Romai 8:24 - JAM DE NHIALIC 2011

²⁴ Wo cï kony wëi në aŋäth ŋäthku. Ku kë cï raan tïŋ acie tɔ ye aŋäth. Kë cï raan tïŋ eeŋö duëërë ye bɛ ŋɔ̈ɔ̈th?

Romai 8:24 ပူးပေါင်းရင်းမြစ်များ

Diɛt 146:5

Thieithieei në kɔc ye konyden Nhialic de Jakop, kɔc tɔ̈u ë aŋäthden në Bɛ̈nydït Nhialinyden yic,

Diɛt 33:18

Tiëŋkï, nyïïn ke Bɛ̈nydït atɔ̈ukï në kɔc ee ye riëëu gup, kɔc ee nhiëërdɛn agɔk ŋɔ̈ɔ̈th.

Diɛt 33:22

Ye wo nyuöth nhiëërduön agɔk Bɛ̈nydït, të cï wok yï ŋɔ̈ɔ̈th.

Kɛ̈ŋ 14:32

Luɔi rac ee kɔc ee karɛc looi wit, ku yök raan piɛth piɔ̈u gëlgël të ciɛk en thou.

Jeremia 17:7

“Ku Yɛn bï kɔc ee Yɛn ŋɔ̈ɔ̈th thieei.

Dhek 9:12

Puɔ̈kkï röt pinydun wek kɔc ë cï peec, wek cï dɛ aŋäth ënɔɔnë, acä teem ë köölë nɔn bän we puɔ̈k nïïm ka mat kakun yiic raan rou.

Romai 12:12

Yak piɔ̈ɔ̈th miɛt ë aŋäth ŋäthkï, yak këril dhal week guum, yak lɔ̈ŋ cök ë giët wek en.

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Romai 15:4

Ku ka cï gɔ̈ɔ̈r ɣɔn thɛɛr kedhie aake gäär ë wëët bï wo wëët, ke wo bï dɛ aŋäth ŋäthku në guömdekäŋ ayï muŋdepiɔ̈u kak ë bïïyë kacïgɔ̈ɔ̈r.

Romai 4:18

Yen Abraɣam, raan wään cï gam në aŋäth ŋɛ̈ɛ̈th, ku kë ë ŋɛ̈ɛ̈th aliu, luɔi bï en aa wun juöör juëc, acït man ë kë cï lueel an, “Käudu, abïk juëc cï kuɛl.”

Romai 5:2

Raan cï wo liëp kueer le wook ë dhuëëŋic dhuëëŋ tɔ̈u wok thïn ënɔɔnë, në gäm cï wok gam, agoku piɔ̈ɔ̈th miɛt në ŋäth ŋɛ̈ɛ̈th wok dhuëëŋ de Nhialic.

Romai 8:20

Ku ka cï cak ëbɛ̈n acï ke tääu ë ɣɔ̈ric cök, acie këde piɔ̈nden etök, ku ë këde piɔ̈n ë Raan ɣɔn tɛ̈ɛ̈u keek ë käŋ cök, në ŋäth bï kek e ŋɔ̈ɔ̈th,

1 Kor 13:13

Ku ënɔɔnë adɔ̈ŋ gäm, ku aŋäth, ku nhiëër, kake kedhie, ku kë dïït ë kake yiic ee nhiëër.

2 Kor 4:18

Në luɔi cïï wok ka cï tïŋ ee tak, ee ka kënë tïŋ kek ayok tak: ka cï tïŋ ayek ka ke aköölkë tei, ku ka kënë tïŋ ayek tɔ̈u thɛɛr.

2 Kor 5:7

(Ee gäm en aye wo rëër acie daai).

Galatai 5:5

Ku wook, aŋäth ë piathëpiɔ̈u wën bɔ̈ në gäm en ayok tiit në Wëidït.

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

Kolothai 1:5

në biäk de aŋäth cï kuɛ̈t week paannhial. Ku aŋäthë acäk wek këde kɔn piŋ ɣɔn piɛŋ wek ke yiic,

1 Theth 5:8

Ku wook, wok kɔc ke aköl, yok nïïm piath, abuk wëu pät yiic ee yɔu gël aa cieŋ, wëu ke gäm ku nhiëër, ku në baŋ de akup de aŋäth ku kunydewëi.

2 Theth 2:16

Ku ënɔɔnë, Bɛ̈nydan Yecu Kërtho guöp, ku Nhialic Wääda, Raan cï wo nhiaar, Raan cï wo gäm muŋdepiɔ̈u bï ɣet athɛɛr, ku gɛm aŋäth piɛth në dhuëëŋ de yenpiɔ̈u,

Tito 3:7

luɔi bï wo tɔ piɛthpiɔ̈ɔ̈th në dhuëëŋ de yenpiɔ̈u, ago wo tɔ ye kɔc bï käŋ lɔ̈ɔ̈k lak në aŋäth ŋɛ̈ɛ̈th wok pïïr athɛɛr.

Ɣeberuu 11:1

Gäm de yic aŋäth ë tiët ë kë bï rɔt dhil looi, ku nɔ̈m de kë kën ë kɔn tïŋ aye yic.

1 Pet 1:21

wek kɔc cï Nhialic gam në yen, Nhialic wään jɔt en nhial ë kɔc cï thou yiic, ku jɔ gäm dhuëëŋ, ke gämdun ku aŋäthdun ke ke bï aa tɔ̈u ë Nhialic.

1 Pet 1:3

Thieithieei Nhialic Wun Bɛ̈nydan Yecu Kërtho, Raan ë be wo tɔ dhiëth në kok kook en piɔ̈u arëët, ku yïn wook aŋäth pïïr në jön cï Yecu Kërtho rɔt jɔt ë kɔc cï thou yiic,

1 Jɔn 3:3

Ku raan ëbɛ̈n raan cath ke aŋäthë aŋäth ŋɛ̈ɛ̈th en en, ee yepiɔ̈u tɔ lɔ wai cït man le en piɔ̈u wai.