Romai 6:4 - JAM DE NHIALIC 2011

⁴ Yen ka, wok cï tɔ̈ɔ̈u në yen ëtök ë thuɔɔuwic në baptith cï wo baptith, luɔi bï wok tɔ̈u ë pïïr ë piɛcku yökic aya, cït man ë jön cï Kërtho jat nhial ë kɔc cï thou yiic në dhuëëŋ de Wun.

Romai 6:4 ပူးပေါင်းရင်းမြစ်များ

Jɔn 11:40

Go Yecu yɔ̈ɔ̈k an, “Kɛ̈n lɛ̈k yïn an, të gëm yïn, ke yïn bï dhuëëŋ ë Nhialic tïŋ?”

Jɔn 2:11

Göl ë gɔlë göök bï kɔc ke gäi kï, kë cïï Yecu looi ë Kana de Galili, abïï dhuëëŋde nyuɔɔth, go kɔckɛn ë piööcë gokï këde gam.

Luɔi 2:24

Yen acïï Nhialic jat nhial, të cï en e luöny bei ë thuɔɔuwic: luɔi dhɛlë thuɔɔu muŋ bï en e muk.

Luɔi 2:32

Yen Yecu manë, yen acïï Nhialic jat nhial, ku wook wodhie wok ee cäätɔɔ në ee cöökë.

Romai 6:19

Yɛn jam cït man ë raan tei, në baŋ de kɔ̈c de guöpdun. Acït man cä wek ka ke wegup gäm cuɔlëpiɔ̈u abïk aa lïïmke, ku acäk ke gäm reecëlöŋ bïk löŋ aa rɛɛc, yen abï ciët gäm duɛ̈ɛ̈r wek ka ke wegup gäm piathëpiɔ̈u ënɔɔnë, abïk aa lïïmke, ke bï ɣɛɛrëpiɔ̈u bɛ̈ɛ̈i.

Romai 6:3

Kuöckï ee kënë an, wok wodhie, wok kɔc cï baptith në këde Kërtho Yecu, ke wok cï baptith në këde thon cï en thou.

Romai 6:8

Ku ënɔɔnë, të cï wok thou në Kërtho ëtök, ke wok gam nɔn bï wok pïïr në yen ëtök.

Romai 6:9

Aŋicku nɔn cïï Kërtho bï bɛ thou, luɔi cï e guɔ jat nhial ë kɔc cï thou yiic, thuɔɔu acïï ye be aa cieŋ.

Romai 7:6

Ku ënɔɔnë, wo cï luöny bei ë löŋ cin, kë wään cï wo mac thïn ë guɔ thou, luɔi bï wok käŋ aa looi në wëi cuk piac yök, ku cuku käŋ ee looi në kathɛɛr cï gɔ̈ɔ̈r ë löŋic.

Romai 8:11

Ku të rëërë Wëi ë weyiic, ke Wëi ke Raan wään cï Yecu jat nhial ë kɔc cï thou yiic, të rëër kek ë weyiic, ke Raan cï Kërtho jat nhial ë kɔc cï thou yiic, yen abï week tɔ pïïr gup gup de yiic thuɔɔu, në riɛl ë Wëikɛn ee rëër ë weyiic.

1 Kor 6:14

Ku Nhialic ë Bɛ̈nydït jat nhial, ku abï wo jat nhial aya në riɛldïït ë yencin.

2 Kor 13:4

acakaa yen ë cï piäät ë tim cï rïïu nɔm kɔ̈u ke kɔ̈c guöp, ka pïïr ënɔɔnë në riɛl dïït ë Nhialic, riɛl nu tëde week.

2 Kor 5:17

Yen tëde ka, të de yen raan nu ë Kërtho yic, ka ye kë cï piac cak: kathɛɛr acïk lɔ ya, wɔikï, käŋ acï ke piac cak kedhie.

Epethiei 4:17

Yen aluɛɛl ɛn cöökë, ke ya ye cäätɔ ë Bɛ̈nydïtic an, duökï ë bɛ rëër ë rëër ë Juöör, kɔc ë rëër ke ke ye ɣɔ̈ric tak ë kenïïm,

Epethiei 5:8

Wek aaye cuɔlëpiny ɣɔn, ku ënɔɔnë, wek ee ɣɛɛrëpiny ë Bɛ̈nydïtic: rɛ̈ɛ̈rkï ë rëër ë mïth ke ɣɛɛrëpiny,

Kolothai 3:10

ku cäk raan ë piac cak tääu abäk cieŋ, raan ë be ë Nhialic cak Aciëŋde, ke bï käŋ ŋic ëgɔk, ku bïï ciët täu de raan ë cak en.

Kolothai 4:1

Wek bäny de lïïm, yak lïïmkun gäm ka röŋ ë luɔiden, yak ke miɔɔc ë ke kiëëtkï, aŋiɛckï nɔn dɛ wek Bɛ̈nydun aya paannhial.

1 Pet 3:21

Ku yen acït kuny ee baptith wo kony wëi ënɔɔnë aya, acie bïï bï acuɔl ë raan guöp bɛ̈ɛ̈i bei, ee kɔ̈ɔ̈r ee raan kɔɔr luɔi, ŋic en e piɔ̈u nɔn le en gɔk ë Nhialic nɔm, në jön cï Yecu Kërtho rɔt jɔt,

1 Jɔn 2:6

raan luel en an, rëër ë yeyic, abï dhil tɔ̈u ë täu man ɣɔn ee yen tɔ̈u.