiën riɔ̈ɔ̈k ëliŋliŋ, ku yek kɔc wɛ̈ɛ̈t ë kë cïï piɛth, në biäk de nhiëër nhiɛɛr kek wëu ke ayäär.

Tito 1:11 ပူးပေါင်းရင်းမြစ်များ

Diɛt 107:42

Aye kɔc lɔ piɔ̈ɔ̈th wai tïŋ agokï piɔ̈ɔ̈th miɛt, ku kɔc ke rɛ̈ɛ̈c ëbɛ̈n abïï ke miɛɛm thook.

Diɛt 63:11

Në biäk bï Nhialic yen tɔ tiëm, go melik piɔ̈u miɛt. Kɔc ee kuëëŋ në rin ke Nhialic abïk dhuëëŋ yök, ku thook ke kɔc ee lueth töör abïï ke miɛɛm.

Jeremia 8:10

Yɛn bï duumken gäm kɔc kɔ̈k, ku gäm diëërken röör kɔ̈k. Raan ëbɛ̈n meth ku raandït aye kɔɔr bïï wëu yök në kueer de ruëëny. Ayï tït ke Nhialic ku bäny de kakë Nhialic ayek kɔc math.

Edhekiɛl 13:19

Wek cï yɛn yɔ̈ɔ̈r guöp në kɔckï nïïm, aguɔkï röt yɔ̈k abïny de cï thiɔ̈ɔ̈ŋ në barli, ku kuïïn lik cï pam. Wek ee kɔc cïï röŋ në thuɔɔu nɔ̈k, ku pälkï kɔc cïï röŋ në pïïr ke ke pïïr. Ka wek ee lueth lɛ̈k kɔckï, ku ayek ka cäk lueel gam.”

Edhekiɛl 16:63

Yɛn bï karɛc cï looi ëbɛ̈n pɔ̈l, ku yïn bï karɛcku aa tak ku yïn yäär aläl ka yïn cïï yïthok bï liep.” Bɛ̈nydït Awärjäŋ yen aa jam.

Maika 3:11

Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

Maika 3:5

Ku kë lueel ë Bɛ̈nydït kï an, “Ku në biäk de tït mär kɔckï. Të cï ë ke cääm apiɛth, ke luelkï an, ‘Wek bï dɛ rëër lɔ dïu.’ Na cï keek nyɔ̈ŋ, ke ke riëëc kɔc nɔn bï tɔŋ ke yök.

Math 23:13

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! Wek ë kɔc guöör biic ë Ciɛɛŋ de paannhial, wegup wek cie lɔ thïn, ku kɔc kɔɔr lɔ thïn acäkï ke ye päl lɔ thïn ayadäŋ.

Luk 20:40

Na wën, ke ke jɔ riɔ̈ɔ̈c në thiëc bï kek e bɛ thiëc käŋ.

Jɔn 10:12

Ku raan cï kïïr, ku cie tït, thök acïkï ee ka ke yen, ee aŋuï tïŋ, go thök nyääŋ piny, ku kɔt, go aŋuï thök gɔp, thiëi ke:

Romai 3:19

Na ënɔɔnë, aŋicku, an, kë lueel löŋ, aye lɛ̈k kɔc rɛ̈ɛ̈r ë löŋic ke kɔc ë ke bï kethook ruɔɔt kedhie, ago piny nɔm ëbɛ̈n yiëk yeth gääk ë Nhialic nɔm.

2 Kor 11:10

Yic de Kërtho acath ke yɛn, acïn raan bï a pɛ̈n lɛc lɛɛc ɛn rɔt në cöökë, piny de Akaya nɔm ëbɛ̈n.

1 Tim 5:13

Ku ayek röt wɛ̈ɛ̈t ëŋɛɛrëguöp, ku jɔkï aa riäu lek dhiënë ku lek dhiënë, ku acïkï gup ee ŋɛɛr tei, ayek kɔc ee guak ë keliëp, kɔc ee röt gap ë luɔi de kɔc kɔ̈k yiic, agokï ka cïï piɛth aa lueel.

1 Tim 5:4

Ku na de tiiŋ cïn nɔm monyde ku de nɔm mïthke ayï mïth ke mïthken tɔ ke wëëtë abïk kɔc ke dhiënden kɔn riëëu, ago kɔc ë dhiëth keek cuööt: kënë ee këpiɛth, ee kën ee Nhialic tɔ mit piɔ̈u.

1 Tim 6:5

ku bïï lööŋ ɣäär yiic lööŋ ke kɔc cï piɔ̈ɔ̈th riääk, kɔc cïn yic cath ke keek, kɔc ee ye lueel an, Riëëu ee raan Nhialic riëëu ee kueer bï kake ŋuak nyïïn: ratë rɔt wei ë kɔc cït ee kakë lɔ̈m.

2Tim 2:18

Kɔc cï këde yic wööc, ayek lueel an, cï jön ee kɔc röt jɔt guɔ wan, agokï gäm de kɔc kɔ̈k riɔ̈ɔ̈k.

2Tim 3:6

Kɔc kɔ̈k ë keyiic ee kɔc ee lɔ ɣööt ke kɔc yiic, lek diëër piɔl piɔ̈ɔ̈th rum piɔ̈ɔ̈th, diëër juëc ë karɛckɛn cïk wööc, ku yek ke thɛl wei në ŋɔ̈ɔ̈ŋdɛn ë ke dɔm ŋɔ̈ɔ̈ŋ de këriëëc,

Tito 1:7

Raan ee kɔc cï gam tiit abï dhil aa raan cïn kë bï e gɔ̈k, luɔi ee yen raan ee dhiën ë Nhialic tiit, acie raan ee këde yenpiɔ̈u kɔɔr, ku cie raan ee dap gɔ̈th, ku cïï mɔ̈u ee nhiaar, ku cie raan ee kɔc dap dui, ku cïï wëu ke ayäär ee nhiaar.

Tito 1:9

Raan ee wël yith ŋiëc döt cït man cï e wɛ̈ɛ̈t, luɔi duëër en kɔc riit piɔ̈ɔ̈th në wëët piɛth, ku ŋic kɔc jäny en guut ë löŋ.

Tito 3:10

Raan ee wëët yalic, të cï yïn e jɔ̈ɔ̈ny raantök ayï raanrou, ke jɔ rɛɛc.