Romai 8:8 - JAM DE NHIALIC 2011

⁸ Yen ka, kɔc ee tɔ̈u ë täu de guöp acïkï Nhialic duëër tɔ mitpiɔ̈u.

Romai 8:8 ပူးပေါင်းရင်းမြစ်များ

Math 3:17

ku bɔ̈ röl paannhial, röl lueel en an, “Wëndiën nhiaar kï, ee kënë, wën miɛt ɛn piɔ̈u wo yen.”

Jɔn 3:3

Go Yecu puk nɔm an, “Yïn yɔ̈ɔ̈k ëyic an, të kënë raan bɛ dhiëëth, ka cïï ciɛɛŋ de Nhialic duëër tïŋ.”

Jɔn 8:29

Ku raan ë toc ɛn, yen arëër wok ëtök, Wäär akën a nyääŋ piny atök, luɔi aa yɛn cool ë loi kamit në yepiɔ̈u.”

Romai 1:21

ku të ciɛk kek Nhialic ŋic, ka cïkï ee riëëu ë riëëu ee Nhialic riëëu, ku cïkï ee leec, acïk aa kɔc ee ɣɔ̈ric tak ë kepiɔ̈ɔ̈th, ago piɔ̈ndɛn piɔl ago cuɔl ëcut.

Romai 7:5

Ku të wään rëër wok ë ka ke guöpic, ke ŋɔ̈ɔ̈ŋ ee wok ŋɔ̈ŋ ë kërac, kë ë bɔ̈ në löŋ, aaye luɔide looi ë ka ke wogup, bïk luɔk në këde thuɔɔu.

Romai 8:9

Ku week, wek cie tɔ̈u ë täu de guöp, ee täu de wëi yen täu wek, të rëërë Wëi ke Nhialic ë weyiic ëyic. Ku na de raan nu raan cïï cath ke Wëi ke Kërtho, ka cie këde.

1 Kor 7:32

Ku yɛn de piɔ̈u nɔn bä wek tɔ̈u ke we cie diɛɛr. Raan kën thiëëk ee diɛɛr ë ka ke Bɛ̈nydït, luɔi bï en Bɛ̈nydït tɔ mit piɔ̈u:

Pilipoi 4:18

Ku yɛn cath wo këriëëc ëbɛ̈n, ku yɛn cï bäny: yɛn ë kuɛth, yɛn ë käŋ yök tëde Epaprodito, kak ë bɔ̈ tëde week, ee awäu cï tumëtum, ee läm piɛth, läm ë Nhialic tɔ mit piɔ̈u.

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

Kolothai 3:20

Wek mïth, yak ka ke kɔc ë dhiëëth week piŋ ë këriëëcic ëbɛ̈n, kënë amit ë Nhialic piɔ̈u.

1 Theth 4:1

Cöök ciëën, wek mïthëkɔckuɔ, wek läŋku, ku lëkku week në Bɛ̈nydït Yecu an, Acït man cä wek jam yök tëde wook, jam de rëër bä wek dhil rëër, ke we bï Nhialic tɔ mit piɔ̈u, wek läŋku, ke rëërduön piɛth bï aa cool ë ŋuak e nyin.

Ɣeberuu 13:16

Ku duökï nïïm ee määr në luɔi de këpiɛth, thɛmkï bäk kakun aa rɔm në kɔc nuan, kënë ayadäŋ acït miɔ̈c cï gäm Nhialic, ku ee Yen tɔ mit piɔ̈u aläl.

1 Jɔn 3:22

Ku të de en kë lipku, ka yok yök tëde yen, luɔi ee wo lööŋke döt, ku yok kamit ë yepiɔ̈u looi.