Romai 6:21 - JAM DE NHIALIC 2011

²¹ Ee luɔk cït ŋö cäk guɔ yök wään ë kake yiic, ka ya wek gup yäär ë keek ënɔɔnë? Ee thuɔɔu yen ë thök bï kake thök.

Romai 6:21 ပူးပေါင်းရင်းမြစ်များ

1 Mel 2:26

Go melik lɛ̈k Abiathar bɛ̈ny de kake Nhialic an, “Lɔ Anathoth wundun baaidu, yïn rɔ̈ŋ we thuɔɔu, ku yïn cä bï nɔ̈k ënɔɔnë, në luɔi ë nu Athänduŋ de män ë Bɛ̈nydït në yïciin wään nu yïn wekë wää Debid, ku yïn ë guömde ëbɛ̈n rɔm wekë yen ëtök.”

Edhr 9:6

Ku luɛɛl an, “Nhialic, yɛn cï yäär ka yɛn cï guöp riɔ̈ɔ̈c arëët bä yanyin wɛ̈l Yïn, awɛ̈ɛ̈ckuɔ acïk thɔc ka cïk wo wöör nïïm, acïk ɣet abïk nhial cuööp.

Jop 33:27

Yen abï lueel në kɔc nïïm an, yɛn cï wäc acïn yic cä looi, ku akënë ë Nhialic kuɛ̈n ɛn.

Jop 42:6

Ka ënɔɔnë yɛn cï guöp riɔ̈ɔ̈c në ka cä ke lueel kedhie, ka yɛn bï rɔt daal në abuui yic ku ŋeth yic nyooth puŋdepiɔ̈ndï.

Diɛt 73:17

arëk abä lɔ tëɣeric de Nhialic. Aguɔ jɔ yökic yen kë bï tuöl tëde kɔc rac.

Kɛ̈ŋ 1:31

Ku ënɔɔnë, wek bï kërɛɛc rɔ̈ŋ ke week jɔ yök. Ku kë ë luɔikï në cinkun abäk jɔ thiëëp thok.

Kɛ̈ŋ 14:12

Kueer ee raan tïŋ ke cït yic, aduëër lɔ guut tëde thuɔɔu.

Kɛ̈ŋ 16:25

Kueer ee raan tïŋ ke cït yic, aduëër lɔ guut tëde thuɔɔu.

Yith 3:10

Lɛ̈kkï kɔc piɛthpiɔ̈ɔ̈th an, “Kakun abïk piath në luɔi bä wek piɔ̈ɔ̈th miɛt në käŋiic kak ë luɔidun.

Jeremia 12:13

Kɔckï ayek agamɔ com, ku temkï wal, acïk lui aläl, ku acïn kë yek yök ë luɔi yic. Në biäk de agönhdiën tuc, rɛɛpken akënkï luɔk.”

Jeremia 17:10

Yɛn Bɛ̈nydït, Yɛn ee täŋ de kɔc kɔɔriic, ku thɛm kɔc piɔ̈ɔ̈th. Yɛn ee ŋɛk looi, cït man ë kueerdɛn ee yen ceŋ, ku cït man ë këdɛn ee looi.”

Jeremia 3:3

Yen acï deŋ tɔ yaak ke cïï tueny, ku yen akën ë nyïïn bɛ thiɔɔr ke ke bɔ̈ biic. Ku yïn ee tïc cït tiiŋ akɔɔrröör, yïn cïn guöp ayäär.

Jeremia 31:19

Wok cï röt yal wei ë Yïlɔ̈ɔ̈m, ku wok cï röt guɔ lɔ pɔ̈k Yïn. Wën cï Yïn wo luöi këtuc, wok cï wonïïm nɔ̈ɔ̈k nhial ë dhiënëpiɔ̈u. Wok cï gup riɔ̈ɔ̈c ku cuk yäär, në biäk cï wok wäc ke wo kor.’

Jeremia 8:12

Kɔckï, ë we kën gup riɔ̈ɔ̈c në biäk cä wek kake ayäär looi? Ei, wek kën gup riɔ̈ɔ̈c taitai, ku wek kuc luöi ye kɔc diɛɛr aya! Ka wek bï wïïk cït man cïï kɔc kɔ̈k wïïk, të lan week lɔ luöi këtuc, kënë yen abï aa thökdun. Acä lueel, Yɛn Bɛ̈nydït.

Edhekiɛl 43:11

Na cïk gup jɔ yäär në karɛc cïk looi, ke jɔ ke guiëër kïït de Luaŋdït: kïïtde, kueerdɛn ë lɔ thïn ku bɛ̈n biic, täude, guiɛɛr de këriëëc ëbɛ̈n, ku lööŋke ku wëëtde. Gäärë ee kakë piny ëbɛ̈n në biäkden, agokï tïŋ yen luɔi cïï ë käŋ guiir ku kueer bïï kek ee lööŋkë luɔi thïn.

Danyel 12:2

Kɔc juëc cï thou abïk bɛ pïïr, kɔc kɔ̈k abïk piɔ̈ɔ̈th miɛt në pïïr athɛɛric, ku kɔ̈k abïk gum në ayär athɛɛric.

Romai 1:32

Kɔckë, të ciɛk kek löŋ ë lueel Nhialic ŋic an, kɔc ë ka cït ee kake looi aröŋkï ë thuɔɔu, ke ke ŋoot ë ke ye kakë looi, ku yek piɔ̈ɔ̈th rɔ̈m ayadäŋ në kɔc ë ke looi.

