Romai 6:19 - JAM DE NHIALIC 2011

¹⁹ Yɛn jam cït man ë raan tei, në baŋ de kɔ̈c de guöpdun. Acït man cä wek ka ke wegup gäm cuɔlëpiɔ̈u abïk aa lïïmke, ku acäk ke gäm reecëlöŋ bïk löŋ aa rɛɛc, yen abï ciët gäm duɛ̈ɛ̈r wek ka ke wegup gäm piathëpiɔ̈u ënɔɔnë, abïk aa lïïmke, ke bï ɣɛɛrëpiɔ̈u bɛ̈ɛ̈i.

Romai 6:19 ပူးပေါင်းရင်းမြစ်များ

Lebai 13:40

Na de nɔm nhïm ku cï nɔm baar, ka apiɛth guöp.

Math 4:23

Go Yecu piny ë Galili caath ëbɛ̈n, aye kɔc wɛ̈ɛ̈t ë ɣöötkɛn ë Nhialic yiic, ke ye ke guiëër wëlpiɛth ke ciɛɛŋ, ku tɔ juäi waar ë kɔc gup juäi ëbɛ̈n, ayï tëtök ëbɛ̈n tëtök nu ë kɔc gup.

Romai 15:1

Wok kɔc ril, wo bï kɔc dhil aa muk në kɔ̈c kɔ̈ɔ̈c kek, ku cuku ee luui në këde piɔ̈nda.

Romai 3:5

Ku na rac de wopiɔ̈ɔ̈th, të cï en piath ë Nhialic piɔ̈u nyuɔɔth, buk ŋö lueel? Rac Nhialic, të cï en kɔc luöi këtuc ë agɔ̈th? (Yɛn jam cït man ë raan tei.)

Romai 6:13

Ayï ka ke wegup duökï ke gëm kërac, abïk aa ka ke racdepiɔ̈u bï kërac aa looi, yak röt gäm Nhialic cït man ë kɔc cï bɛ pïïr ë kɔc cï thou yiic, ku yak Nhialic gäm ka ke wegup abïk aa ka ke piathëpiɔ̈u.

Romai 7:23

ku yɛn ë löŋ däŋ yök ë ka ke yɛnguöp yiic, löŋ de ater kekë löŋ de yanɔm, löŋ ë yɛn thel cït man ë raan cï peec abï ya tɔ ye lïm de löŋ de kërac, löŋ nu ë ka ke yɛnguöp yiic.

Romai 8:26

Ku Wëidït ee wo kony aya në kɔ̈c kɔ̈ɔ̈c wok, lɔ̈ŋ bï wok lɔ̈ŋ apiɛth akucku, ku Wëidït guöp yen aye lɔ̈ŋ në biäkda në keŋ cïï duëërë lueel.

1 Kor 5:6

Lɛc aa wek röt leec acïï piɛth. Kuöckï luɔu thiinakäŋ nɔn ee yen awany dït tɔ piɔ̈ɔ̈r ëbɛ̈n?

1 Kor 6:11

Ku kɔc kɔ̈k ë weyiic aake ye kɔc cït keek: ku ënɔɔnë we cï waak, we cï tɔ ɣerpiɔ̈ɔ̈th, we cï tɔ piɛthpiɔ̈ɔ̈th në rin ke Bɛ̈nydït Yecu Kërtho, ku në Wëidït ke Nhialicda.

1 Kor 9:8

Luɛɛl kake cït man ë raan tei? Ku cïï löŋ kakë lueel ayadäŋ?

Galatai 3:15

Wek mïthëkɔckuɔ, yɛn jam ë jam ë kɔc tei: Löŋ cï mac, acakaa yen ë ye löŋ ë raan tei, të cï e mac ëgɔk, ka cïn raan bï e tɔ cïn naamde, ku acïn raan bï wël kɔ̈k tääu thïn.

Ɣeberuu 12:15

Yak yïn ke cïn raan töŋdun bï löny ku cïï dhuëëŋ de Nhialic piɔ̈u bï yök, tiir tök ee tiir riɔ̈ɔ̈k, yen ya wek cök ë wɔi wek röt apiɛth ke cïn mei de kɛcëpiɔ̈u bï cil në weyiic ku tɔ kɔc juëc lɔ në këracic

Ɣeberuu 4:15

Yecu, Bɛ̈nydan dïït ë kake Nhialic, aŋic täu de kɔ̈c kɔ̈c wok, në baŋ ɣɔn cï Ye kɔn them në thëm kithic cït man ye wo cool ë themë wook, ku Yen akën kërac kɔn looi!