Romai 9:27 - JAM DE NHIALIC 2011

²⁷ Ku Yithaya ee cööt në këde Yithriɛl an, “Na cak mïth ke Yithriɛl juëc acïtkï nɔn ë liɛɛt nu wɛ̈ɛ̈r yɔu, ee kɔc lik cï döŋ tei, kek abï kony wëi.

Romai 9:27 ပူးပေါင်းရင်းမြစ်များ

Cäk 22:17

Yïn bä thieei aläl, mïthku abä keek ŋuak nyïïn, ka bïk juëc cït man ë kuɛl nhial, ku cïtkï liɛɛt ë wɛ̈ɛ̈r yɔu. Ku mïthku abïk kɔc de kek ater aa tiaam.

Edhr 9:14

Ku ënɔɔnë, duëërku lööŋku bɛ nyɔk ë dhɔ̈t dhɔɔt wok ke yiic adï, man abuk röt bɛ ya thiëk në juöör ee karɛc looiyë? Ku ënɔn cï yen rɔt nyɔkë, ka agönhdu abï wo riɔ̈ɔ̈r nyïïn taitai ka cïn raan töŋ bï bɛ döŋ.

Edhr 9:8

Ku ënɔɔnë Bɛ̈nydït Nhialicda në kaam thiinakäŋ, Yïn cï wo gäm nɔm lääu tëduön ɣeric, pɔ̈kë wonïïm rëër de miɛtëpiɔ̈ndan thɛɛr. Yïn cï piɔ̈u kok we wook, tɔ wo poth në luɔi adï cïï wok aa lïïm, Yïn ë wo gël apiɛth në rëërda.

Yith 1:1

Awerekë ade yic nyuuth ɣɔn cï Nhialic ke nyuöth Yithaya wën Amodh, në biäk de Juda ku Jeruthalem, në akööl ɣɔn ye Yudhia ku Jotham ku Aɣadh ku Ɣedhekia meliik ke Juda.

Yith 1:9

Të ë Bɛ̈nydït de rɛm ë kën kɔc kɔ̈k pɔ̈l apïr, adï cï Jeruthalem riɔ̈ɔ̈k taitai, cït man ë Thɔdom ke Gomoora.

Yith 11:11

Të lee köölë bɛ̈n, Bɛ̈nydït abï riɛlde bɛ looi ku bïï kɔc baai, kɔckɛn wään cï döŋ Athiriya ku Rip, ku piny de Pathroth, ku Kuc ku Eelam, Ku Babilonia ku Ɣamath ku wɛ̈th thook ku tuöör ke wɛ̈ɛ̈r yiic.

Yith 24:13

Kë bï tuöl kï të de juöör ë piny nɔm ëbɛ̈n. Abï ciët thök de tëm, të cï ë mïth ke olip yuöp bei në tiim gup ëbɛ̈n, ku jɔ mïth ke enap ciëën lɔ̈ɔ̈k tɛ̈t bei në tim guöp aya.

Jeremia 44:14

Acïn raan töŋ de Juda cï döŋ cï lɔ Rip bïï lɔ ceŋ ëtɛ̈ɛ̈n bï ban ku nɔn bïï pïïr. Acïn raan töŋ bï rɔt pɔ̈k Juda ë keyiic, të kɔɔrkï bïk bɛ lɔ ceŋ thïn. Acïn raan töŋ bï rɔt puk, ee kɔc liaakäŋ cï kat tei.”

Jeremia 5:10

Yɛn bï kɔc ke ater tooc bïk tim de enap de kɔckï lɔ yɛp piny, ku acïkï keek bïï riɔ̈ɔ̈k taitai. Abä keek yɔ̈ɔ̈k bïk kër tɛm nïïm wei, në cïï ee kërkë ee kakï.

Edhekiɛl 6:8

“Yɛn bï kɔc kɔ̈k tɔ kual röt në tem bïï ke tɛm röt, ku abïk thiëi në juöör yiic,

Ɣodh 1:10

Acïï Nhialic lɛ̈k kɔc ke Yithriɛl ënɔɔnë an, “Wek cie kɔckï, ku abï bɛ lɛ̈k keek wadäŋ an, “Wek ee mïth ke Nhialic Pïïr. Ka kɔc ke Yithriɛl abïk bɛ juëc arëët, abïk ciët liɛɛt de wɛ̈ɛ̈r yɔu. Ka acï keek bï ya lëu në kuɛ̈n, ku cïï keek lëu në thëm.”

Jowɛl 2:32

Ku ëtɛ̈ɛ̈n, raan ëbɛ̈n, raan ee Bɛ̈nydït cɔɔl rin, abï kony wëi. Në biäk bï yen dɛ kuny de wëi në kuur ë Dhiɔn nɔm, ku Jeruthalem, cït man cïï Bɛ̈nydït ye lueel an, “Kɔc kɔ̈k abïk poth ë Jeruthalem, kɔc cä ke lɔc abïk pïïr.