Romai 9:4 - JAM DE NHIALIC 2011

⁴ Ayek kɔc ke Yithriɛl, ku muŋ cï Nhialic ke muk ë dhuëëŋ ee këden, ayï lööŋ cï mac, ayï tɛ̈ɛ̈u cï löŋ tääu piny, ku luɔi de ka ke Nhialic, ku läm, ku ka cï kɔn lueel, an, bï ke gäm keek, ayek kaken,

Romai 9:4 ပူးပေါင်းရင်းမြစ်များ

Cäk 15:18

Ago Bɛ̈nydït mät looi kekë Abram ee köölë, lueel ë Bɛ̈nydït an, “Pinyë acä gäm mïthku, gɔl në aken ë Rip agut cï wɛ̈ɛ̈r ë Yuparat.

Cäk 17:10

Ku mändï kï, män bäk döt: Moc ëbɛ̈n në weyiic, abï ya cueel.

Cäk 17:2

Yɛn bï mät looi wo yïn, ku yïn bä gäm mïth juëc aläl.”

Cäk 17:7

“Ku Yɛn bï thöndiën cä lɛ̈k yïn döt. Ku dɔ̈t wokë mïthku në rɛm bï lɔ̈ɔ̈k bɛ̈n, ke mät ë cïï kɔ̈u bï tɛɛm aɣet athɛɛr. Ku Yɛn bï ya Nhialicdu, ku ya Nhialic de mïthkuön bï lɔ̈ɔ̈k tɔ̈u në yïcök.”

Cäk 32:28

Go raan lɛ̈k en an, “Rinku acï ke bï bɛ cɔl Jakop, abï ke cɔl Yithriɛl. Në luɔi cïn thɔ̈ny we Nhialic, ku kɔc ayadäŋ, ku tiëmë.”

1 Mel 8:11

ago bäny ke kake Nhialic cuö lëu yen kɔ̈ɔ̈c bï kek kɔ̈ɔ̈c ke ke loi luɔiden ë Luakic në biäk de luäät, në kë cïï dhuëëŋ de Bɛ̈nydït Luaŋdït thiɔ̈ɔ̈ŋic.

Neɣe 13:29

Nhialic tïŋ luɔi cïï kek bɛ̈ɛ̈ny de bäny de kake Nhialic kekë löŋduön cï mac wekë bäny ke kake Nhialic ku kɔc ke Lebai dhiöök.

Diɛt 147:19

Ee jamde lɛ̈k Jakop, ku lëk guiɛɛrde ku lööŋke Yithriɛl.

Diɛt 63:2

Tɔ ya tïŋ riɛldu, ku dhuëëŋdu, cït man cän Yï tïŋ tëɣeric.

Diɛt 73:1

Ee yic Nhialic apiɛth kekë Yithriɛl, kɔc lɔ piɔ̈ɔ̈th wai.

Diɛt 78:61

Acï kɔc ke aterda tɔ peec athänduŋ de mät, kïn de riɛlde ku dhuëëŋde.

Diɛt 89:3

Acï lueel an, “Yɛn cï mät looi wokë Debid raan cä lɔc, ku yɛn cï gutguut looi në luöi bän piɔ̈u piath wokë yen.

Diɛt 89:34

Yɛn cïï löŋdiën cä mac wokë Debid bï dhoŋ kɔ̈u, acïn töŋ bä puk nɔm në ka cä lɛ̈k yen yiic.

Diɛt 90:16

Tɔ awuutku tïŋ luɔiduön dït, tɔ kuatda tïŋ dït de dhuëëŋdu.

Bɛ̈n 12:25

Të la wek lɔ piny cïï Bɛ̈nydït than an bïï gäm week, ke we ye ë kënë looi.

Bɛ̈n 34:27

Ago Bɛ̈nydït lɛ̈k Mothe an, “Gäärë ee lööŋ kë piny kedhie, në luɔi yen kek mac Ɛn löŋdï wokë yïn ku Yithriɛl.”

Bɛ̈n 4:22

Ku abä dhiɛl guiëër melik ëgɔk an, ‘Acïï Bɛ̈nydït lueel an Yithriɛl yen aye wën kɛ̈idï.

Bɛ̈n 40:34

Na wën, ke luät ë kum paany de mät piny, ku jɔ riau dïït lɔ wic ye thiɔ̈ɔ̈ŋic, riau de dhuëëŋ de Bɛ̈nydït.

