Romai 7:5 - JAM DE NHIALIC 2011

⁵ Ku të wään rëër wok ë ka ke guöpic, ke ŋɔ̈ɔ̈ŋ ee wok ŋɔ̈ŋ ë kërac, kë ë bɔ̈ në löŋ, aaye luɔide looi ë ka ke wogup, bïk luɔk në këde thuɔɔu.

Romai 7:5 ပူးပေါင်းရင်းမြစ်များ

Math 15:19

Kak ee bɛ̈n bei ë raan piɔ̈u kï, karɛc ee raan ke tak, näŋ de raan, kɔ̈ɔ̈r ë diëër lei, dhööm, kuël, ciëkë thok, lɛ̈ɛ̈t rac.

Jɔn 3:6

Kë cï dhiëëth në guöp ee guöp, ku ke cï dhiëëth ë Wëi ee wëi.

Romai 1:26

Yen aa koonë Nhialic keek abïk kacol ëcut aa kɔɔr ë kepiɔ̈ɔ̈th, acakaa diëërken gup ayek ciɛɛŋ de tik puk, ciɛɛŋ ë ciɛkë piny, ku jɔkï ciɛɛŋ ë piny cak kɔɔr.

Romai 3:20

Acïn raan töŋ bï tɔ piɛthpiɔ̈u ë yenɔm në luɔi de löŋ, ee löŋ yen ë bïï ŋïny de kërac.

Romai 4:15

Ee löŋ yen ë agɔ̈th bɛ̈ɛ̈i, ku të cïn löŋ, ke wäc ë kɔc wööc aliu.

Romai 5:20

Ku löŋ aa bɔ̈ thïn, ë luɔi bï awäc rɔt ŋuak awäny wɛ̈ɛ̈cë kɔc käŋ, ku të cï kërac rɔt ŋuak, ke dhuëëŋdepiɔ̈u ë ŋuak rɔt arëët awär kërac,

Romai 6:13

Ayï ka ke wegup duökï ke gëm kërac, abïk aa ka ke racdepiɔ̈u bï kërac aa looi, yak röt gäm Nhialic cït man ë kɔc cï bɛ pïïr ë kɔc cï thou yiic, ku yak Nhialic gäm ka ke wegup abïk aa ka ke piathëpiɔ̈u.

Romai 6:19

Yɛn jam cït man ë raan tei, në baŋ de kɔ̈c de guöpdun. Acït man cä wek ka ke wegup gäm cuɔlëpiɔ̈u abïk aa lïïmke, ku acäk ke gäm reecëlöŋ bïk löŋ aa rɛɛc, yen abï ciët gäm duɛ̈ɛ̈r wek ka ke wegup gäm piathëpiɔ̈u ënɔɔnë, abïk aa lïïmke, ke bï ɣɛɛrëpiɔ̈u bɛ̈ɛ̈i.

Romai 6:21

Ee luɔk cït ŋö cäk guɔ yök wään ë kake yiic, ka ya wek gup yäär ë keek ënɔɔnë? Ee thuɔɔu yen ë thök bï kake thök.

Romai 6:23

Ariöp de kërac yen aye thuɔɔu, ku miɔ̈c de Nhialic yen aye pïïr athɛɛr në Bɛ̈nydan Yecu Kërtho.

Romai 7:23

ku yɛn ë löŋ däŋ yök ë ka ke yɛnguöp yiic, löŋ de ater kekë löŋ de yanɔm, löŋ ë yɛn thel cït man ë raan cï peec abï ya tɔ ye lïm de löŋ de kërac, löŋ nu ë ka ke yɛnguöp yiic.

1 Kor 15:56

Winh ë thuɔɔu en aye kërac, ku riɛl ë kërac yen aye löŋ.

2 Kor 10:3

Ku na cakku rëër ë guöpic, ke wo cï tɔŋ ee biök ë biök de guöp

Galatai 3:10

Ku kɔc ke luɔi de löŋ kek atɔ̈ukï ë aciɛɛnic kedhie: luɔi cï e gɔ̈ɔ̈r an, “Raan ëbɛ̈n raan cie cool ë döt ka cï gɔ̈ɔ̈r ë awerek de löŋic kedhie, bï keek aa looi, ka cï cieen!”

Galatai 5:24

Ku kɔc wën ë ya kɔc ke Kërtho acïk guöp piäät ë tim cï rïïu nɔm kɔ̈u kekë kak ee guöp kɔɔr ëtök, ayï ŋɔ̈ɔ̈ŋ ë ye dɔm.

Epethiei 2:11

Yen tak we wenïïm ëcöökë an, ɣɔn wek ë ye Juöör në dhiënh ë dhiëëthë week, we cï tɔ ye Jur kënë cueel në jur cï tɔ ye aŋuɛl, ë guöpic, ee kë cï looi ë kɔc cin.

Epethiei 2:3

Ku wook ayadäŋ wodhie, wok aaye mat në keek ɣɔn, në ŋɔ̈ɔ̈ŋ de ka ke guöp, ku wok aaye kak ë yok kɔɔr ë yäc looi, ayï kak ë yok tak ë wopiɔ̈ɔ̈th, agoku aa mïth ke agɔ̈th në ciɛɛŋ ë ciɛkë wo, cït man ë kɔc kɔ̈k.

Kolothai 3:5

Yak ka ke wegup tɔ thou, ka nu ë piny nɔm, kɔ̈ɔ̈rëdiäär, luɔi col, tum ee raan e piɔ̈u tuöm ka ke piny, ŋɔ̈ɔ̈ŋ de kërac, ku wui de kalei, yen aye läm de yiëth.

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

Jakop 1:15

Ku ŋɔ̈ɔ̈ŋ de kërac, të cï en liac, ke dhiëth kërac, ku kërac, të cï en thök ë luɔi, ke bïï thuɔɔu.

Jakop 4:1

Ye tɔɔŋ bɛ̈n tënou ku ye piɔ̈t ee kɔc piɔ̈t bɛ̈n tënou bïk ë weyiic? Cïkï ee bɛ̈n ë ŋɔ̈ɔ̈ŋ ee we dɔm, ŋɔ̈ɔ̈ŋ ë tɔŋ biök ë ka ke wegup yiic?

1 Jɔn 3:4

Raan ëbɛ̈n raan ee kërac looi ka ye löŋ dhɔ̈ŋic aya: kërac yen aye dhäŋ de löŋic.