Romai 7:25 - JAM DE NHIALIC 2011

²⁵ Yɛn lec Nhialic Yecu Kërtho Bɛ̈nydïïtda. Yen ka, yɛn guöp, yɛn wokë nɔmdï, yɛn ee ka ke löŋ de Nhialic looi, ku wokë guöpdï, yɛn ee ka ke löŋ de kërac looi.

Romai 7:25 ပူးပေါင်းရင်းမြစ်များ

Yith 12:1

Ade kööl bɔ̈, kööl bïï ë kɔc ket an, “Yïn cä leec, Bɛ̈nydït! Yïn aa göth we yɛn, ku ënɔɔnë Yïn ë ya duut piɔ̈u ku cïï be gɔ̈th.

Yith 49:13

Kɛ̈të paannhial! Loi awuɔɔu de miɛtëpiɔ̈u, piny! Takï kur wuou ke ke ket diɛt! Bɛ̈nydït abï kɔcke duut piɔ̈ɔ̈th, abï piɔ̈u kok kekë kɔckɛn cï nuan.

Yith 49:9

Abä lɛ̈k kɔc cï mac an, ‘Lakkï në nɔm lääu!’ ‘Ku lɛ̈k kɔc tɔ̈u në mɔ̈ɔ̈th yic an, ‘Bäkkï bei lakkï ë ɣɛɛr yic!’ Abïk ciët amɛ̈l ee nyuäth në kur kor nïïm,

Math 1:21

Ku abï mɛwä dhiëëth, ku abä cäk rin, an, Yecu, luɔi bï en kɔcken kony në karɛcken.”

Romai 6:14

Kërac acïï we bï aa cieŋ, luɔi cä wek ee tɔ̈u ë löŋic, wek ee tɔ̈u ë dhuëëŋdepiɔ̈uwic.

Romai 6:17

Ku thieithieei Nhialic, wään thɛɛr wek aaye lïïm ke kërac, ku we cï täu de wëët cï yiɛ̈n week aa gam ë wepiɔ̈ɔ̈th ënɔɔnë.

Romai 8:2

Ku löŋ de Wëi ke pïïr, löŋ nu ë Kërtho Yecuyic, acï a luöny bei në löŋ de kërac kekë thuɔɔu.

1 Kor 15:57

Ku ënɔɔnë, Thieithieei në Nhialic, Raan ë wo tɔ tiam käŋ në Bɛ̈nydït Yecu Kërtho!

2 Kor 9:15

Thieithieei Nhialic ë biäk de miɔ̈cdɛn ë ye miööc ë dhuëëŋ, miɔ̈c liu eenë!

Epethiei 5:20

Yak cool ë luɛɛl wek en an, thieithieei Nhialic Wääda, në baŋ de këriëëc ëbɛ̈n, në rin ke Bɛ̈nydan Yecu Kërtho.

Pilipoi 3:3

Ku wook, wok aye aŋueel yith, wok kɔc ee lam ë Wëidït ke Nhialic, ku yok röt leec në Kërtho Yecu, ku cuku röt ee ŋɔ̈ɔ̈th ë guöp.

Pilipoi 4:6

Ë cïn kë bä wek piɔ̈ɔ̈th diɛɛr, ku në këriëëcic ëbɛ̈n yak kë kaarkï tɔ ŋic Nhialic në lɔ̈ŋ ku pal ku luɛl aa wek thieithieei lueel.

Kolothai 3:17

Ku na de kë luɔikï, nɔn ee yen jam ku nɔn ee yen luɔi, yak ke looi ëbɛ̈n në rin ke Bɛ̈nydït Yecu, ke we ye Nhialic Wääda yɔ̈ɔ̈k an, thieithieei, në këde.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.