Romai 8:20 - JAM DE NHIALIC 2011

²⁰ Ku ka cï cak ëbɛ̈n acï ke tääu ë ɣɔ̈ric cök, acie këde piɔ̈nden etök, ku ë këde piɔ̈n ë Raan ɣɔn tɛ̈ɛ̈u keek ë käŋ cök, në ŋäth bï kek e ŋɔ̈ɔ̈th,

Romai 8:20 ပူးပေါင်းရင်းမြစ်များ

Cäk 5:29

Go lueel an, “Në ee piny man wään cï Bɛ̈nydït cieen nɔmë, mɛnhë abï wo jɔ dak nïïm në pïïric, në karɛckuɔn cuk looi.” Ku jɔ cäk rin an Nowa.

Cäk 6:13

Go Nhialic lɛ̈k Nowa an, “Acä tak nɔn bän kɔc ke piny nɔm riɔ̈ɔ̈k kedhie, në luɔi cï kek piny riɔ̈ɔ̈k nɔm në karɛckɛn yek looi ëbɛ̈n. Ku piny nɔm abä riɔ̈ɔ̈k abïï ciën kë bï bɛ tɔ̈u thïn.

Diɛt 39:5

Yïn ë ya gäm pïïr ciekic! Pïïrdï acït kë cïn këdäŋ tëde yïn. Pïïr de raan ëbɛ̈n acït man ë yom tëde yïn,

Wɛ̈ɛ̈t 1:2

Na wën ke lueel raan kɔɔr pɛlënɔm an, “Ee ɣɔ̈ric, këriëëc ëbɛ̈n ee ɣɔ̈ric, ee gökdïït ë ɣɔ̈ric.

Jeremia 12:11

Acïk looi ke ee jɔ̈ɔ̈r, atɔ̈u ke cï riääk ë yanɔm. Piny ëbɛ̈n acï aa jɔ̈ɔ̈r, ku acïn raan ee ye tak.

Jeremia 12:4

Pinyda bïï jɔ riɛl aɣet cï nɛn, ku jɔ wal biɔɔr ëduum yiic ëbɛ̈n? Läi ku diɛt athoukï në biäk de karɛc ke kɔckuɔ, kɔc ee yen lueel an, ‘Nhialic acïï kë yokku looi ee woi.’”

Ɣodh 4:3

Ku në biäk de ye kakë, këriëëc de pinyden abï yom, ku këriëëcdun pïïr ëbɛ̈n abï nuan ku thou: Läi, ku diɛt, agut cï rec abïk thou wïïr.

Jowɛl 1:18

Ɣɔ̈k atɔɔrkï në cɔk, ku luuny acïk thiëi piny, në luɔi cïn en wal nyuäthkï. Ayï luuny ke thök ayadäŋ acïk mam.

Romai 8:22

Ku ka cï cak ëbɛ̈n aŋicku nɔn keŋ kek ëtök ku remë kegup acït man ë tiiŋ kɔɔr dhiëth aɣet cï ënɔɔnë.

Romai 8:24

Wo cï kony wëi në aŋäth ŋäthku. Ku kë cï raan tïŋ acie tɔ ye aŋäth. Kë cï raan tïŋ eeŋö duëërë ye bɛ ŋɔ̈ɔ̈th?