Romai 9:16 - JAM DE NHIALIC 2011

¹⁶ Yen ka, acie jam de raan kɔɔr këdäŋ arëët, ku acie jam de raan lui arëët, ee jam de Nhialic, Raan cath kekë kokdepiɔ̈u.

Romai 9:16 ပူးပေါင်းရင်းမြစ်များ

Diɛt 110:3

Kööl le yïn thɔ̈ɔ̈r we kɔc ke aterdu, kɔcku abïk mɛt tɔŋ. Cït man ë thäny ee bɛ̈n miäk rial, dhuökku abïk bɛ̈n tëde yïn ë kuurduön ɣeric nɔm.

Yith 65:1

Go Bɛ̈nydït lueel an, “Yɛn aa cï rɔt guiir bä lɔ̈ŋ de kɔckï puk nɔm, ku akënkï lɔ̈ŋ. Yɛn aa cï rɔt guiir në biäk bïk a yök, ku akënkï cak bɛ̈n them. Jur akën a lɔ̈ŋ, cakaa nɔn ee Yɛn tɔ̈u ke ya cï rɔt guiir bä këden puk nɔm an, “Yakï, wek bä kony.

Math 11:27

Käŋ kedhie acï Wäär ke tääu ë yacin, ku acïn raan ŋic Wënde, ee Wäär etök, ayï Wäär acïn raan ŋic en, ee Wënde etök, ku raan nu ë Wënde piɔ̈u nɔn bï en ë nyuöth en.

Math 4:8

Go jɔŋdït rac lɛɛr ë kuurdït nɔm, kuurdïït cï nɔm ɣet ya, ku nyuth ciɛɛŋ ke piny nɔm ëbɛ̈n kekë dhuëëŋden,

Luk 10:21

Ku në thaar manë guöp ke Yecu jɔ piɔ̈u miɛt në Wëidït, ku lueel an, “Yïn lɛɛc, Wäär Bɛ̈nydït de Paannhial, në luɔi cïn kakë mɔ̈ny kɔc pel ku kɔc de nïïm, ku jɔ keek nyuöth mïththii ateteet: ee yen, Wäär, en acï guɔ miɛt ë yïpiɔ̈u.

Jɔn 3:8

Yom ee pɔ̈t tëde piɔ̈nde, ku yïn ee awööude piŋ, ku kuc të bï yen thïn, ayï të le yen thïn: raan ëbɛ̈n raan cï dhiëëth ë Wëi yen acït en.”

Romai 9:11

ku të ŋootë mïthke ke ke kënë guɔ dhiëëth, ku acïn kë cïk looi ayï këpiɛth ayï kërac, luɔi bï löŋ cïï Nhialic lueel ë yepiɔ̈u në këde lɔ̈ny de kɔc, luɔi bï en tɔ̈u tëde, ku acie në këde kë cïï raan tök looi, ee jam ë Raan ë kɔc cɔɔl,

Galatai 2:2

Ku yɛn ë lɔ në këde nyuuth cï a nyuööth, aguɔ wëlpiɛth lueel ë kenïïm wëlpiɛth aa cool ë guiɛɛr ɛn keek ë Juöör yiic, luɛɛl ë kɔc de naamden nïïm kapäc të cïn kɔc, nɔn bï en yiɛ̈n aa ɣɔ̈ric, yen kë luɔɔi, ayï ka cä looi ɣɔn nɔn ee kek ɣäär yiic ayadäŋ.

Epethiei 2:8

Ee dhuëëŋdepiɔ̈u en acï week kony wëi, në gäm, ku acïï bɔ̈ tëde week: ee miɔ̈c de Nhialic:

Pilipoi 2:13

ee Nhialic yen ee Raan ee luui ë weyiic bäk käŋ aa kɔɔr ku yak ke looi ayadäŋ, ka cït ka nu ë yepiɔ̈u.

Jakop 1:18

Në löŋ cï lueel ë yepiɔ̈u en aa dhiëëth en wook në jam de yic, luɔi bï wok ciët ka cï kɔn luɔk, në ka cï cak kedhie.