Romai 9:11 - JAM DE NHIALIC 2011

¹¹ ku të ŋootë mïthke ke ke kënë guɔ dhiëëth, ku acïn kë cïk looi ayï këpiɛth ayï kërac, luɔi bï löŋ cïï Nhialic lueel ë yepiɔ̈u në këde lɔ̈ny de kɔc, luɔi bï en tɔ̈u tëde, ku acie në këde kë cïï raan tök looi, ee jam ë Raan ë kɔc cɔɔl,

Romai 9:11 ပူးပေါင်းရင်းမြစ်များ

Diɛt 51:5

Ee yic, yɛn cï karɛc looi, të ɣɔn dhiëëthë yɛn, yɛn ee karɛc looi, të ɣɔn yök ë maar ɛn.

Yith 14:24

Go Bɛ̈nydït de rɛm kuëëŋ an, “Kë cä kiëët abï rɔt looi. Kë cä dhel ë Yapiɔ̈u an luɔi abïï looi.

Yith 23:9

Aa kïït ë Bɛ̈nydït de rɛm. Aa kïït në luɔi bï yen lɛcden tɔ kääc në biäk de kë cïk looi, ku bïï kɔckɛn ye riëëu kuɔɔr piny

Jeremia 51:29

Piny alɛthï, ku ee rɔt nieeŋ në biäk looi ë Bɛ̈nydït guiɛɛrde, në baŋ bï yen Babilonia tɔ ee jɔ̈ɔ̈r, të cïn raan bï ceŋ thïn.

Romai 4:17

acït man cï e gɔ̈ɔ̈r, an, “Yïn cä tɔ ye wun juöör juëc.” Aye wäärda ë Nhialic nɔm, Raan cï gam, Raan ë kɔc cï thou tɔ pïïr, ku ye Raan ë ka liu tɔ cït ka nu.

Epethiei 2:3

Ku wook ayadäŋ wodhie, wok aaye mat në keek ɣɔn, në ŋɔ̈ɔ̈ŋ de ka ke guöp, ku wok aaye kak ë yok kɔɔr ë yäc looi, ayï kak ë yok tak ë wopiɔ̈ɔ̈th, agoku aa mïth ke agɔ̈th në ciɛɛŋ ë ciɛkë wo, cït man ë kɔc kɔ̈k.

Epethiei 2:9

acï bɔ̈ në luɔi ee raan looi, ka cïn raan duëër rɔt leec.

Epethiei 3:11

Yen löŋ cï lueel ë yenpiɔ̈u ɣɔn thɛɛr në këde Kërtho Yecu Bɛ̈nydandït.

1 Theth 1:4

Lönyduön cï Nhialic we lɔc aŋicku, wek mïthëkɔckuɔn nhiaar,

1 Theth 2:12

an, bäk ŋiëc rëër ë rëër ee röŋ ke Nhialic, Raan ë cɔl week ë ciɛɛŋde ku dhuëëŋde.

2Tim 1:9

Ee Nhialic en ë kony wo wëi, ago wo cɔɔl ë cɔ̈t ɣeric, acie këde luɔida, ee këde yenpiɔ̈u etök, ku në dhuëëŋ de yenpiɔ̈u, dhuëëŋ cï yiɛ̈n wook ë Kërtho Yecuyic ɣɔn thɛɛr ŋootë piny ke kënë cak,

Tito 3:5

ke jɔ wo kony wëi, ku acie në luɔi de këpiɛth cuk looi wogup, ee kok de yenpiɔ̈u en aa kony en wook, në wɛ̈k de dhiënh cï wo bɛ dhiëëth, ku në cäŋ cï Wëidït ɣer wo bɛ cak.

1 Pet 5:10

Ku ënɔɔnë, Nhialic de piɔ̈u dhuëëŋ ëbɛ̈n, Raan cï we cɔɔl në këde dhuëëŋdɛn ee tɔ̈u athɛɛr në Kërtho Yecu, miäk, të cä wek käŋ guɔ guum tëthiinakäŋ, ee we tɔ ye dikëdik yen guöp, ku tɔ we kääc, ku tɔ we ril, ku tɔ we lïk piny.

2 Pet 1:10

Yen aŋuɛ̈ɛ̈n ë luɔi bä wek cök ë kaar wek en nɔn bä wek cɔ̈t ë cɔɔlë week ku löny ë lɔcë week tɔ ye yic ëgɔk: na luɔikï kakë, ke we cïï bï kɔ̈th anandun.

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”