Romai 7:23 - JAM DE NHIALIC 2011

²³ ku yɛn ë löŋ däŋ yök ë ka ke yɛnguöp yiic, löŋ de ater kekë löŋ de yanɔm, löŋ ë yɛn thel cït man ë raan cï peec abï ya tɔ ye lïm de löŋ de kërac, löŋ nu ë ka ke yɛnguöp yiic.

Romai 7:23 ပူးပေါင်းရင်းမြစ်များ

Diɛt 142:7

Luöny ë yɛn bei në aloocic, aguɔ rinku gäm thieithieei ë kɔcku yiic, në biäk de piathëpiɔ̈ndu we yɛn, yïn bä piɔɔny.

Wɛ̈ɛ̈t 7:20

Ku ee yic, acïn raan piɛthpiɔ̈u nu ë piny nɔm ee këpiɛth looi ku cie wäc.

Romai 6:13

Ayï ka ke wegup duökï ke gëm kërac, abïk aa ka ke racdepiɔ̈u bï kërac aa looi, yak röt gäm Nhialic cït man ë kɔc cï bɛ pïïr ë kɔc cï thou yiic, ku yak Nhialic gäm ka ke wegup abïk aa ka ke piathëpiɔ̈u.

Romai 6:19

Yɛn jam cït man ë raan tei, në baŋ de kɔ̈c de guöpdun. Acït man cä wek ka ke wegup gäm cuɔlëpiɔ̈u abïk aa lïïmke, ku acäk ke gäm reecëlöŋ bïk löŋ aa rɛɛc, yen abï ciët gäm duɛ̈ɛ̈r wek ka ke wegup gäm piathëpiɔ̈u ënɔɔnë, abïk aa lïïmke, ke bï ɣɛɛrëpiɔ̈u bɛ̈ɛ̈i.

Romai 7:14

Löŋ aŋicku nɔn ee yen këde wëi, ku yɛn ee raan ë piny tei, yɛn cï ɣaac ka yɛn cï aa lïm de kërac.

Romai 7:21

Yɛn ë löŋ däŋ yök ënɔɔnë an: Kööl dɛ yɛn piɔ̈u luɔi luɔɔi ɛn këpiɛth, ke kërac tɔ̈u kekë yɛn.

Romai 7:25

Yɛn lec Nhialic Yecu Kërtho Bɛ̈nydïïtda. Yen ka, yɛn guöp, yɛn wokë nɔmdï, yɛn ee ka ke löŋ de Nhialic looi, ku wokë guöpdï, yɛn ee ka ke löŋ de kërac looi.

Romai 7:5

Ku të wään rëër wok ë ka ke guöpic, ke ŋɔ̈ɔ̈ŋ ee wok ŋɔ̈ŋ ë kërac, kë ë bɔ̈ në löŋ, aaye luɔide looi ë ka ke wogup, bïk luɔk në këde thuɔɔu.

Romai 8:2

Ku löŋ de Wëi ke pïïr, löŋ nu ë Kërtho Yecuyic, acï a luöny bei në löŋ de kërac kekë thuɔɔu.

Galatai 5:17

Guöp ee tɔŋ cam kekë Wëi, ku ye Wëi tɔŋ cam në guöp, ku kake ayek gɔ̈m kapäc, ku wek cïï ka kaarkï ë wepiɔ̈ɔ̈th duëër aa looi.

Ɣeberuu 12:4

Acïn raan cï we guɔ lɛ̈u riɛm, në wït wiët wek në kërac.

Jakop 3:2

Wok ee cool ë wäc käŋ wodhie. Na de raan cïï käŋ ee wööc ë jam, ke yen aye raan cï dikëdik, ka duëër yeguöp muk apiɛth ëbɛ̈n.

Jakop 4:1

Ye tɔɔŋ bɛ̈n tënou ku ye piɔ̈t ee kɔc piɔ̈t bɛ̈n tënou bïk ë weyiic? Cïkï ee bɛ̈n ë ŋɔ̈ɔ̈ŋ ee we dɔm, ŋɔ̈ɔ̈ŋ ë tɔŋ biök ë ka ke wegup yiic?

1 Pet 2:11

Wek kɔc nhiaar, wek läŋ, luɔi ciët wek kamaan ku ciëtkï kɔc cï ɣap ë wuöt lei, ke we bï ŋɔ̈ɔ̈ŋ de kake piny nɔm aa pɔ̈l, ee ke ye tɔŋ biök në wëikun.