Romai 8:1 - JAM DE NHIALIC 2011

¹ Yen ka, acïn gääk be nu ë kɔc yiëth kɔc nu ë Kërtho Yecuyic, kek kɔc cie tɔ̈u ë täu de guöp, ayek tɔ̈u ë täu de wëi.

Romai 8:1 ပူးပေါင်းရင်းမြစ်များ

Yith 54:17

Ku acïn tɔŋ bï yïn gäm tëtök, yïn bï löŋ de kɔc ee yïn gaany ŋiëc aa bɛ̈ɛ̈r. Yɛn bï awuutkï kony, ku gäm keek tiëm.” Acïï Bɛ̈nydït lueel.

Edhekiɛl 18:9

Raan cït ee kënë ee ka cä lueel riëëu, ku döt lööŋkï apiɛth. Ee raan piɛthpiɔ̈u, ku abï dhil pïïr,” aye Bɛ̈nydït Awärjäŋ lueel.

Jɔn 14:20

Ëköölë abäk ŋic nɔn nuö yɛn ë wääric, ku nɔn nuö wek ë yayic, ku nuö ë weyiic.

Jɔn 15:4

Rɛ̈ɛ̈rkï ë yayic, ku yɛn ë weyiic. Acït man cïï këër duëër luɔk etök, të cïï en rɛ̈ɛ̈r ë timic, yen acït week aya, we cïï duëër luɔk, të kɛ̈n wek rëër ë yayic.

Jɔn 5:24

“Wek yɔ̈ɔ̈k ëyic an, Raan piŋ wëlkï, ku gɛm raan ë toc ɛn, ka cath ke pïïr athɛɛr, ku acïn gääk bï tääu ë yeyeth, acï bɛ̈n bei ë thuɔɔuwic, le të nu pïïr.

Romai 16:3

Thiëckï Pirithila kekë Akula kɔc luui wok ëtök ë Kërtho Yecu yic,

Romai 16:7

Thiëckï Andoroniko ku Junia, kɔckuɔ, ku ye kɔc wään mɛc wok ëtök, kek kɔc de naamden në tuuc yiic, kɔc cï Kërtho kɔn gam ke ya ŋoot.

Romai 5:1

Ku ënɔɔnë, nɔn cï wo tɔ piɛthpiɔ̈ɔ̈th në gäm, wok cï mat ë Nhialic në Bɛ̈nydan Yecu Kërtho.

Romai 5:16

Ku miɔ̈c aya, acïï cït luɔi de raan töŋ cï kërac looi. Löŋ cï guiir ë kɔc yiëk yiëth gääk në baŋ de raan tök, ku miɔ̈c youyou ee kɔc tɔ piɛth piɔ̈ɔ̈th në kajuëc cïk wööc.

Romai 7:17

Yen acïï bï bɛ a yɛn ee ye looi, ee kërɛɛc rɛ̈ɛ̈r ë yayic, yen aye ye looi.

Romai 7:20

Ku na ya kë liu ë yapiɔ̈u looi, ka cïï be aa yɛn ë ye looi, ee kërɛɛc rɛ̈ɛ̈r ë yayic, yen aye ye looi.

Romai 8:11

Ku të rëërë Wëi ë weyiic, ke Wëi ke Raan wään cï Yecu jat nhial ë kɔc cï thou yiic, të rëër kek ë weyiic, ke Raan cï Kërtho jat nhial ë kɔc cï thou yiic, yen abï week tɔ pïïr gup gup de yiic thuɔɔu, në riɛl ë Wëikɛn ee rëër ë weyiic.

Romai 8:14

Kɔc ëbɛ̈n kɔc ee thel ë Wëi ke Nhialic, kek aye wɛ̈ɛ̈t ke Nhialic.

Romai 8:2

Ku löŋ de Wëi ke pïïr, löŋ nu ë Kërtho Yecuyic, acï a luöny bei në löŋ de kërac kekë thuɔɔu.

Romai 8:34

Eeŋa bï wo yiëk yiëth gääk? Ee Kërtho raan wään cï thou, yeka, aŋuän bï wok e lueel, an, raan cï bɛ jat nhial, raan nu ë baŋ cuëny de Nhialic, yen aye raan ee lɔ̈ŋ në biäkda aya.

Romai 8:39

ayï bɛ̈ɛ̈r bɛ̈ɛ̈rë käŋ, ayï tëthuth, ayï të de yen däŋ cï cak, acïn tök ee kakë yiic töŋ bï pɛ̈ɛ̈k lëu, pɛ̈ɛ̈k bï en wo pääk në nhiëër ë Nhialic, nhiëër nu ë Kërtho Yecu Bɛ̈nydïïtda yic.

Romai 8:4

Luɔi bï kë lueel löŋ aa tiiŋic ë woyiic, wok kɔc cie tɔ̈u ë täu de guöp, wok ee tɔ̈u ë täu de Wëi.

Romai 8:9

Ku week, wek cie tɔ̈u ë täu de guöp, ee täu de wëi yen täu wek, të rëërë Wëi ke Nhialic ë weyiic ëyic. Ku na de raan nu raan cïï cath ke Wëi ke Kërtho, ka cie këde.

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

1 Kor 15:22

Acït man ë thouwë kɔc kedhie në Adam, yen acït pïïr bï kɔc tɔ pïïr kedhie në Kërtho.

2 Kor 12:2

Yɛn ŋic raan nu ë Kërtho yic, ku run acïk tëëk kathiëër ku ŋuan (nɔn ë ciɛth en kekë guöpde, ku nɔn ë cïï en cath ke yen, a ja kuc, aŋic Nhialic), raanë yen raan wën luɛɛl acï gap nhial ɣeet paan ë Nhialic ya.

2 Kor 5:17

Yen tëde ka, të de yen raan nu ë Kërtho yic, ka ye kë cï piac cak: kathɛɛr acïk lɔ ya, wɔikï, käŋ acï ke piac cak kedhie.

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Galatai 3:26

Wek ee wɛ̈ɛ̈t ke Nhialic wedhie në gäm cä wek Kërtho Yecu gam.

Galatai 3:28

Judai ayï Girikii aliu ee tënë, ayï lïm ayï raan ë cath ë këde yenhde aliukï ayï moc ayï tik aliukï aya: week wedhie wek ee tök në Kërtho Yecu yic.

Galatai 5:16

Ku aluɛɛl alëyɔ̈ɔ̈ an, cathkï në Wëidït yiic, ke we cïï ka kɔɔr guöp bï aa looi.

Galatai 5:25

Të pïïr wok ë Wëi yiic, ke wo ye cath ë Wëi yiic ayadäŋ.

Epethiei 1:1

Yɛn Paulo, tuny ë Yecu Kërtho në këde piɔ̈n ë Nhialic. Awerek en gäär kɔc ɣerpiɔ̈ɔ̈th nu Epetho, kek kɔc adööt kɔc nu ë Kërtho Yecu yic:

Pilipoi 3:9

ku luɔi bï a yök ke ya nu ë yeyic, ke ya cath wokë piathëpiɔ̈u, ku acie këdï, kë bɔ̈ në löŋ, ee kë bɔ̈ në gäm, gäm cän Kërtho gam, yen aye piathëpiɔ̈u ë bɔ̈ tëde Nhialic, në gäm,