Yith 41:8

“Ku wek, Yithriɛl awuutkï, wek ee kɔckiën cä ke lɔc, kuat de Abraɣam raan mɛ̈ɛ̈th wok.

Yith 46:3

“Piɛŋkï këdï, wek kuat de Jakop, wek baai de Yithriɛl cï döŋ ë bɛ̈n. Wek cä muk gɔl të wään ë dhiëëthë yïn.

Yith 5:2

Ë piny gɔ̈i ku lɛɛthic në kɔi ku com tiim piɛth. Acï alooc bäär yïk bï yen ke tiit, ë pul wec bï yen mɔ̈u dhiim. Go enap tiit ke bï luɔk go enap kɛc ëbɛ̈n

Yith 60:19

“Ruɛl de akɔ̈l acïï bï bɛ aa ɣɛɛrdun aköl ayï pɛɛi acïï bï bɛ aa ɣɛɛrdun wakɔ̈u, Yɛn Bɛ̈nydït, Yɛn abï ya ɣɛɛrduön tɔ̈u athɛɛr, ɣɛɛr de dhuëëŋdï abï riaau ë wegup.

Jeremia 31:20

“Yithriɛl Yïn ee wënhdiën läk, mɛnh nhiaar aläl. Të yan yïn lueel rin, yïn ya tak ë nhiëër. Piɔ̈ndï ee lɔ biic tënu yïn, Yɛn bï piɔ̈u kok.

Jeremia 31:33

Ku Löŋ cï piac mac bä looi wo baai de Yithriɛl yekï: Yɛn bï löŋdï tääu ë keyiic ku gäär ë kepiɔ̈ɔ̈th. Yɛn bï aa Nhialicden, ku abïk aa kɔckï.

Jeremia 31:9

Kɔckï abïk kenïïm puk ke ke dhiau, ku lɛ̈ŋkï të bɛ̈ɛ̈i Yɛn keek ciëën. Abä keek wat të de nyïïn ke pïïu, abä ke tɛ̈ɛ̈k ë kueer lipic cïï ke bï tɔ kɔ̈th. Yɛn cït wun kɔc ke Yithriɛl, ku Eparaim ee wën kɛ̈idï.”

Edhekiɛl 1:28

ku ade yic kïït ke mïït kedhie. Kënë aaye many riau nyooth täu de Bɛ̈nydït.

Ɣodh 11:1

Aye Bɛ̈nydït lueel an, “Yithriɛl aa nhiaar të ɣɔn ee yen meth. Guɔ cɔ̈ɔ̈l bei Rip, ke ye wëndï.

Kuɛ̈n 7:89

Na wën, alɔ Mothe në paany de mätic, le jam kekë Bɛ̈nydït, ke piŋ röl ajam në kɛm ke cerubiim në akum de athänduŋ de mät nɔm. Go röl Mothe jääm.

Math 21:33

Piɛŋkï kääŋ däŋ an, “Raan anu ke ye bɛ̈ny de baai, na wën, ke pith dom ë tim cɔl enap, go geeu ë kal, ku wec të bï mɔ̈u aa dhiim thïn, ku yïk aloocdïït bäär, go kuɛ̈i kɔc bï en aa tiit, ku jɔ keny paan mec.

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Jɔn 1:47

Na wën, ke Yecu tïŋ Nathanyel ke bɔ̈ tëde yen, go lueel an, “Wɔikï, raan ë Yithriɛl ëgɔk ka, raan cïn yäc ruëëny!”

Luɔi 2:39

Kë cï lueel an, bï gäm kɔc, ee këdun week, ku ye këde mïthkun, ku ye këde kɔc nu tëmec kedhie, kɔc bïï Bɛ̈nydït Nhialicda cɔɔl.”

Romai 3:2

Piathden adït në cök ëbɛ̈n. Ku cöök dït, kï, tɛ̈ɛ̈u cï wël ke Nhialic tääu ë Judai cin.

Romai 8:15

Wek kënë bɛ gäm piɔ̈n ë lïïm, piɔ̈n ë riɔ̈ɔ̈c, wek cï gäm piɔ̈n ë mïth cï muk, piɔ̈n ë wo tɔ cöt an, “Abba! Wääda!’