Romai 5:12

Yen tëde ka, kërac aa bɔ̈ ë piny nɔm në raan tök, ku bɔ̈ thuɔɔu ë kërac cök, go thuɔɔu jɔ lööny ë kɔc gup kedhie, luɔi cï kɔc käŋ wööc kedhie.

Romai 6:16

Kuöckï week an, raan cä wek röt tɔ ye lïïmke, abäk ka ke yen aa looi, yen aya wek lïïmke, yen raan aa wek ka ke looi, nɔn ee yen kërɛɛc ee thuɔɔu bɛ̈ɛ̈i, ku nɔn ee yen pïŋ aa wek ka ke Nhialic piŋ, yen aye piathëpiɔ̈u bɛ̈ɛ̈i?

Romai 6:23

Ariöp de kërac yen aye thuɔɔu, ku miɔ̈c de Nhialic yen aye pïïr athɛɛr në Bɛ̈nydan Yecu Kërtho.

Romai 7:5

Ku të wään rëër wok ë ka ke guöpic, ke ŋɔ̈ɔ̈ŋ ee wok ŋɔ̈ŋ ë kërac, kë ë bɔ̈ në löŋ, aaye luɔide looi ë ka ke wogup, bïk luɔk në këde thuɔɔu.

Romai 8:13

ku të ya wek ka ke guöp looi, ke we bï thou, ku të ya wek luɔi de guöp yiëkic thuɔɔu në riɛl ë Wëi, ke we bï pïïr.

Romai 8:6

Täŋ ee raan ka ke guöp tak yen aye thuɔɔu, ku täŋ ee raan ka ke Wëi tak yen aye pïïr ku ye mät.

2 Kor 4:2

Ku ka ke ayäär ka cï moony acuk ke jäi, ku wo cie rëër ë wo ye ruɛ̈ny, ku cuku läm ë Nhialic ee cäkic, ee yic en a yok tɔ tiëc, ago wo ŋic ë kɔc piɔ̈ɔ̈th kedhie nɔn piɛth wok ë Nhialic nɔm.

2 Kor 7:11

Thɔ̈ɔ̈ŋkï këmanë guöp, dhiën cï we tɔ dhiau piɔ̈ɔ̈th në këde Nhialic, thɔ̈ɔ̈ŋkï lɛ̈th cï we tɔ lëth yiic dït dïït en, yeka, ku dït ë luɛl cä wek këdun lueel, yeka, ku diu cä wek piɔ̈ɔ̈th diu, yeka, ayï täŋ cä wek käŋ tak arëët, yeka, ayï tuöc cä wek piɔ̈ɔ̈th tuöc, yeka, ayï guur cä wek käŋ guöör! Në këriëëc ëbɛ̈n we cï röt nyuɔɔth nɔn cä wek gup a gɔk ë liu liɛɛu wek ë jamë yic.

Nyöŋ 17:6

Ku abï nɔ̈k tei, të cïï kɔc kaarou ku nɔn ee kɔc kadiäk jamdɛn cï lueel piŋ ë yic, acï bïï nɔ̈k na ee raan tök yen ë tïŋ ku piŋ ee jamdɛnë.

Nyöŋ 21:22

“Na de raan cï nɔ̈k në biäk de awänydɛn cï yen raan nɔ̈k, ku acï nɔ̈ɔ̈k guöp ë tim kɔ̈u,

Pilipoi 3:19

këdɛn bïk yök rial ee riääk ëliŋliŋ, yäc en aye yanhden, ku dhuëëŋden ee yäär ee kek yäär, ayek kepiɔ̈ɔ̈th tuöm ka ke piny nɔm.

Ɣeberuu 10:29

Në täŋdunic, duëër aa këtuc dïït cït ŋö, yen kuöm bï röŋ ke raan bï Wën ë Nhialic dhɔɔt guöp? Në reec reec yen En, ku kɛ̈c në yecök, ku ee riɛm de löŋ cï piɛc mac bï yen tɔ piɛthpiɔ̈u tɔ cïn naamde, ku ye Wëidït ɣer ke dhuëëŋdepiɔ̈u läät ë lɛ̈ɛ̈t rac.

Ɣeberuu 6:8

Ku na le luɔk në thil ku kuɔɔth, ka cïn këpiɛth nu thïn, atit riäŋdïït bï Nhialic ye cieen ku nyop në mac.

Jakop 1:15

Ku ŋɔ̈ɔ̈ŋ de kërac, të cï en liac, ke dhiëth kërac, ku kërac, të cï en thök ë luɔi, ke bïï thuɔɔu.

Jakop 5:20

tɔ ŋic ë cöökë an: Raan ee raan ë kërac looi puk piɔ̈u në wäc cï en kueer wööc, ka bï raan kony wëi në thuɔɔu, ku jɔ kut dïït ë karɛc kum.

1 Pet 4:17

Kööl bï löŋ gɔl ë guiëër ɣön ë Nhialic kï, cï bɛ̈në: ku të cï e kɔn gɔl ë wook, ku kë bï kɔc yök rial bï ciët ŋö kekë kɔc ee wëlpiɛth ke Nhialic rɛɛc piŋ?

1 Jɔn 2:28

Ku ënɔɔnë, we mïththiaakäŋ, yak tɔ̈u ë yeyic, na miäk, cï tuöl, ke wo duëër nyïïn riɛl, ku cuku yäär ë yenɔm ë bɛ̈nde.

Nyuuth 16:6

Luɔi ee kek riɛm de kɔc ɣeriic ku tït luööŋ wei, ku cï ke gäm riɛm dekkï: yen arɔ̈ŋ ke keek!

Nyuuth 20:14

Ku cuɛtë thuɔɔu ku paan ë thuɔɔu ë baar ë macic. Thon ee kek rou kï ee kënë.