Romai 8:2 - JAM DE NHIALIC 2011

² Ku löŋ de Wëi ke pïïr, löŋ nu ë Kërtho Yecuyic, acï a luöny bei në löŋ de kërac kekë thuɔɔu.

Romai 8:2 ပူးပေါင်းရင်းမြစ်များ

Diɛt 51:12

Bɛ ë ya pɔ̈k nɔm miɛtëpiɔ̈u de kuɔɔnydu, ku muk ɛn në wëi piath.

Edhekiɛl 1:21

Ku të ye läi cath, ku nɔn kɛ̈ɛ̈ckï, ku nɔn jɔt kek röt nhial në yomic, yen aye cök looi ayadäŋ.

Jɔn 4:10

Go Yecu bɛ̈ɛ̈r, lueel an, “Tëë yï ŋic miɔ̈c de Nhialic, ku ŋic raan wën thɛɛr yöök yïn an, “Miɔc ɛn ë ka dɛk, adï cï lip tëde yen, ku adï cï yï gäm pïïu pïïr.”

Jɔn 4:14

ku raan ëbɛ̈n raan ë dek ë pïïu bä gäm en acïï bï bɛ aa yal anande, pïïu bä gäm en abïk aa nyin de pïïu ë yeyäc, awaŋ bï aa cool ë tul ɣet pïïr athɛɛr.”

Jɔn 6:63

Ee wëi kek ee käŋ tɔ pïïr, guöp acïn kën ee lëu: wël cä lɛ̈k week, kek aye wëi, ku yek pïïr.

Jɔn 8:32

ku we bï yic ŋic, ku yic abï we lony.”

Jɔn 8:36

Ku të lonyë Wëndït week, ke we bï aa kɔc cï lony.

Romai 16:3

Thiëckï Pirithila kekë Akula kɔc luui wok ëtök ë Kërtho Yecu yic,

Romai 3:27

Lɛc duëër raan rɔt leec akou ënɔɔnë? Aliu, aye nyai. Në löŋou? Në löŋ de luɔi? Acie yen, në löŋ de gäm, yen aa nyiɛɛiyë ye.

Romai 5:21

luɔi bï dhuëëŋdepiɔ̈u piny cieŋ ayadäŋ në piathëpiɔ̈u aɣet pïïr athɛɛr në Yecu Kërtho Bɛ̈nydïïtda, cït man cï ciɛɛŋ cieŋë kërac piny aɣet thuɔɔu.

Romai 6:14

Kërac acïï we bï aa cieŋ, luɔi cä wek ee tɔ̈u ë löŋic, wek ee tɔ̈u ë dhuëëŋdepiɔ̈uwic.

Romai 6:18

Ku ënɔn cï we luöny bei ë kërac cin, ke wek cï jɔ aa lïïm ke piathëpiɔ̈u.

Romai 6:22

Ku ënɔɔnë, nɔn cï we luöny bei ë kërac cin, aguɔkï aa lïïm ke Nhialic, ke we de kakuön cï luɔk ënɔɔnë ka ke ɣɛɛrëpiɔ̈u, ku thök bï en thök ee pïïr athɛɛr.

Romai 7:21

Yɛn ë löŋ däŋ yök ënɔɔnë an: Kööl dɛ yɛn piɔ̈u luɔi luɔɔi ɛn këpiɛth, ke kërac tɔ̈u kekë yɛn.

Romai 7:23

ku yɛn ë löŋ däŋ yök ë ka ke yɛnguöp yiic, löŋ de ater kekë löŋ de yanɔm, löŋ ë yɛn thel cït man ë raan cï peec abï ya tɔ ye lïm de löŋ de kërac, löŋ nu ë ka ke yɛnguöp yiic.

Romai 7:4

Ku week aya, wek mïthëkɔckuɔ, we cï tɔ thou tëde löŋ, në guöp de Kërtho, luɔi bï raan däŋ we thiaak, yen ee raan wään cï jɔt ë kɔc cï thou yiic, luɔi bï wok luɔk në këde Nhialic.

Romai 8:1

Yen ka, acïn gääk be nu ë kɔc yiëth kɔc nu ë Kërtho Yecuyic, kek kɔc cie tɔ̈u ë täu de guöp, ayek tɔ̈u ë täu de wëi.

1 Kor 15:45

Yen aa gɛ̈ɛ̈rë ë yen aya an, “Adam raan tueŋ acï aa piɔ̈n pïïr.” Ku Adam raan ciëën acï aa wëi, wëi ë kɔc tɔ pïïr.

2 Kor 3:17

Ku Bɛ̈nydït en aye Wëidït: ku të nu Wëidït ke Bɛ̈nydït, en ee të nu luny bï kɔc lony.

2 Kor 3:6

Raan cï wo tɔ lëu käŋ, buk aa kɔc ee ka ke löŋ cï piac mac ŋiëc guiir, ku guiëërda acie këde wël cï gɔ̈ɔ̈r tei, ee këde wëi: wël cï gɔ̈ɔ̈r tei ayek kɔc nɔ̈k, ku wëi kek aye kɔc tɔ pïïr.

Galatai 2:19

Ku në löŋ yɛn cï guɔ thou në këde löŋ, luɔi bän pïïr në këde Nhialic.

Galatai 5:1

Cäth bï wok aa cath ë nɔm lääu, en aa lony Kërtho wook! Yen kääc wek thïn aril, ku duökï weyiëth be tɔ rek, abäk aa lïïm.

Galatai 6:2

Ë ŋɛk ë ye ŋɛk kony në kë nuan en, yen abä wek löŋ de Kërtho aa tiiŋic.

Jakop 1:25

Ku raan ee löŋ cï dikëdik woiyic, löŋ de luny ee kɔc lony, ku jɔ aa cool thïn ku acie raan ee piŋ ku jɔ nɔm määr, ee raan ee luɔi looi, raanë abïï thieei në luɔidɛn ee yen e looi.

Nyuuth 11:11

Na wën, ë nïn kadiäk ku biäk, ke wëi ke pïïr ë ke bɔ̈ tëde Nhialic bïk ku lek ë keyiic, ku jɔkï kɔ̈ɔ̈c ë kecök, go kɔc piɔ̈ɔ̈th päu arëët kɔc wën cï ke tïŋ.

Nyuuth 22:1

Na wën, ke tunynhial nyuth ɛn kiir ë pïïu ke pïïr, kiir ee pïïuke lɔ kïr cït man ë kuruthalo, ke bɔ̈ bei ë thöönydïtic thöönydïït ë Nhialic kekë Nyɔŋamääl, tëëk ë kueerdeyic cil.