Romai 9:6

Ku akɛ̈n lueel, nɔn cïn en kë cïï wël ke Nhialic lëu, acie yen. Ku acïkï ee Yithriɛl nïïm kedhie, kek kɔc ke Yithriɛl,

2 Kor 11:22

Kɔckë yek Ɣeberuu? Ayï yɛn aya. Yek kɔc ke Yithriɛl? Ayï yɛn aya. Yek kɔ̈th ke Abraɣam? Ayï yɛn aya.

Galatai 3:16

Ku ka cï kɔn lueel, an, bï ke gäm en, aye ke lɛ̈k Abraɣam kekë käude. Akën lueel an, Abä ke gäm “kɔ̈th,” cït nɔn juëc kek, ee tök en ë lueel an, abä ke gäm “käudu,” yen aye Kërtho.

Epethiei 2:12

Wek ë cïï thiääk ë Kërtho ɣɔn, wek ë nu pei, ku cäkï ë dïïl ke Yithriɛl, ku wek ë ye kɔc lei, aa cïn këdun thïn ë löŋ cï macic, löŋ de kë cï kɔc lueel an, bï gäm kɔc, wek aa cïn kë ŋäthkï, ku liu Nhialic tëde week ë piny nɔm.

Nyöŋ 14:1

Go Mothe jam an, “Wek ee kɔc ke Bɛ̈nydït Nhialicdun. Ka të dhiëëu wek raan cï thou, duökï wegup ee ŋuɔt, ku nɔn mɔ̈tkï wenïïm në biäk tueŋ, cït man ye kɔc kɔ̈k ye looi.

Nyöŋ 29:1

Kakë ayek cök ke lööŋ cï Bɛ̈nydït lɛ̈k Mothe, bï ke mac kekë kɔc ke Yithriɛl piny de Mowap, kakë kedhie lɔ në män wään cïï Bɛ̈nydït kɔn mac ke keek në kuur de Thinai nɔm.

Nyöŋ 29:14

Acie week wapäc, wek cïï Bɛ̈nydït löŋë mac ku kake luɔɔide.

Nyöŋ 31:16

Ago Bɛ̈nydït lɛ̈k Mothe, an, “Yïn bï lony wekë wärkuön ku kɔckë abïk röt gäm yiëthkɛn ke piny lei rëër kek thïnë, abïk yɛn pɔ̈l ku dhoŋkï män cä looi wokë keek.

Nyöŋ 4:13

Acï week lɛ̈k kë bäk dhil looi në luɔi bä wek män cï looi kekë week döt, wek bï lööŋ kathiëër dhil döt, lööŋ wään cï gɔ̈ɔ̈r në pɛɛm ke kur kaarou kɔ̈ɔ̈th.

Nyöŋ 7:6

Luɔikï ee kënë në baŋ ya wek kɔc ɣeriic ke Bɛ̈nydït Nhialicdun. Në kɔc ke pinynɔm ëbɛ̈n yiic acï week lɔc bäk aa kɔckɛn ke nɔmde.

Ɣeberuu 9:1

Ee yic, löŋ cï mac thɛɛr aa de nɔm kuɛɛr cï kiëët ye kɔc Nhialic lam tëɣeric yic, ɣön cï yïk ë piny nɔm eenë, në kɔc.

Ɣeberuu 9:10

Cït man ɣɔn thɛɛr ye kuïïn bɛ̈ɛ̈i ku ka ye dek miɔɔcë ke, acïtkï lööŋ wɛɛk ë kɔc kegup biic.

Ɣeberuu 9:3

Ɣön ee kek rou nu ë paany kɔ̈u ciëën, acɔl Tëɣeric aläl.

Ɣeberuu 9:5

Ku kääc tuucnhial kaarou në akum de athänduŋë nɔm, aake guaŋ ë tim, acɔlke cerubiim akumkï të de päl de awɛ̈ɛ̈c ë atïmden, wo bï kɔ̈ɔ̈c ëtɛ̈ɛ̈n, acïn të bï wok ee kakë giit nyïïn në luɛl ënɔɔnë.

Ɣeberuu 9:6

Yen luɔi ë cïï ke kiëët ka, bɛ̈ny de kake Nhialic aaye cool ke loi luɔi de Nhialic aköölnyïïn kedhie, ë paanyic ɣön tueŋ.