Romai 8:38 - JAM DE NHIALIC 2011

³⁸ Cöök ŋiɛc ë yapiɔ̈u arëët kï an, Thuɔɔu, ayï pïïr, ayï tuuc bɔ̈ nhial, ayï bäny, ayï riɛl, ayï ka ke ënɔɔnë, ayï ka bï nu wadäŋ,

Romai 8:38 ပူးပေါင်းရင်းမြစ်များ

Jɔn 10:28

aguɔ ke miɔɔc në pïïr athɛɛr, ku acïkï bï määr athɛɛr, ku acïn raan bï kek gɔ̈p bei ë yaciin.

Romai 14:7

Ku acïn raan tök në wook, raan pïïr ë këde etök, ku acïn raan thou ë këde etök.

Romai 14:8

Pïïr pïïr wok, ee këde Bɛ̈nydït en pïïr wok, ku thon thou wok, ee këde Bɛ̈nydït en thou wok, ayï të pïïr wok ayï të thou wok, wok ee kɔc ke Bɛ̈nydït.

Romai 4:21

Acï gam ëdhöc an, kë cï kɔn lueel, en Nhialic, abï lëu në luɔi.

Romai 6:23

Ariöp de kërac yen aye thuɔɔu, ku miɔ̈c de Nhialic yen aye pïïr athɛɛr në Bɛ̈nydan Yecu Kërtho.

1 Kor 15:24

Ku jɔ thök ë käŋ bɛ̈n, të cï en ciɛɛŋ de piny tääu ë Nhialic Wun cin, kööl cï en ciɛɛŋ tɔ cïn naamde ëbɛ̈n, ayï bɛ̈ɛ̈ny ëbɛ̈n, ayï riɛl ëbɛ̈n.

2 Kor 11:14

Ku acie kake gäi en ee kënë! Catan guöp ee rɔt puk tɔ rɔt ë tuny ë ɣɛɛrëpiny tunynhial!

2 Kor 4:13

Ku wo cath wo wël töŋë wël ke gäm, acït man ee këcïgɔ̈ɔ̈r ye lueel an, “Acä gam, en aa jam ɛn.” Ayï wook ayadäŋ, wok gäm, ku yen aa jiɛɛm wok.

Epethiei 1:21

Tënhial ya, acï miriic kɔ̈k wöör kedhie aläldït, ayï ciɛɛŋ, ayï riɛl, ayï bɛ̈ɛ̈ny, ayï rin cï cak kedhie, acie piny ënɔɔnë tei, ee piny bï bɛ̈n aya, acï ke wöör kedhie.

Kolothai 1:16

Käŋ acï ke cak ë yeyic kedhie, ka nu paannhial ayï ka nu ë piny nɔm, ka duëërë tïŋ ku ka cïï duëërë tïŋ, nɔn ee kek riɛl de meliik, ku nɔn ee kek bäny ceŋ piny, ku nɔn ee kek ciɛɛŋ, ku nɔn ee kek riɛl, käŋ aake cak në yen kedhie, ku aake cak në këde.

Kolothai 2:15

Ɣɔn cï en bäny yak ayï riɛl, tɔ ke ë ka bï kɔc woi, ago keek thel në tiëm cï en ke tiaam ë yen.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

Ɣeberuu 11:13

Ku kek ë kɔckë aake ŋoot ë gämic, gäm de yic aŋäth ɣɔn thou kek. Cakaa nɔn kën kek kë cï kɔn lɛ̈k keek yök, ke keek amitkï piɔ̈ɔ̈th në luɔi ëye kek ee kakë tïŋ tëmec në nyin ë gäm. Ku gamkï luɔi ë ye kek kamaan lɛɛn ë këny ee pinyë nɔm.

1 Pet 3:22

raan cï lɔ paannhial, ku ye tɔ̈u ë ciin cuëëny de Nhialic, ku tuucnhial ku bäny ku riɛl acï ke tɔ piŋ këde.