Romai 9:30 - JAM DE NHIALIC 2011

³⁰ Eeŋö buk jɔ lueel? An, Juöör, kɔc ë cïï piathëpiɔ̈u ee cop, acïk piathëpiɔ̈u yök, yen aye piathëpiɔ̈u bɔ̈ në gäm,

Romai 9:30 ပူးပေါင်းရင်းမြစ်များ

Kɛ̈ŋ 15:9

Kueer ë kɔc ee karɛc looi ee gök de kërɛɛc mɛɛn Bɛ̈nydït, ku anhiaar kɔc ee rɛ̈ɛ̈r në piathëpiɔ̈uwic.

Kɛ̈ŋ 21:21

Raan ee piathëpiɔ̈u ku kokdepiɔ̈u cop cök, ee pïïr kekë athiɛɛi ku riëëu yök.

Yith 51:1

Aye Bɛ̈nydït lueel an, “Piɛŋkï këdï, wek kɔc kɔɔr kuɔɔny, wek kɔc ee luääk kɔɔr tëde yɛn. Takï wenïïm në kuur ë bä wek thïn, të wään wëc ë week bei thïn.

Romai 10:10

Gäm ee raan gam ë yepiɔ̈u yen aye yen piathëpiɔ̈u yök, ku luɛɛl ee raan gämde lueel ë yethok yen aye yen kunydewëi yök.

Romai 10:20

Ku Yithaya ë ŋeeny arëët lueel an: “Yɛn cïï kɔc yök, kɔc ë kën a kɔɔr, Yɛn cï rɔ nyuöth kɔc, kɔc ë kën a luɔp.”

Romai 10:6

Ku piathëpiɔ̈u wën bɔ̈ në gäm aye lueel alë an, “Du luel ë yïpiɔ̈u an, eeŋa bï lɔ paannhial?” (Luɛɛlde kï, ee bïï le en Kërtho bɛ̈ɛ̈i piny).

Romai 3:5

Ku na rac de wopiɔ̈ɔ̈th, të cï en piath ë Nhialic piɔ̈u nyuɔɔth, buk ŋö lueel? Rac Nhialic, të cï en kɔc luöi këtuc ë agɔ̈th? (Yɛn jam cït man ë raan tei.)

Romai 4:11

Ago cuɛ̈l nööm, bï aa ŋïny bï ye ŋic, ku bï aa bɔ̈t de piathëpiɔ̈u cï yök në gäm, piathëpiɔ̈u ɣɔn cath kekë yen ɣɔn ŋoot en ke kënë cueel. Ago aa wun kɔc gäm kedhie, acakaa të kënë ke cueel, ke piathëpiɔ̈u bï tɔ ye këden ayadäŋ.

Romai 4:13

Luɛl cï ye kɔn lueel, an, bï aa raan bï piny lɔ̈ɔ̈k lak, aacï bɔ̈ tëde Abraɣam ayï käude në löŋ, aa bɔ̈ në piathëpiɔ̈u cï yök në gäm.

Romai 4:22

Yen aa tɔ ye piathëpiɔ̈u tëde yen aya.

Romai 4:9

Bɔ̈ athiɛɛiyë ënɔɔnë ë kɔc cï cueel gup kapäc, ku bɔ̈ ë kɔc kënë cueel gup aya? Luɔi cï wok e lueel an, “Abraɣam ë Nhialic gam, ku në biäk de gämde go tɔ ye piathëpiɔ̈u tëde yen.”

Romai 5:1

Ku ënɔɔnë, nɔn cï wo tɔ piɛthpiɔ̈ɔ̈th në gäm, wok cï mat ë Nhialic në Bɛ̈nydan Yecu Kërtho.

Romai 9:14

Eeŋö buk jɔ lueel? De jam rɛɛc cath ke Nhialic? Ei, acie yen!

Romai 9:31

ku Yithriɛl, kɔc ë ye löŋ dɛ piathëpiɔ̈u cop, akënkï löŋ de piathëpiɔ̈u gïth.

Galatai 2:16

aŋicku nɔn kënë raan tɔ piɛthpiɔ̈u në luɔi de löŋ, ee gäm de Yecu Kërtho etök, en ee raan tɔ piɛthpiɔ̈u, ayï wook ayadäŋ, wo ë Yecu Kërtho gam, luɔi bï wo tɔ piɛthpiɔ̈ɔ̈th në gäm cï wo Kërtho gam, ku acie në luɔi de löŋ, në ciën cïn en raan töŋ bï tɔ piɛthpiɔ̈u në luɔi de löŋ.

Galatai 3:24

Yen tëde ka, löŋ en aye raan ë wo wɛ̈ɛ̈t cït mïth, leer wook të nu Kërtho, luɔi bï wo tɔ piɛthpiɔ̈ɔ̈th në gäm.

Galatai 3:8

Ku këcïgɔ̈ɔ̈r, të cï en e kɔn tïŋ nɔn bï Nhialic Juöör tɔ piɛthpiɔ̈ɔ̈th në gäm, ke jɔ wëlpiɛth kɔn guiëër Abraɣam an, “Juöör ëbɛ̈n abï ke thieei në yïn.”

Galatai 5:5

Ku wook, aŋäth ë piathëpiɔ̈u wën bɔ̈ në gäm en ayok tiit në Wëidït.

Epethiei 2:12

Wek ë cïï thiääk ë Kërtho ɣɔn, wek ë nu pei, ku cäkï ë dïïl ke Yithriɛl, ku wek ë ye kɔc lei, aa cïn këdun thïn ë löŋ cï macic, löŋ de kë cï kɔc lueel an, bï gäm kɔc, wek aa cïn kë ŋäthkï, ku liu Nhialic tëde week ë piny nɔm.

Pilipoi 3:9

ku luɔi bï a yök ke ya nu ë yeyic, ke ya cath wokë piathëpiɔ̈u, ku acie këdï, kë bɔ̈ në löŋ, ee kë bɔ̈ në gäm, gäm cän Kërtho gam, yen aye piathëpiɔ̈u ë bɔ̈ tëde Nhialic, në gäm,

1 Tim 6:11

Ku yïn, yïn raan de Nhialic, ye kat ee kakë, ku ye piathëpiɔ̈u cop, ku cop riëëu de Nhialic, ku gäm, ku nhiëër, ku liɛɛrëpiɔ̈u, ku rëër ëmääth.

Ɣeberuu 11:7

Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.

1 Pet 4:3

Akööl wään cï wan acïk dhil looi, akööl wään ee wok kamit ë Juöör piɔ̈ɔ̈th looi, kööl ë ye wok cool ë loi luɔi de dhööm, ku ŋɔ̈ɔ̈ŋ de kërac, ku dëŋ de mɔ̈u, ku thuëëc rac, ku wïn ee kɔc wit ë mɔ̈u, ku läm de yiëth col ëcut.