Romai 7:18 - JAM DE NHIALIC 2011

¹⁸ Ku aŋiɛc nɔn cïn en këpiɛth töŋ rɛ̈ɛ̈r ë yayic, (ee guöpdïyic en luɛɛl) ku piɔ̈n duɛ̈ɛ̈r ɛn käŋ looi acath ke yɛn, ku kë bän këpiɛth looi, abä thöl, akɛ̈n guɔ yök.

Romai 7:18 ပူးပေါင်းရင်းမြစ်များ

Cäk 6:5

Ɣɔn cï Bɛ̈nydït kërɛɛc ë raan tïŋ ke cï dït në piny nɔm, ku tïŋ täŋ ë raan ke rac ë ceŋ,

Cäk 8:21

Go Bɛ̈nydït piɔ̈u miɛt në luɔi cï En atuɔ̈m ŋöör. Go lueel në yepiɔ̈u an, “Yɛn cï piny bï bɛ cieen nɔm, në biäk ë karɛɛc ye raan looi. Na cakaa nɔn ye täŋ ë raan piɔ̈u kërac ë cieŋ ë yen meth, Yɛn cïï piny bï bɛ nyɔk ë riääk Ɛn kë tɔ̈u thïn cït man cän e riɔ̈ɔ̈kë.

Jop 14:4

Eeŋa duëër kë ɣeric bɛ̈ɛ̈i bei në kë cï dhiöök në këcol? Acïn raan.

Jop 25:4

Ku raan duëër lɔgɔk adï në Nhialic nyin? Ke ye kë lɛɛn ë dhiëëth tik duëër ɣɛɛr?

Diɛt 119:173

Ye rɔt guiir ë ceŋ bä yɛn aa kony, në biäk kuany yɛn lööŋku cök.

Diɛt 119:176

Yɛn cï nɔm mum cï thök cï määr, ka bä kɔɔr ɛn, yɛn awundu, në biäk kɛ̈n yɛn lööŋku dhɔɔt yiic.

Diɛt 119:32

Abä them aläl bä lööŋku aa döt, në biäk bï Yïn yɛn gäm yöŋ de käŋ yiic dït.

Diɛt 119:40

Akaar bä lööŋku riëëu, gämë yɛn pïïr në piathëpiɔ̈ndu yic,

Diɛt 119:5

ku aŋääth nɔn bän aa raan adöt aguɔ lööŋku döt!

Diɛt 51:5

Ee yic, yɛn cï karɛc looi, të ɣɔn dhiëëthë yɛn, yɛn ee karɛc looi, të ɣɔn yök ë maar ɛn.

Yith 64:6

Wok de gup awɛ̈ɛ̈c wodhie, cakaa nɔn ye luɔidan piɛth ŋoot ke rac. Në biäk de awɛ̈ɛ̈ckuɔ, wok cï ciët yïth ke tiim ee biɔɔr ku gɔp yom keek.

Math 15:19

Kak ee bɛ̈n bei ë raan piɔ̈u kï, karɛc ee raan ke tak, näŋ de raan, kɔ̈ɔ̈r ë diëër lei, dhööm, kuël, ciëkë thok, lɛ̈ɛ̈t rac.

Luk 11:13

Ku të ŋiɛc wek mïthkun miɔɔc në kapiɛth, wek kɔc rac, na Wuöörduön nu paannhial cïï kɔc lip en bï dhil miɔɔc në Wëidït ɣer!”

Jɔn 3:6

Kë cï dhiëëth në guöp ee guöp, ku ke cï dhiëëth ë Wëi ee wëi.

Romai 13:14

Jakkï Bɛ̈nydït Yecu Kërtho cieŋ cït lupɔ, ku duökï ee diɛɛr në karɛc kɔɔr guöp.

Romai 7:15

Ku kë ya looi ënɔɔnë, acä gam nɔn ee yen luɔidï, ku kë nu ë yapiɔ̈u an, bä ya looi, acä ye looi, ee kë maan, yen aya looi.

Romai 7:19

Ku këpiɛth nu ë yapiɔ̈u an, bä ya looi, acä ye looi, ku kërɛɛc liu ë yapiɔ̈u, yen aya looi.

Romai 7:25

Yɛn lec Nhialic Yecu Kërtho Bɛ̈nydïïtda. Yen ka, yɛn guöp, yɛn wokë nɔmdï, yɛn ee ka ke löŋ de Nhialic looi, ku wokë guöpdï, yɛn ee ka ke löŋ de kërac looi.

Romai 7:5

Ku të wään rëër wok ë ka ke guöpic, ke ŋɔ̈ɔ̈ŋ ee wok ŋɔ̈ŋ ë kërac, kë ë bɔ̈ në löŋ, aaye luɔide looi ë ka ke wogup, bïk luɔk në këde thuɔɔu.

Galatai 5:17

Guöp ee tɔŋ cam kekë Wëi, ku ye Wëi tɔŋ cam në guöp, ku kake ayek gɔ̈m kapäc, ku wek cïï ka kaarkï ë wepiɔ̈ɔ̈th duëër aa looi.

Galatai 5:24

Ku kɔc wën ë ya kɔc ke Kërtho acïk guöp piäät ë tim cï rïïu nɔm kɔ̈u kekë kak ee guöp kɔɔr ëtök, ayï ŋɔ̈ɔ̈ŋ ë ye dɔm.

Pilipoi 2:13

ee Nhialic yen ee Raan ee luui ë weyiic bäk käŋ aa kɔɔr ku yak ke looi ayadäŋ, ka cït ka nu ë yepiɔ̈u.

Pilipoi 3:12

Ku acie yöŋ cän e guɔ yök en luɛɛl, ayï dik cän guɔ dikëdik: ku yɛn ŋoot ë ya cop këdäŋ, nɔn de en të bän e dɔm, yen aye kë ë dɔmë yɛn ë Kërtho Yecu aya.

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

1 Pet 4:2

Ago täu täu wek ë guöpic ë aköölkuön ë pïïr cï döŋ tëde week, ke cïï bï aa këde ŋɔ̈ɔ̈ŋ ë kɔc dɔm, abï aa këde piɔ̈n ë Nhialic.