Romai 8:9 - JAM DE NHIALIC 2011

⁹ Ku week, wek cie tɔ̈u ë täu de guöp, ee täu de wëi yen täu wek, të rëërë Wëi ke Nhialic ë weyiic ëyic. Ku na de raan nu raan cïï cath ke Wëi ke Kërtho, ka cie këde.

Romai 8:9 ပူးပေါင်းရင်းမြစ်များ

Edhekiɛl 11:19

Abä ke gäm piɔ̈n cï piɛc looi, ku täŋ cï piɛc looi. Yɛn bï piɔ̈ɔ̈thkɛn ril ke kuur nyaai, ku gäm keek piɔ̈n de riëëu.

Luk 11:13

Ku të ŋiɛc wek mïthkun miɔɔc në kapiɛth, wek kɔc rac, na Wuöörduön nu paannhial cïï kɔc lip en bï dhil miɔɔc në Wëidït ɣer!”

Jɔn 14:17

yen aye Wëi yic: Raan cï duëërë dɔm ë kɔc ke piny nɔm, luɔi kën kek e tïŋ, ku cïkï ŋic aya: ku ŋiɛckï week, ee rëër ke week, ku abï nu ë weyiic.

Jɔn 14:23

Go Yecu bɛ̈ɛ̈r, yöök an, “Të nhiɛɛrë raan ɛn, ka bï wëlkï muk: go Wäär nhiaar, agoku bɛ̈n të nu yen, rëërku në yen ëtök.

Jɔn 3:34

Raan ë tuuc ë Nhialic ee wël ke Nhialic lueel: ku acïï ë Nhialic miɔɔc ë Wëi në thëm them en keek.

Jɔn 3:6

Kë cï dhiëëth në guöp ee guöp, ku ke cï dhiëëth ë Wëi ee wëi.

Luɔi 16:7

Na wën, aa cïk ɣet Muthia, ke ke them luɔi bï kek lɔ Bithunia, go Wëidït ke Yecu ke pëën.

Romai 7:5

Ku të wään rëër wok ë ka ke guöpic, ke ŋɔ̈ɔ̈ŋ ee wok ŋɔ̈ŋ ë kërac, kë ë bɔ̈ në löŋ, aaye luɔide looi ë ka ke wogup, bïk luɔk në këde thuɔɔu.

Romai 8:1

Yen ka, acïn gääk be nu ë kɔc yiëth kɔc nu ë Kërtho Yecuyic, kek kɔc cie tɔ̈u ë täu de guöp, ayek tɔ̈u ë täu de wëi.

Romai 8:11

Ku të rëërë Wëi ë weyiic, ke Wëi ke Raan wään cï Yecu jat nhial ë kɔc cï thou yiic, të rëër kek ë weyiic, ke Raan cï Kërtho jat nhial ë kɔc cï thou yiic, yen abï week tɔ pïïr gup gup de yiic thuɔɔu, në riɛl ë Wëikɛn ee rëër ë weyiic.

Romai 8:2

Ku löŋ de Wëi ke pïïr, löŋ nu ë Kërtho Yecuyic, acï a luöny bei në löŋ de kërac kekë thuɔɔu.

1 Kor 15:23

Ku raan ëbɛ̈n ŋɛk ke kööldɛn röŋ ke ye: Kërtho ee kë cï kɔn luɔk, miäk, ke kɔc ke Kërtho abïk röt lɔ̈ɔ̈k jɔt ëkööl bï en bɛ̈n.

1 Kor 3:16

Kuöckï wegup, nɔn aa wek luaŋdïït ë Nhialic, ku nɔn rëërë Wëidït ke Nhialic ë weyiic?

1 Kor 6:17

Ku raan cï mat kekë Bɛ̈nydït kek aye wëi tök.

1 Kor 6:19

Ku kuöckï guöpdun nɔn ee yen luaŋdïït ë Wëidït ɣer nu ë weyiic, Wëi cäk yök tëde Nhialic, ku wek cie cath ë naamdun?

2 Kor 10:7

Yak käŋ woi në këde tïc ee kek tïc biic? Na de raan ŋic rɔt nɔn ee yen këde Kërtho, ë be cöökë thɔ̈ɔ̈ŋ ë yepiɔ̈u aya an, Acït man ee yen këde Kërtho, yen aye wok aa ka ke Kërtho ayadäŋ.

2 Kor 6:16

Ayï luaŋ ë Nhialic bï jam mat kekë yiëth adï? Ku week, wek aye luaŋ ë Nhialic pïïr, acït man cï Nhialic e lueel an, “Yɛn bï rëër ë keyiic, ku cath ë keyiic, ku yɛn bï aa Nhialicden, ku kek abï aa kɔckï.”

Galatai 4:6

Ku luɔi aa wek wɛ̈ɛ̈tke, ke Nhialic jɔ Wëi ke Wënde tuɔɔc ë wepiɔ̈ɔ̈th, ke ke cöt an, “Abba, Wäär.”

Galatai 5:24

Ku kɔc wën ë ya kɔc ke Kërtho acïk guöp piäät ë tim cï rïïu nɔm kɔ̈u kekë kak ee guöp kɔɔr ëtök, ayï ŋɔ̈ɔ̈ŋ ë ye dɔm.

Epethiei 1:13

Ku ye raan cäk gam ayadäŋ week, të cä wek jam de yic piŋ, yen jam piɛth de kuny cï we kony wëi: ku week, të cä wek guɔ gam, ke we cï gäär piɔ̈ɔ̈th Wëidït ɣer, Wëi cï kɔn lueel an, bï gäm wook.

Epethiei 2:22

Ku week aya, we cï yiëk thïn ëtök bäk aa ɣön bï Nhialic cieŋ në Wëidïtke.

Epethiei 3:17

ke Kërtho bï rëër ë wepiɔ̈ɔ̈th në gäm gäm wek, ago meikun ku këërkëërdun ɣet piny ë nhiëëric,

Pilipoi 1:19

Në ŋïny ŋiɛc ɛn en nɔn bï kënë piath në këdï, ago ya kony në lɔ̈ŋduön aa wek lɔ̈ŋ, ku në miɔ̈c cï wo miɔɔc në Wëi ke Yecu Kërtho.

2Tim 1:14

Këpiɛth cï kuɛ̈i yïnë ye cök ë tiit yïn en në Wëidït ɣer, Wëi rëër ë woyiic.

1 Pet 1:11

Ayek cök ë kɔɔr kek en an, Ee köölou ku nɔn ee yen kööl cït ŋö, kööl cï Wëidït nu ë keyiic nyooth, ɣɔn lueel kek ka bïï Kërtho guum, ku dhuëëŋ bï bɛ̈n ë kecök, ke ke ŋoot wei.

1 Jɔn 3:24

Ku raan ë lööŋke döt, ka ye rëër ë yeyic, ku yen ë yeyic. Ku Wëidït cï gäm wook, yen aŋic wok en nɔn rëër en ë woyiic.

1 Jɔn 4:13

Ŋïny ŋic wok en nɔn rëër wok ë yeyic, ku nɔn rëër en ë woyiic, kï, miɔ̈c cï en wo miɔɔc në Wëike.

1 Jɔn 4:4

Wek ee kɔc ke Nhialic, wek mïththiaakäŋ, ku acäk ke tiaam: luɔi dïïtë Raan nu ë weyiic awär raan nu ë piny nɔm.

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.

Nyuuth 20:15

Ku na de raan cï yök akënë gɔ̈ɔ̈r ë awerek de pïïric, ke cuɛtë baar ë macic.