Romai 8:25 - JAM DE NHIALIC 2011

²⁵ Ku na ŋäthku ka kënku tïŋ, yen abuk aa tiit në piɔ̈n lir.

Romai 8:25 ပူးပေါင်းရင်းမြစ်များ

Cäk 49:18

“Yɛn tit kuɔɔnydu Bɛ̈nydït.

Diɛt 27:14

Tit kuɔɔny de Bɛ̈nydït. Rit yïpiɔ̈u ku tɔ rɔt ril, ku tit kuɔɔny de Bɛ̈nydït.

Diɛt 62:1

Ee Nhialic Yen atiɛɛt bïï yɛn kony, ee Yen ŋääth Yetök

Yith 25:9

Të le yen rɔt looi, abï raan ëbɛ̈n aa lueel an, “Yen ee Nhialicda! Wo cï aŋäthda tääu ë Yeguöp, ku ë wo luök. Yen ee Bɛ̈nydït! Wok cï aŋäthda tääu në Ye guöp, ku ënɔɔnë wok mit piɔ̈ɔ̈th ku yok dɔl në luɔi cï Yen wo kony.”

Yith 26:8

Wok ee këde piɔ̈ndu kuany cök ku tɛ̈ɛ̈uku aŋäthda në yïguöp, ee Yïn yok kɔɔr në wopiɔ̈ɔ̈th ëbɛ̈n.

Luk 21:19

We bï wëikun yök në guöm aa wek käŋ ŋiëc guum.

Luk 8:15

Ku ka nu ë tiɔɔm piɛthic ayek kɔc cï jam piŋ, ku jɔkï muk në piɔ̈n yic ku piɛth, agokï luɔk në rum ee kek kepiɔ̈ɔ̈th rom.

Romai 12:12

Yak piɔ̈ɔ̈th miɛt ë aŋäth ŋäthkï, yak këril dhal week guum, yak lɔ̈ŋ cök ë giët wek en.

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

Romai 8:23

Ku acie keek kapäc, ee wook aya, wok kɔc cath në Wëi, biäk cï kɔn gäm wook, wok gup, wok ee keŋ ë woyiic, wok ee muŋ bï wo muk tiit, yen aye wɛ̈ɛ̈r bï wo wɛ̈ɛ̈r gup bei.

Kolothai 1:11

Yak riɛl ë riɛl ëbɛ̈n, në riɛldïït ë dhuëëŋde, bäk käŋ ŋiëc guum ëbɛ̈n, në liɛɛr ë wopiɔ̈ɔ̈th ku në miɛtëpiɔ̈u,

1 Theth 1:3

Luɔiduön ë gäm ayok tak acïn pëk, ku takku luɔiduön ë nhiëër, ku aŋäth aa wek Bɛ̈nydït Yecu Kërtho ŋɔ̈ɔ̈th në liɛɛr ë wekpiɔ̈ɔ̈th ë Nhialic Wääda nɔm.

2 Theth 3:5

Ë Bɛ̈nydït ë ye we dak piɔ̈ɔ̈th ë nhiëër ë Nhialicic, ku dɔk wepiɔ̈ɔ̈th ë liɛɛric liɛɛr ë Kërtho piɔ̈u.

Ɣeberuu 10:36

Yak wepiɔ̈ɔ̈th muk, aguɔkï këde piɔ̈n ë Nhialic aa looi ku bäk ka cï kɔn lɛ̈k week yök.

Ɣeberuu 6:12

Acuku kɔɔr luɔi bä wek aa adaakröt, akɔɔrku bäk ciët kɔc cï gam, ku yek tïït ku gumkï aɣet të bï Nhialic ke gäm kë cï thɔ̈n keek.

Ɣeberuu 6:15

Abraɣam acï bɛ̈n gum ke tït ë piɔ̈n lir aɣet të bï yen kë cï thɔ̈n en bɛ̈n ŋoot ke yök.

Nyuuth 1:9

Yɛn Jɔn, mɛnhkënëdun, ku ya raan ee mat wokë week ëtök në këtuc ë wo dhal, ku yok mat ëtök aya në ciɛɛŋ de Yecu Kërtho ku në liɛɛr ë yenpiɔ̈u, yɛn aa nu tuur cɔl Patmo, në baŋ de jam ë Nhialic ku në luɔi aa yɛn cäätɔ në këde Yecu Kërtho.

Nyuuth 13:10

Raan ë kɔc peec tɔŋ, ka bï peec tɔŋ aya: ku raan ë kɔc nɔ̈k ë abätäu ke bï dhil nɔ̈k ë abätäu aya. Ruöt ee kɔc ɣerpiɔ̈ɔ̈th kepiɔ̈ɔ̈th ruut kï, ku gäm ee kek gam kï.”

Nyuuth 14:12

Ruöt ee kɔc ɣerpiɔ̈ɔ̈th kepiɔ̈ɔ̈th ruut kï, kɔc ee lööŋ ke Nhialic döt, ku dötkï gäm cï kek Yecu gam.