Romai 8:32 - JAM DE NHIALIC 2011

³² Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

Romai 8:32 ပူးပေါင်းရင်းမြစ်များ

Cäk 22:12

Go tunynhial lɛ̈k en an, “Du meth jak, ku du de kë luɔiyë yen. Acä ŋic ëgɔk ënɔɔnë, nɔn ee yïn Nhialic riëëu, në luɔi kën yïn wënduön töŋë pɛ̈n Bɛ̈nydït.”

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Yith 53:10

Aye Bɛ̈nydït lueel an, “Aa ye këdï piɔ̈ndï yen aa tɔ yen guöm, thonde aaye miɔ̈c näk bï päl de awɛ̈ɛ̈c bɛ̈ɛ̈i. Ka yen abïï kuatde tïŋ, abï pïïr ë run juëc aläl, ku në kueerde këdiën kaar abï tiam.

Math 3:17

ku bɔ̈ röl paannhial, röl lueel en an, “Wëndiën nhiaar kï, ee kënë, wën miɛt ɛn piɔ̈u wo yen.”

Math 7:11

Ku të ŋiɛc wek mïthkun miɔɔc ë kapiɛth, ku wek rac, ku na wuöörduön nu paannhial cïï kɔc lip en bï miɔɔc në kapiɛth awär week arëët?

Jɔn 3:16

Nhialic ë piny nɔm nhiaar aläl, arëk abï miɔɔc ë Wëndɛn cï dhiëëth etök, ke raan gam en cïï bï määr, raan ëbɛ̈n, ku bï dɛ pïïr athɛɛr.

Romai 11:21

Ku të kën Nhialic këër thɛɛr ke tim pɔ̈l, ke ye rɔt tiit, ke yï cïï bï pɔ̈l ayadäŋ.

Romai 4:25

yen Yecu, raan cï rɔt gäm thuɔɔu në këde awäny cuk wööc, ku be yë jat nhial ke bï wo tɔ piɛthpiɔ̈ɔ̈th.

Romai 6:23

Ariöp de kërac yen aye thuɔɔu, ku miɔ̈c de Nhialic yen aye pïïr athɛɛr në Bɛ̈nydan Yecu Kërtho.

Romai 8:28

Cöök ŋicku kï, an, Këriëëc ëbɛ̈n ee mat ëtök, bï kɔc nhiaar Nhialic bɛ̈n luöi këpiɛth, kɔc cï cɔɔl ë këde piɔ̈nde.

1 Kor 2:12

Ku wok aa cïï gɛ̈më wëi ke piny nɔm, ee wëi ë bɔ̈ tëde Nhialic kek aa gɛ̈më wook, luɔi bï wo käŋ ŋic ka cïï Nhialic gäm wook ëdhuëëŋ.

2 Kor 4:15

Ku käŋ kedhie atɔ̈ukï në biäkdun, ke dhuëëŋdepiɔ̈u bï rɔt ŋuak në kɔc juëc në luɛl cï kɔc juëc thieithieei lueel, ke Nhialic bï dhuëëŋ yök.

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

2 Kor 6:10

acït kɔc ë dhiau, ku wo ye piɔ̈ɔ̈th miɛt ananda, acït kɔc kuanynyïïn, ku wo ye kɔc juëc tɔ kueth, acït kɔc cïn nïïm kaken, ku wo de nïïm käŋ kedhie.

1 Jɔn 4:10

Nhiëër kï ee kënë, acie luɔi ë nhiɛɛr wo Nhialic, ee luɔi nhiɛɛr en wook, ago Wënde tuööc abï aa kë bï Nhialic luk në karɛc cuk looi.

Nyuuth 21:7

Raan ë tiam abï käŋ lɔ̈ɔ̈k lak kedhie, ku yɛn bï aa Nhialicde, ku abï aa wëndï.