Romai 9:20 - JAM DE NHIALIC 2011

²⁰ Ku yïn ŋadï, yee ŋa raan bëër Nhialic thok? Kë cï cuëëc bï raan ë cuëc en yɔ̈ɔ̈k, Eeŋö ee yïn a looi aya?”

Romai 9:20 ပူးပေါင်းရင်းမြစ်များ

2 Tham 16:10

Go ë melik puɔ̈k nɔm Abicai kekë mänhë Jowap an, “Acïn këdun yic thïn në yen, wɛ̈ɛ̈t ke Dheruia. Na cieen ɛn në biäk cïï Bɛ̈nydït ye yɔ̈ɔ̈k, eeŋa duëër yen thiëëc?”

Jop 16:3

Bï wëlkuön cïn naamden put cït yom bïk kɔ̈ɔ̈th tɛɛm nɛn? Eeŋö tɔ yï bëër athok aya?

Jop 33:13

Eeŋö yïn Nhialic gaany an, cïï ka gɔɔnyë mɛnh ë raan En ee bɛ̈ɛ̈r?

Jop 36:23

Acïn raan duëër Nhialic lɛ̈k ke bïï looi, ku nɔn gɛɛny në kërɛɛc cï looi.

Jop 40:5

Yɛn cï kajuëc cä ke duëër lueel, guɔ lueel.

Jop 40:8

Yïn athem bä nyooth nɔn ciën Ɛn yic, ku tääuwë awäc në Ya yeth, ku jɔ aa raan cïn kë cï wööc?

Jop 9:32

Në luɔi cïï Yen ee raan cït man ë yɛn, adï cä yɔ̈ɔ̈k buk lɔ në gööny nɔm ëtök.

Yith 10:15

Ku aye Bɛ̈nydït lueel an, “Duëër yiëp yenɔm lɛc an dïït në raan ee yep ë yen? Ku duëër yiëp dɛ naamde në raan ee luui në yen? Thieec acïï raan ee jat nhial, ee raan yen ee thieec jat nhial.”

Yith 29:16

Acïk këriëëc ëbɛ̈n, luööŋ nɔm piny. Ee kënou de naamde ee raan ee töny cuëëc ku ee tiɔp? Duëër kën ë looi raan lɛ̈k raan ë loi yen an, “Acie yïn ë loi yɛn?” Ku nɔn lɛ̈k en an, “Yïn kuc kë loi?”

Yith 64:8

Ku yïn ee wääda, Bɛ̈nydït. Wok cït tiɔp tei ku yïn ee cuëny de töny. Ee yïn aa cak wook,

Jeremia 18:6

“Ciën nɔm yic duëër Yɛn lui wo week, baai de Yithriɛl, cït man ë kë ye raan ee töny cuëëc luöi tiɔp? Baai de Yithriɛl, wek nu ë yacin, cït man ye tiɔp nu në raan ee töny cuëëc cin.

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Math 20:15

Kënë päl ɛn nɔn bän kë nu ë yapiɔ̈u looi në kakï? Ku cï tiɛɛl yï dɔm, në baŋ de piath ë yɛn piɔ̈u?”’

Luk 12:14

Go lueel an, “Ŋadï, eeŋa cï a tɔ ye bɛ̈nyduön ë luk ku ya bɛ̈ny ee week tɛ̈k käŋ?”

Romai 14:4

Ee yïn ŋa, yïn raan ee lïm de raan däŋ gɔ̈k? Kɔ̈ɔ̈c kɛ̈ɛ̈c en, ku wïïk wïïk en, ee këde bɛ̈nyde guöp etök. Yeka, ku abï mɔ̈k nhial, Nhialic ade riɛl bï en tɔ kääc.

Romai 2:1

Yen ënɔɔnë, yïn ŋadï, yïn raan jäny raan däŋ, yïn cïn të bï yïn rɔt kɔ̈c, jäny jiëëny yïn raan däŋ, yen a jiëëny yïn rɔt, yïn raan jäny raan däŋ, yïn ee käŋ looi kamankë gup.

Romai 2:3

Ku yïn ŋadï, yïn raan ee kɔc jɔ̈ɔ̈ny, kɔc ë ka cït ee kakë looi, ku ye kamankë looi gup, ye lueel ë yïpiɔ̈u, an, bä poth ë jäny bï Nhialic yï jɔ̈ɔ̈ny?

Romai 9:21

Ku cuëny ë töny, cïï cath ke riɛl bï en töny cuëëc kaarou në tiɔɔm töŋë, ee tööny tök këde dhuëëŋ, ku cïï tööny tök ee këde dhuëëŋ?

Romai 9:22

Ku na Nhialic, të de yen piɔ̈u luɔi bï en agönhde nyuɔɔth, ku tɔ riɛlde ŋic, eeŋö däŋ, acakaa yen ë cï töny ke agɔ̈th guum në liɛɛr dïït ë yenpiɔ̈u, kek töny cï röŋ në riääk bï ke riɔ̈ɔ̈k,

1 Kor 1:20

Raan pelnɔm akou? Raan ee löŋ gɔ̈ɔ̈r akou? Raan ŋic wël teet nu nou, raan ë pinyë nɔm? Pɛlënɔm ë kɔc ke pinyë nɔm kënë Nhialic tɔ ye këɣɔ̈ric?

1 Kor 7:16

Ku ŋic wudï, yïn tik, nɔn bï yïn monydu kony? Ayï yïn, yïn moc, ŋic wudï nɔn bï yïn tiiŋdu kony?

1 Tim 6:5

ku bïï lööŋ ɣäär yiic lööŋ ke kɔc cï piɔ̈ɔ̈th riääk, kɔc cïn yic cath ke keek, kɔc ee ye lueel an, Riëëu ee raan Nhialic riëëu ee kueer bï kake ŋuak nyïïn: ratë rɔt wei ë kɔc cït ee kakë lɔ̈m.

2Tim 2:20

Ku ɣöndïït ë bɛ̈ny adeyic töny ee käŋ muk, ku acïkï ee kak ë cuëc ë adhääp ku ateek kapäc, ku adeyic kak ë cuëc ë tim, ku tiɔp ayadäŋ, ku kɔ̈k ee ka ke dhuëëŋ, ku kɔ̈k acïkï ee ka ke dhuëëŋ.

Tito 2:9

Ku yöök lïïm an, bïk rëër ë bänyken cök, bänyken gup, agokï ke tɔ mit piɔ̈ɔ̈th ë këriëëcic ëbɛ̈n, ku cïkï löŋ ë bɛ̈ɛ̈r,

Jakop 2:20

Ku yïn, yïn raan ɣɔ̈ric, de yïpiɔ̈u luɔi bï yïn cöökë ŋic an, Gäm cïn luɔi cath kekë yen ë thou?