Romai 8:14 - JAM DE NHIALIC 2011

¹⁴ Kɔc ëbɛ̈n kɔc ee thel ë Wëi ke Nhialic, kek aye wɛ̈ɛ̈t ke Nhialic.

Romai 8:14 ပူးပေါင်းရင်းမြစ်များ

Diɛt 143:10

Yïn e Nhialicdï, piööcë yɛn bä këde piɔ̈ndu looi. Bä piath we yɛn, ku caathë yɛn ë kueer piɛth yic.

Kɛ̈ŋ 8:20

Yɛn ee cath në kueer ë piathëpiɔ̈u yic, ku kuany kueer ë yicic.

Ɣodh 1:10

Acïï Nhialic lɛ̈k kɔc ke Yithriɛl ënɔɔnë an, “Wek cie kɔckï, ku abï bɛ lɛ̈k keek wadäŋ an, “Wek ee mïth ke Nhialic Pïïr. Ka kɔc ke Yithriɛl abïk bɛ juëc arëët, abïk ciët liɛɛt de wɛ̈ɛ̈r yɔu. Ka acï keek bï ya lëu në kuɛ̈n, ku cïï keek lëu në thëm.”

Math 5:9

Thieithieei ë kɔc ë kɔc määt, abï ke tɔ ye wɛ̈ɛ̈t ke Nhialic.

Jɔn 1:12

Ku kɔc cï gam, kek aa miɔc ë riɛl bïk aa mïth ke Nhialic, kek kɔc gam rinke:

Romai 8:19

Ka cï cak ëbɛ̈n ayek käŋ ŋɔ̈ɔ̈th arëët, atitkï kööl ë tïc bï wɛ̈ɛ̈t ke Nhialic tïc.

Romai 8:5

Kɔc ee tɔ̈u ë täu de guöp ayek ka ke guöp tak, ku kɔc ee täu ë täu de Wëi ayek ka ke wëi tak.

Romai 8:9

Ku week, wek cie tɔ̈u ë täu de guöp, ee täu de wëi yen täu wek, të rëërë Wëi ke Nhialic ë weyiic ëyic. Ku na de raan nu raan cïï cath ke Wëi ke Kërtho, ka cie këde.

Romai 9:26

Ku tëman wään cï ke yɔ̈ɔ̈k thïn an, ‘We cie kɔckï,’ Yen ee tëmanë guöp yen abïï ke cɔɔl thïn an, Wek ee wɛ̈ɛ̈t ke Nhialic pïïr.”

Romai 9:8

Tharde kï an, mïth ke guöp acie keek ee mïth ke Nhialic, ee mïth ke ka cï kɔn lueel, keek aye ke tɔ ye käu.

2 Kor 6:18

Ku yɛn bï aa Wuöördun, ku we bï aa wɛ̈ɛ̈tkï ku nyïïrkï, kë lueel Nhialic Awärjäŋ ka.”

Galatai 3:26

Wek ee wɛ̈ɛ̈t ke Nhialic wedhie në gäm cä wek Kërtho Yecu gam.

Galatai 4:5

luɔi bï en kɔc nu ë löŋic wɛ̈ɛ̈r bei, ago wo tɔ muk abuk aa wɛ̈ɛ̈tke.

Galatai 4:6

Ku luɔi aa wek wɛ̈ɛ̈tke, ke Nhialic jɔ Wëi ke Wënde tuɔɔc ë wepiɔ̈ɔ̈th, ke ke cöt an, “Abba, Wäär.”

Galatai 5:16

Ku aluɛɛl alëyɔ̈ɔ̈ an, cathkï në Wëidït yiic, ke we cïï ka kɔɔr guöp bï aa looi.

Galatai 5:18

Ku të ye we thel ë Wëi, ke we cie tɔ̈u ë löŋic.

Epethiei 1:5

Acï wo kɔn meek ë yepiɔ̈u nɔn bï en wo muk tɔ wook ë wɛ̈ɛ̈t ke yenguöp në Yecu Kërtho, acït man ë miɛt ë yen piɔ̈u,

Epethiei 5:9

kak ye ɣɛɛrëpiny ke luɔk ayek luɔi de këpiɛth ëbɛ̈n ku piathëpiɔ̈u ku yic.

1 Jɔn 3:1

Tiëŋkï nhiëër dïït cïï Wääda wo nhiaar, bï wo ya cɔɔl mïth ke Nhialic, ku ee wook. Yen a kucë kɔc ke piny nɔm wook, luɔi ë kuc kek en.

1 Jɔn 3:24

Ku raan ë lööŋke döt, ka ye rëër ë yeyic, ku yen ë yeyic. Ku Wëidït cï gäm wook, yen aŋic wok en nɔn rëër en ë woyiic.

Nyuuth 21:7

Raan ë tiam abï käŋ lɔ̈ɔ̈k lak kedhie, ku yɛn bï aa Nhialicde, ku abï aa wëndï.