Romai 8:6 - JAM DE NHIALIC 2011

⁶ Täŋ ee raan ka ke guöp tak yen aye thuɔɔu, ku täŋ ee raan ka ke Wëi tak yen aye pïïr ku ye mät.

Romai 8:6 ပူးပေါင်းရင်းမြစ်များ

Jɔn 14:27

“Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Jɔn 17:5

Ku ënɔɔnë, yïn Wäär, tɔ ya yök dhuëëŋ wokë yïn ëtök, në dhuëëŋ ɣɔn cath ke yɛn wokë yïn ëtök ɣɔn ŋootë piny ke liu.

Romai 13:14

Jakkï Bɛ̈nydït Yecu Kërtho cieŋ cït lupɔ, ku duökï ee diɛɛr në karɛc kɔɔr guöp.

Romai 14:17

Ciɛɛŋ de Nhialic acie cäm ku acie dëk, ee piathëpiɔ̈u, ku mät, ku piɔ̈nmit ë Wëidït ɣer yiic.

Romai 5:1

Ku ënɔɔnë, nɔn cï wo tɔ piɛthpiɔ̈ɔ̈th në gäm, wok cï mat ë Nhialic në Bɛ̈nydan Yecu Kërtho.

Romai 5:10

Të cï wo määt në Nhialic në thon cï Wënde thou, ke wo ŋoot ë wo ye kɔc de ater, na ënɔɔnë, nɔn cï wo guɔ määt, ke kuny bï ë wo kony në pïïr pïïr en, yen apiɔl awär ee kënë arëët.

Romai 6:21

Ee luɔk cït ŋö cäk guɔ yök wään ë kake yiic, ka ya wek gup yäär ë keek ënɔɔnë? Ee thuɔɔu yen ë thök bï kake thök.

Romai 6:23

Ariöp de kërac yen aye thuɔɔu, ku miɔ̈c de Nhialic yen aye pïïr athɛɛr në Bɛ̈nydan Yecu Kërtho.

Romai 7:11

Kërac acï kööldɛn piɛth jɔ yök në cöök de löŋ, go ya math, ago ya nɔ̈k ë ye.

Romai 7:5

Ku të wään rëër wok ë ka ke guöpic, ke ŋɔ̈ɔ̈ŋ ee wok ŋɔ̈ŋ ë kërac, kë ë bɔ̈ në löŋ, aaye luɔide looi ë ka ke wogup, bïk luɔk në këde thuɔɔu.

Romai 8:13

ku të ya wek ka ke guöp looi, ke we bï thou, ku të ya wek luɔi de guöp yiëkic thuɔɔu në riɛl ë Wëi, ke we bï pïïr.

Romai 8:27

Ku Raan ë kɔc woi piɔ̈ɔ̈th thïn ee piɔ̈n ë Wëidït ŋic, täu tɔ̈u en, luɔi ee yen lɔ̈ŋ në biäk de kɔc ɣerpiɔ̈ɔ̈th në këde piɔ̈n ë Nhialic.

Romai 8:7

Ë luɔi de yen ater kekë Nhialic, yen täŋ ee raan ka ke guöp tak, ku acïï këde löŋ de Nhialic ee piŋ, ku acie lëu ë pïŋ ayadäŋ.

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Galatai 6:8

Raan ee com në këde guöpde, ka bï këde guöp tem, en aye dhiap de käŋ, ku raan ee com në këde Wëi, abï këde Wëi tem, yen aye pïïr athɛɛr.