Romai 8:26 - JAM DE NHIALIC 2011

²⁶ Ku Wëidït ee wo kony aya në kɔ̈c kɔ̈ɔ̈c wok, lɔ̈ŋ bï wok lɔ̈ŋ apiɛth akucku, ku Wëidït guöp yen aye lɔ̈ŋ në biäkda në keŋ cïï duëërë lueel.

Romai 8:26 ပူးပေါင်းရင်းမြစ်များ

Jop 37:19

Wɛ̈ɛ̈të wook në kë buk lɔ lɛ̈k Nhialic, wok ee dhän cïn kë ŋicku buk lueel.

Diɛt 10:17

Yïn bï lɔ̈ŋ de kɔc cï miɛn aa piŋ Bɛ̈nydït, ku abä keek riit piɔ̈ɔ̈th.

Diɛt 102:20

Acï teer de kɔc cï mac piŋ go kɔc gäm nɔm lääu kɔc cï guiir an bïï ke nɔ̈k.

Diɛt 102:5

Ku ja teer ë röldït, acïn kë cï döŋ ë biöök yen cï nuɛt ë yom kɔ̈ɔ̈th.

Diɛt 6:3

ku wëikï ëbɛ̈n acïk nuan arëët. Bä ya jɔ kony nɛn Bɛ̈nydït?

Diɛt 6:9

Ë dhiëndiën kaar ɛn kuɔɔny piŋ ku puk lɔ̈ŋdï nɔm.

Diɛt 69:3

Yɛn cï bäp në cɔ̈t kaar en kuɔɔny, ka röldï arem. Nyïïnkï acïk tuööp, ke ya kɔɔr kuɔɔny tëde Nhialic.

Dhiëëu 3:56

Ku wën cän Yïn lɔ̈ŋ bä lɔ̈ŋdï piŋ, acï bɛ̈n piŋ.

Dhek 12:10

“Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.

Math 10:20

Ku acie week ee jam, ee wëi ke Wuöördun kek ee jam ë wegup.

Math 20:22

Go bɛ̈ɛ̈r an, “Wek kuc ke liɛpkï. Duɛ̈ɛ̈rkï dek lëu ë bïny bän dek ë ye, ku duɛ̈ɛ̈rkï baptith lëu baptinh bï a baptith?” Gokï bɛ̈ɛ̈r an, “Aduëërku lëu.”

Luk 22:44

Na wën, aacï piɔ̈u jiɛth arëët, ke jɔ lɔ̈ŋ arëët awär man awën: arëk abï tunyde aa thuat cït man ë rim dït kɔ̈ɔ̈th ke ke lööny piny.

Jɔn 14:16

Ku yɛn bï Wääda lip, ka bï we gäm Raan däŋ Raan ee kɔc riit piɔ̈ɔ̈th, bï aa rëër ke week athɛɛr,

Romai 15:1

Wok kɔc ril, wo bï kɔc dhil aa muk në kɔ̈c kɔ̈ɔ̈c kek, ku cuku ee luui në këde piɔ̈nda.

Romai 7:24

Amawoou yɛn kuany nyin oou! Eeŋa bï a luäk bei në guöp cath ke thuɔɔuwëyic?

Romai 8:15

Wek kënë bɛ gäm piɔ̈n ë lïïm, piɔ̈n ë riɔ̈ɔ̈c, wek cï gäm piɔ̈n ë mïth cï muk, piɔ̈n ë wo tɔ cöt an, “Abba! Wääda!’

2 Kor 5:2

Ku wo ye kïm ë ɣön nu wo thïnë yic, ku yok kɔɔr aläl luɔi bï wo ɣönda cieŋ cït man ë lupɔ, ɣöndan bɔ̈ tënhial:

2 Kor 5:4

Ku wok kɔc ë tɔ̈u ë paany yic ënɔɔnë, wo ye kïm ëyic, ku yok duɔɔny, ku acie rëër bï wo rëër ke wo cïn kɔ̈ɔ̈th lupɔɔ en kɔɔrku, wo kɔɔr luɔi bï wo kɔ̈ɔ̈th dɛ lupɔɔ, ago këdan kɔɔr thuɔɔu, ago liek ë pïïr.

Galatai 4:6

Ku luɔi aa wek wɛ̈ɛ̈tke, ke Nhialic jɔ Wëi ke Wënde tuɔɔc ë wepiɔ̈ɔ̈th, ke ke cöt an, “Abba, Wäär.”

Epethiei 2:18

ku në yen, wook waarou wo duëër röt cuöt Wääda në Wëi tök.

Epethiei 6:18

Ku yak cool ë lɔ̈ŋ ë aköölnyïïn kedhie në lɔ̈ŋ ëbɛ̈n ku pal ë Wëi yiic, ku yak cök ë tiɛɛt wek röt ë keyiic, në ŋäŋ aa wek wenïïm ŋak arëët ku pal aa wek pal në biäk de kɔc ɣerpiɔ̈ɔ̈th kedhie.

Ɣeberuu 4:15

Yecu, Bɛ̈nydan dïït ë kake Nhialic, aŋic täu de kɔ̈c kɔ̈c wok, në baŋ ɣɔn cï Ye kɔn them në thëm kithic cït man ye wo cool ë themë wook, ku Yen akën kërac kɔn looi!

Ɣeberuu 5:2

Në biäk kɔ̈c en, yen aye yen piɔ̈u liɛɛr kekë kɔc kuc käŋ ku yek käŋ wööc.

Jakop 4:3

We ye lip, ku cäkï käŋ ee yök, në lip aa wek kuöc lip, ee kë bä wek käŋ aa thiäi wei ë kamit kaarkï, en aa yak lip.